MIKA 7:14 - PIPÏLIA

¹⁴ Lïkuna mösöwonto piköku, ECHOTYON nko lïkengu piköku kegh cho kikïlanyi cho möngöy opïn surkwen wölo kimi korö wölo akwagh. Nya kïpa chane kïpa chane achey wölino le Pasyan nko Kiliad le atanya le köny.

MIKA 7:14 ပူးပေါင်းရင်းမြစ်များ

TUMWÖY 100:3

Onkïtï lö, ECHOTYON kï Tororöt, kighecha nyinte akïchicha chechi kïchicha pikachi akechï kechiryechi.

TUMWÖY 143:5

Ononan osiswo könyisyok, mi kinonutköchan tïkwïn cho kighanyi ononan ighisyewutko ewuneku.

TUMWÖY 28:9

Isörï piköku, we ECHOTYON, aisoyön pich löwïr cho le cheku. Ilïkwï mösöwontengwa aikaman chane kokay. Tum pö Daudi.

TUMWÖY 95:7

Tororötïncha nyinte akechicha piko acheyunyi, akechï kechir cho yokwïyi nyinte. Nyo atera asisete kutinyi atolentöy,

WUWÖT 33:16

Ompöwölo nkïtu pich lö ne lö, kechamaninyi nko piköku? Kïpoto ato iwenyi nko acha, atökesisitunacha nko pich walaka cho mi ngwïny.”

TUM PÖ TUMWÖY 4:1

Ichinyi pïchigh kïtya nya chamanenyu, sïwene wölo ichinyi pïchigh kïlïkwï! Karkegh konyiku cho yentoy kolikö nko konyi chepïrïm. Lata puteku okwot pö ngaror cho petöy kururtoy kamaspa Kiliad.

ISAYA 27:13

Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

ISAYA 35:2

Ngongöy möt tapïkoyï ompö chongïn, lïliyöy akïtum ompö ngörekyö. Ororitu le kutïngkoti Lepanon, akïnyorï okwoghyö le nyo pö pareni Karmel nko Syaron. Sïwïyi chi anka tïkwïl ororyo ECHOTYON akïsïwa wowïntanyi nko owesyenyi.

ISAYA 37:24

Kesasanyi Echotyon kuwerï mötworiku aimenönyi lö, Ompö nkarinechan cho chang, karïntan Lepanon, ntowongwï kutïngkot löwïr cho koghöch. Kotörön keti tarakitkachi cho koghöch akïlchan kegh keti saypras cho pïchighöch. Kolïtön ompö wudö wölnö kidïrö.

ISAYA 40:11

Yokwïyi nyinte kechiryechi le mösöwon, ghömïtöy nyinte wareko kechiryechi akïkasan chane ompö puwayichi, akïrang kamati kïpa mut.

ISAYA 49:10

Momöcha kömöy anta maral. Melö pelöy asis amedonye kïgh yomo surkwen, ompöwölo ntöghoghchini nyinte nyo syonchini chane. Ntöghoghchini chane ntökwit kori pöghon.

ISAYA 65:10

“Soghanïn chane akuyakwïy kechiryekwa nko twakwa kor nyo le tömkö nyo pö Syaron nyo mi okumpö ta akïpa ntökwitïta Mpöghogh Kömpölelyö nyo mi okumpö kongasis.

YEREMIA 49:31

“Anapa kegh nyu apa poryot, apara kor nyo mi payasa, nyo lïmchini kegh lö omi kalya. Mötïngnye kanastinechi kukot anta miröw cho pö körin. Töpo korononi onkït.

LOK 1:7

Kenan Yerusalem osiswo pöghisyö nyo kipö tagh otï kalïkwï kïratyan le nyï, Kapka pung kïnam nyinte amelö mi nyo kingwïn kïsörï nyinte, kïroröchï pung otini kikïrïnta nyinte.

LOK 5:21

Yokwecha ngat kepkana wölo imitenyi, we ECHOTYON yokwecha ororyenyo le nyo kipö tagh.

ESEKEL 36:11

Atösan pich nko kyak kïnyïghï koronï, tösisyot akïyiyö. Oghan koronï kemang le köny, awunyi nyo karam kïtïl atay le tagh, tenkïtunö lö, ochan ECHOTYON.

LAWIN 27:32

Pöyitu ECHOTYON akonga ompö taman cho pö kyak walaka löwïr cho kitïlilchini nyinte.

AMOS 9:11

Lentöy ECHOTYON, “Itu asis nyo ongetan paytaghpa ara Daudi nyo kirul, atek ngat nïyetkö cho kirulyö le otini kimi tagh.

OPADIA 1:19

“Pkono pich koro Yuda okumpö tagh akïmïl koro Edom kïpkana walaka kutïngkot cho mi okumpö ta akïmïl Syepela, koro Pilisti. Pöyitu koroswo Epraim nko Samaria pipö Israel. Kïcheng pipö ara Penchamen koro Kiliad.

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

SEPANIA 3:13

Melö nyu tökwighöy cho ghach pipö Israel cho kingötï, pïstoy putintön nko lïs. Pöghisïyi chane nyo karam, karkegh nko kechir cho oketïyi akïrusot wölo tïghume, akï puryö kïgh nyo muköy kwotyeghö chane.”

SAKARIA 10:10

Oyokunan chane kaw kïpkana koro Misri, oghömïtunenan koro Asirya. Atolapay kïpka kïmang koro Kiliad nko Lepanon ntökïnyïghï lakas.

SAKARIA 11:7

Kïlenyona achaman alïkwï mösöwonto kechir cho pö yengsyö ompöwölo kikiranïn kyomïnchan kaynötut. Kyokuran akonga “Pöropchö,” okuran nyinö anka, “Ghömïchö,” ayakwïyan kechiryechay.

MALAKI 3:4

Ngörokyini nyu atoni ECHOTYON ropöwo amörostin cho ipchini nyinte pipö Yuda nko Yerusalem le wölo kilata tagh.

KIYITUT 23:9

Osïwïyan nyinte ompö kutïngkot kimi to, otopönteghonan chane komos. Pich cho mi opïn, amelö kiyïtïtoy punton walaka!

KIYITUT 32:1

Kitïng werpö Rupen nko Kad tïch cho chang nyoman, kïsïwa chane koro Yaser nko koro Kiliad lö kikaram ompö kyak.

MATAYO 2:6

‘Akï nyi, Petleem nyo imi koro Yuda, mechinyinye mïnïng tya ompö kintöghoghi Yuda, ompöwölo ngwïnoninyi kintöghoghintö nyo ntöghoghchini piköchan Israel.’ ”

YOANA 17:16

Möpöcha chane ngwïny melö oponan ngwïny.

KINONO KIRURUT 33:28

Kïlenyona möngisïyi pipö Israel ompö kalya, akïmi ato tïghume kori pöghoni Yakopo ompö kor nyo chang pagh nko dipay,* owöy, ropönchini pögho yïm korenyi.