MIKA 7:3 - PIPÏLIA

³ Nkït chane kwigh nyï le ghöyityö nyoman tepöy asoya pöytoghin nko kirwokin. Mwoghöy chi nyo wow pïrchin nyo gha ompö mïkulöwunyi.

MIKA 7:3 ပူးပေါင်းရင်းမြစ်များ

NGÖTÏNYÖ 16:30

Tötöy chi tïkwïn cho ghach nyo pïröy konyïn, ipu chi ngal cho ghach nyo kisïr kut.

NGÖTÏNYÖ 17:23

Chömöy mwokïyon kingwïsuno asoya mïlenyi, atökuryal ortïna man.

ISAYA 1:23

Kalïkwï pöytoghiku pich cho kichumpön akïlïkwï kongoti chorï. Toköy chane tïpö pich akïcham kerop chane. Melö syonchini pönon ompö ka kirwok anta chömchï mïsïktin kwipchï chane lokekwa.

ISAYA 26:21

Ompöwölo ngwïno ECHOTYON möngenyi nyo mito yïm, atökunyaril kong pipö ngwïny ompö ngokikwa. Kiporu atoni irïmö nyo kikigha ngwïny ompö sison, amelö tökumuköy ngwïnya kïwïngöy pich cho kikïpörchï orinyi.

ISAYA 3:5

Ngöroköy kegh chi anka tïkwïl osiswechoni ompö chitö anka. Melö konyïtöy chumwak poyikwa, amelö yongöy pich cho chumpönote pikökwa cho echön.

ISAYA 32:7

Gha chi nyo le sölwö akwighöy tïkwïn cho pö sölwontön, mïröy putintön atökuwany pich cho mötïng owesyö akïtagha chane kïnyorï mantangwa.

ISAYA 5:23

cho tyoköy rïmï ompö roput, akïmasa man pich cho pö man!

YEREMIA 3:5

Ayo, inörekyinaninyi so kokay alilinyi kokay?’ Onkïtön lö imwoghenyi lenyoni, we Israel, akwanyï nyu kighanyi löwïr ngalechoni ghach le wölo kimukanyi.”

YEREMIA 4:22

Lentöy ECHOTYON, “Sölwöy piköchan amenkïtanïcha. Monïng chane cho le sölwöy, möpköchinicha kïgh nyonikïny. Wölo köromöch nyoman kwigh kïyï gha, amenkïtcha kwigh kïgh nyo karam.”

YEREMIA 8:10

Kïlenyona, otöninan korukwa pich walaka, otöninan tïkwïl piko walaka parenikwa. Ompöwölo köromchini tïpö lïs pikö cho echön nko cho mïnkech, pöghisyegho putintön chini le ompö tïsï nko werkoy.

ESEKEL 22:12

Chengöy pich ompö nyi asoya tökïmïlta kisön, ghoköy walaka yiyöwo ropïyen cho kemangta lö tökesïkönonö, akyowutyeghanïkwa. Mwoghöy Echotyon TORORÖT.

ESEKEL 22:27

Lata kintöghoghichï cho kapar tyony, mïltoy kisön tökïnyorï sïkönöt ompö or nyo gha.

ESEKEL 22:6

Rosa kimïlta kisön kintöghoghi Israel löwïr cho miteninyi kïrïp kegh nko owesyenyi.

ESEKEL 34:21

Ompöwölo owirekwa atimo kuy chona le chankulan ntökïtenö otoyekwa lö tya.

ESEKEL 9:9

Kïlenchanïn ECHOTYON, “Kikwigh pipö Israel nko pipö Yuda ngokï cho echön. Kikïmïlta kisön cho chang ompö kor akunyïghit ghöyityö Yerusalem. Mwoghöy chane lö, ‘Kikïpïstö ECHOTYON koronï amökïyongönye.’

OSEA 4:18

Otini kigha kumïn akïtömesyö, kwighata cheporesnan akïchama kegh arasï kïtïl konyït.

OSEA 7:3

Lentöy ECHOTYON, “Poypoyöy pich pöytoghin ompö ngokikwa akwigh yetïntin kïngörekyö ompö lïsutkökwa.

AMOS 5:12

Onkïtön lö tya lelutkökwa nko wölo tenö ngokikwa, akwa cho onyörilöy kong pipö man, achengoy chane asoya, atïtïpöy ngala ptankeryan ompö kokwö.

MIKA 2:8

Kuyokyï ECHOTYON pïchoni lö kopokyikwa piköchan le pung. Oköngekwa chane tasarena sïrokö amasa pösönutkökwa pich cho kömi kalyengwa.

MIKA 3:11

Rwoko pöytoghichï kanasyanta asoya, netisïyi tïsï töketö ropïyen. Akingorsyö werkoyikwa tökïnyorï ropïyen akwanyï mwoghöy lö kitwoytoy kegh ECHOTYON kïlentöy “Melö mi so ECHOTYON nko acha? Nyo melö mi ghöyityö nyo nyorwecha.”

MIKA 3:2

Akwa cho owoköy man, acham ngokï, oyengekwa piköchan kïsöpchot, akwöl panye ompö koyekwa.

MATAYO 26:15

akïlenchï, “Okonanïkwa ne ato oporwokwa nyinte!” Keyityï kerpes pö silpa cho le tömönut sömök akutö nyinte.

1 KORINTO 4:5

Kïlenyona, morwokyï chi anka tïkwïl kïtomö kwitïta asistanyi, opïstenö tökïtenö kungwïn Echotyon, nyinte nyo pköngöy tïkwïn cho kikïwïnchï wölo tuw akuporï möchut pö mïkulis pö pich, atökïnyorunö nyu Tororöt chi anka tïkwïl salat nyo mïchini.