13 Lïku korö kïratyan ompö ngoki pich cho möngöy ori.
Kyasïwan pich cho ngoröy pareni ghöyityö, akïkatkat kösïgho rïmö, ilöy ye nyu chane ghöyityö nko rïmö.
Kïlenyona omöy akweko otöptinekwa akuchen chane tötukökwa cho ghach.
Tönö nyinte akweko morichi, aikany kïsal nyinte ighisyewutkachi ompö ortïna kanasyan.
Nömöy mwokïyon ngokichi kegh, akïrat nyinte sïngata ngokichi.
Kisuro kanastin cho tïghume ato itï osiswechoni, le kanastina Ipiti nko cho pö Amori ato kipertegho chane pipö Israel.
Osyokan ante ECHOTYON kinonut pö chi, okïtan mïkulöwunyi ori. Nka nyay oghchinan chi anka tïkwïl, kïrïp kegh nko ortïnechi nko ighisyewutkachi.”
Kamwaghan ante ECHOTYON lö, Opelonan kayoni pö pöytoghin ma kuwit opelonan ma nyo metukönye kïgh anka tïkwïl.”
Lïku koronï kïratyan nyo möchömönye chi kong kuros. Pöghisyechini puntonichoni löwïr pöytoghinto Papilon ompö könyis 70.
Itötenyi ngaleku ompö ngöghomnyö aighenyi tïkwïn cho pö töngönchin. Isïwïyenyi lötok ortïn nko ighisyewut pö ptangengmöt airopchinenyi anka tïkwïl kïrïp kegh nko ortïnechi nko ighisyewutkachi.
ailenchï pipö koronï löwïr lö, lentöy Echotyon TORORÖT, ompö pipö Yerusalem cho möngöy Israel, omisïyekwa ompö potana, aghegh pögh ompö mïghö. Kinyöngo korengwa tïku löwïr ompöwölo kikïlïkwï chelölos pich löwïr cho möngöy ori.
Oghan koronï kïtuwit kïpuryö chi ori ntökupot menotönenyi. Kïlïkwï koro Israel siriron puryö chi nyo weröy.
Kïlenyona kïngoröy Sayon le par akwompö akwa lïku Yerusalem kïratyan nyo kirul kutïkumö, akïpita wuw nyo wow Kö pö Tororöt.
Itïtoy nyu ato oriryokwa arirchini ECHOTYON wölo melö terwokwa nyonikïny porchinokwa patagh akïsis ompöwölo kyaghakwa ngokï.
Kïlenyona pïsyini ECHOTYON pikachi pungkökwa ntökïtenö kulusyö kama monïng nyo kïghöy worö, tökïsorï werkökwa löwïr kïpka kïsörï pikökwa Israel.
Kïlenyona kyotorön omungokwa, owongokwa akwompö ngokikwa.
