MIKA 7:12 - PIPÏLIA

¹² Pkonöy piköku kïmïlisyot wölo iminyi kïngeta Asirya ntökwit Misri akïngeta Misri ntökwit lalwa Yuparet kïngeta nanamtin cho lowöch ntökwit kutïngkot cho lowöch.

MIKA 7:12 ပူးပေါင်းရင်းမြစ်များ

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 11:16

Akïrumunö or nyo wow nyo pkono pipö Israel cho le ngötunön koro Asirya kïkarkegh nko wölo kilïkwï asis nyo kingetunö pikökwa koro Misri.

ISAYA 43:6

Omwochinan pipö ewu löt kïpïstö chane, amwochan cho pö ewu tagh kutyak chane. Nya kïmïlisyeghö chane koros cho lowöch, nya kïpkana koroswo ngwïny löwïr.

ISAYA 49:12

Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”

YEREMIA 23:3

Atolapay aghamïtwan piköchan cho kingötï, kïpkana woptin löwïr wölini kyotoytoychan chane tökïpka korengwa. Pkonöy kïyisot akïchangit.

YEREMIA 3:18

Ryomöy nyu osiswechoni pipö Yuda nko pipö Israel cho pkono koros cho mi okumpö löt akïmïlisyö kor nyo kyotönön köny papotïnekwa.

YEREMIA 31:8

Arosa, omïtunenan chane kor nyo mi okumpö löt. Oghömïtunenan söremwok pö ngwïny. Rotu löwïr puryö nyo dongöy, ngwïnöy chepkarot nko mwolöy. Pkonöy korï cho mirsyot nko cho kïghöy, mïlo söpïch nyo wow nyoman.

YEREMIA 46:27

“Wölo mewöghisyö we Yakopo, mötworintenyu Mepotan we Israel, nyo ichï nyinyan, ompöwölo osörunyi nko moneku kïrkegh kemitö kor nyo low wölona iminyi le ratan. Imïlonenyi kaw temöngisyenö ompö kalya. Möminye chi anka tïkwïl nyo muköy kwighinyi otyenö.

ESEKEL 29:21

“Oghan asisoni pipö Israel kïsïch owesyenyi atolapay aghinyi Esekel ngölonchinö chane, tökunkïtï chane lö ochan Echotyon TORORÖT.”

ESEKEL 37:21

Atolapay ilenchï chane lentöy Echotyon TORORÖT, opunan Israel kïpkana punton wölo kipa. Aghamïtwan chane löwïr ompö wölini mi amïtwan kïpka korengwa kegh.

OSEA 11:11

Pkonöy ompö ngörekyö le törit cho pkono Misri, le cheptuken cho pkono koro Asirya. Oyokyinan nyu chane kïpa kestonikwa ngat. Mwoghöy ECHOTYON.