MIKA 6:8 - PIPÏLIA

⁸ Ewo, melö lenye nyoni we ptangengmöt. Kïgh nyo mökenecha ECHOTYON kï nyï: kegh man akeparta chomnyogh nyo mamïnïng, akemïnïngityï kegh Tororötïnyo.

MIKA 6:8 ပူးပေါင်းရင်းမြစ်များ

TOWUNÖT 18:19

Ompöwölo onkïtön lö sötöy nyinte monechi nko piko konyi cho rïpu nyinte kïrïp arenyan, akwigh man, atamukan otö Apraam kiyomisutköchan.”

TOWUNÖT 5:22

Kitöpö nyu Enok nko Tororöt könyis 300 akisïch monïnge walaka cho le wor nko tipïn.

2 OTÖPTINO OSIS 30:11

Wölo kïrïny kegh pipö Asyer nko Manase nko Saplon cho ngörï akïpka kutöngwï Yerusalem.

2 OTÖPTINO OSIS 32:26

Wölo kïpïstö Esekia kwolöto kegh, akwigh lenyoni tïkwïl möngi Yerusalem, melö kitökïnyorï nyu chane sito ECHOTYON ompö osiswo Esekia.

2 OTÖPTINO OSIS 33:19

Kïkany sowutkachi nko wölo kiterta Tororöt somötenyi nko ngokichi löwïr nko wölo kipïsteghtö kighanatenyi nko onkuninö kitekta wölo kïsogho körkeyïntin akupintit Asyera, tororöt nyo le korka nko körkeyïntin, atanya kitomönye kïrïny kegh Manase ompö tawu Tororöt, kukirote kitapu otöptino werkoy.

2 OTÖPTINO OSIS 33:23

Kimarïngnye kegh Amon ompö tawu ECHOTYON le paponyi Manase, wölo kinget nyinte kïtas tagh kwigh ngokï tya.

2 OTÖPTINO OSIS 34:27

akïnyorï mïkulöwungu lastagh, aipönyi kegh ngwïny ompö tawunyan aipalpal sïroköku ailoka tawunyan kyalïminyi.

NEEMIA 9:13

Kirökunenyi yïm ngwïny kutïng pö Sinay aingölönchinyi chane, atolapay itönyi chane kirurut cho pö man, nko kinetutköku cho karamach.

TUMWÖY 101:1

Otumunyi ye nyu, we ECHOTYON, tum nyo pö kighanat nko man.

TUMWÖY 112:4

Löpochini pich cho tenote ompö tuwïn le kitömöwon, tïng ECHOTYON kisyonöt nko pöropchö nko man.

TUMWÖY 112:9

Korkoröy ewunyi kïpögho tïkuchi mey, töpo mantanyi lenyoni kokay, kïsyolo owesyenyi konyït kokay.

TUMWÖY 37:26

Pöghöy pich kïnomnyö akïpösöntoy tïkuchi, ipu monechi kisoyönöt.

TUMWÖY 73:28

Wölo nyo le ani, mïchinanïn olekïtitwan nko Tororöt. Oghïponan ECHOTYON Tororöt. Omwotïtonan ngal löwïr cho kigh nyinte. Tum pö Asap.

NGÖTÏNYÖ 21:3

Chömöy ECHOTYON kegh ngala man nko kitenat, kïtïl amöros nyo kitötoy.

OMTOGHIN 12:13

Ompö ngalechoni löwïr kelïmanyi, mi kïgh akonga nyo köngötï: Awagha Tororöt, anam kirurutkachi, ompöwölo nyoni nyo le kerötenyi kwighöy ptangengmöt.

ISAYA 56:1

Mwochini ECHOTYON pikachi lö, “Arïpakwa man akutenote, ompöwölo tomönye kite angwïnan osörwokwa.

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

ISAYA 66:2

Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.

YEREMIA 22:16

Kirwok ntökïtenö kïnyorï meyï nko nyörïlot mantangwa. Poru otöp nyo lata nyoni lö, kikunkïtwanïn chichoni lö ochan ECHOTYON.

YEREMIA 22:3

Agha man nko köromnyö. Osörunö pich cho nyörïlöy ompö mori pich cho nyörilöy chane, amoghchï nyo gha anta osus ton anta panan anta mïsïk. Mamïlta kisön pö chi nyo puryö lelut ompö kanasyantanï tïlil.

YEREMIA 9:23

Lentöy ECHOTYON, “Mekwol kegh chi nyo ngöghom ompö ngöghomnyengu amekwolö kegh chi nyo awes owesyengu anta sïkön ompö sïkönötenyi.

LOK 3:26

Kïlenyona karam tya ompö acha kekönö sörunötenyi ompö mïkukönöt

ESEKEL 16:63

Olöstewunyi lelutköku löwïr cho kighanyi, wölo otini kenananyi, nöminyi kïgh kut ompö arasï.” Mwoghöy Echotyon TORORÖT.

ESEKEL 33:14

Kïrkegh olenchan chemwokïyon, ‘Imeghenyi nyo motïny,’ wölo ato pïstö ngokichi akwigh nyo karam akï pö man,

DANIEL 4:37

“Kïlenyona osölan, atöror, akonyït Pöytoghinto yïm, ompöwölo pö man pöghisyewutkachi nko ortïnechi. Reytegho nyinte chi nyo kwolöy kegh.”

OSEA 12:6

Kïlenyona imïlonenyi ompö owesyo Tororötïnkwa. Akaman chomnyogh nko man, akön Tororötïngwo kïtenö osis.

OSEA 6:6

Ompöwölo omökan chomnyengu melö amörostin, akunkïtwanïn piköchan kïtïl ropöwo amörostin.

LAWIN 26:41

akwighanïn onörekyan chane ayonchan koro pungkökwa. Kïkany atotenö kikipkegh ngwïny ompö penyatengwa akïkötö ngokikwa,

AMOS 5:24

Wölo nya kïnyïghï man ngwïny le pögh akuyinta man le lalwa.

MIKA 6:9

Karam chi nyo woghöy ECHOTYON, kuröy ECHOTYON pipö Yerusalem kïlenchini “Atera pïchï osupo kegh kanasyan.

SEPANIA 2:3

Ayara ECHOTYON wey, akwa cho ochï tölose, akwa cho orïpöy kirurutkachi. Agha man, ap kegh ngwïny. Töptoy ana ochïwïtyonekwa mönyorwok sito ECHOTYON asispa nörekyenyi.

SAKARIA 7:9

“Lentöy ECHOTYON Kimuktoghin, omutyinö pich ngala man. Oghchinö kegh akwane nyo karam, asyonchï kegh.

MATAYO 5:3

“Soyönote pich cho nkït lö kïchï mey ompö tawu Tororöt, ompöwölo nyingwa Pöyunöto Yïm!

MATAYO 5:7

Soyönote pich cho syonchini pich, ompöwölo syonchini Tororöt chane!

LUKA 10:42

Kïgh akonga kwïle nyo roko kïlanyi, akakïl Marya kïyoni karam. Ainkïtï nyu lö puryö chi nyo chengo nyinte kïyoni.”

LUKA 11:42

“Ochech akwa Parisaytin! Karoptekwa kareranpa taman nyo pö tïkwïn cho makes cho lata köröstin nko kapïrïmen nko nkïy angetakwa atagh oghchï pich man acham Tororöt. Kömïchokwa agha choni nyo tagh, amopïstö chona walaka.

LUKA 12:14

Kuteghchï Yeso chichay lö, “Ayo, kighanïn ngo oghyongchï anta alïkwï chöghinto tïkukwa kwodeny?”

LUKA 6:36

Osïkö kisyonöt le wölo syonchini Paponkwa.

RUMI 7:16

Kïkany nyu ato aghan kïgh nyo kömochömanye oghöy, kuporu lö kachaman lö, karamach kirurut.

RUMI 9:20

Wölo ilentenyi ptangengmöt ochï ngo nyo mölöy kegh nko Tororöt? Kilïmanyi tör nyo tepöy ighintenyi lö, “Kölö ne teghaninyi le nyï?”

1 KORINTO 7:16

Imukenyi korka nyo ichï ghanate tenkïtï lö ne lö memukenyinye sörune santengu? Anta nyi nyo ichï mïrön nyo ichï ghanate, tenkïti lö ne lö memukenyinye sörune korkengu?

EPESO 4:32

Osyonchinö kegh, alöstoghchï kegh lelutkökwo le wölo kilöstowekwa Tororöt ompö Kristo.

KINONO KIRURUT 27:10

Nyo karam ye nyu atera ngalechï arip kirurutkachi löwïr cho omwowokwa asete.”

KINONO KIRURUT 30:15

“Akïla asisete söpon anta meghat, köromnyö anta ghöyityö.

KOLOSAY 3:12

Ochikwa ye pipö Tororöt, kichamakwa nyinte akïkïlakwa alïkuna pikachi kegh. Kïlenyona, olokyinö kegh tïkuchï: kisyonöt, köromnyö, ipöto kegh ngwïny, tölosyö nko mïkukönöt.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

YAKOPO 2:20

Wechï ichinyi sölwö! Imökenyi keporunyi so lö, möminye kïgh nyo nyiwu kighanat nyo puryö ighisyewut?

YOSWÖ 24:14

Kïlenyona kïtas tagh Yoswö kïlö, “Okonyïtö ECHOTYON, apöghisyechï nyinte ompö mïkulögh nyo melö pö lïs nko ompö man, opïstenö tororötinechay kipöghisyechini papotïnekwa ompö koro Mesopotamiya nko ompö Misri, apöghisyechï ECHOTYON.

1 PETRO 3:8

Anyï nyu ngölyonteto söröm, mïchinokwa alïkuna pich cho tïng kinonut akonga, acham kegh akwane le cho otupchö. Oporchï kegh köromnyo alïkwï cho mïnïngitöy kegh.

1 SAMWEL 12:23

Nya kïlowit ompö ani. Momukanye kokay ntoghchï ngokï ECHOTYON opïstan osoghwokwa. Wölo onetokwa or nyo karam nyo mïchini arïpakwa.

1 SAMWEL 15:22

Kïlö Samwel, “Kïgh ne nyo mököy ECHOTYON, konyït nya anta kitötogh nko amörostin? Ngwangwa kekonyït nyinte kïtïl ketö amöros pö kech nyo akwagh.