MIKA 6:6 - PIPÏLIA

⁶ Ne nyo opchinan ye ECHOTYON ato owetan osoghöy Tororöt nyo mi yïm? Opchan ye amöros pö mogh cho kïpelöy?

MIKA 6:6 ပူးပေါင်းရင်းမြစ်များ

2 SAMWEL 21:3

Kïtep Daudi pipö Kipyon lö, “Aghwekwa ne? Ompöwölo omökan owonge ghöyityö nyo kikighwekwa, atosoyönökwa pipö ECHOTYON.”

TUMWÖY 116:12

Ne nyo otöninan ECHOTYON, ompö köromnyenyi nyo kikwighwanïn?

TUMWÖY 22:29

Ngïrukyini menoti ngwïny nyinte, akïkïtïngchï chane cho wonyot, cho memukönye kwigh kegh kïsöpchö.

TUMWÖY 95:2

Kepe tawunyi atökeyokyinö sörö. Ketumchinö nyinte tumwöyi sölut.

TUMWÖY 95:6

Apkana kengïrukisyenö akesagh nyinte, kekïtïngenö tawu ECHOTYON Ighintenyo!

WUWÖT 12:5

Ochengekwa wawa nyo lïpop nyo tïng köny akonga nyo le makal anta kwagha.

WUWÖT 23:15

Omekwa Ichon pö Makatin cho puryö Mumar ompö osis mut nko odeny, lenyini komwowokwa. Oghekwa lenyoni ompö asis nyo kïlate nyo pö arawa Apip, ompöwölo kyapkanekwa arawanoni koro Misri. Möminye chi nyo ngwïnöy tawunyan nko mori kwïle.

NGÖTÏNYÖ 15:8

Ghöchini ECHOTYON amöros pö mwokïyon wölo ngörökyini saghata pich cho tïlilöch.

NGÖTÏNYÖ 21:3

Chömöy ECHOTYON kegh ngala man nko kitenat, kïtïl amöros nyo kitötoy.

ISAYA 40:16

Meghömöcha kwempa Lepanon kenoghöy, amöghömöcha tyonko wöloni keghöy amörostin cho kïpelchini Tororötïncha.

YEREMIA 6:20

Pö ne kepkanïn tïkuchay ngutoy cho onyïn ompö koro Syepa, nko mankoy cho ngwïrngwïr cho opunokwa kor nyo low nya? Kataghan ropöwekwa, amömïlanïcha amörostinekwa.

ESEKEL 46:9

“Wölo otini kapka pich kïsagh ECHOTYON ompö osiswo ichontin, pich cho kölïtunö ara okumpö löt kïlïtöy soya ara okumpö tagh kïlö cho kölïtunö ewu tagh kïlïtöy ewu löt. Möminye chi nyo lïtöy aranay kölïtunö atay, lïtöy pich sany ompö wölini pörtoy chane.

DANIEL 3:26

Kïwö Nepukadnesa kïrich kuka mayay ngwan lakat akïlö, “Apkana sany Syadrak nko Mesyak nko Apedneko mötwori Tororöt nyo Töror Tya.” Kïpka sany pïchay lawel ompö mayay.

DANIEL 4:9

We Peltesyasar nyo wow ompö chemowostin, onkïton lö mi nko nyi mïkulöwu tororötin cho tïlilöch amelö mi kïgh nyo pö töngönchin nyo pölinyi, anyï kirwotïtoghtö mwowanïn waghakatenyi.

DANIEL 5:18

“Kitö Tororöt nyo Töror Tya, we pöytoghin, papongu Nepukadnesa paytagh nko owesyö nko ororyö nko konyït.

DANIEL 5:21

Keyona nyinte wölo mi pich akegh kinonutkachi kïkarkegh nko cho pö työny akïmang nko sïkïröyi wuw. Kyam sus le tany akïnam portanyi röyönto yïm ntökïtenö kunkïtï nyinte lö pöytoy Tororöt nyo Töror Tya pöyunötino pich akutöni paytagh chi nyo kacham.

OSEA 5:6

Petöy chane nko okwotkökwa cho pö ngaror nko tïch kïyöröy ECHOTYON, wölo mönyorucha nyinte. Ompöwölo kikusïrar kegh nyinte nko chane.

AMOS 5:22

Kïrkegh köropkanïn amörostinekwa cho kïpelöy nko ropöwo pagh melö ochöman kokay amotokanye ropöwo kalya cho pö kyakikwa cho okwoghöch.

MATAYO 19:16

Kïwechi chi astanka Yeso akïtep lö, “Konetin, mïchini aghan kïgh ne nyo karam tonyorwan söpon pö kokay?”

MARKO 12:33

Kecham nyinte ompö mïkulögh kïmïkul ompö kinonutköku nko ompö owesyengu löwïr akïcham chi pöröryenyi chömtoy chi kegh. Pö kinyiwut ngölyontoni kïtïl köröstin nko amörostin walaka.”

MARKO 5:7

akuta ompö kut nyo wow lö, “Ne nyo iyörenaninyi nya Yeso, Wero Tororöt nyo Töror Tya? Osominyi ompö kaynata Tororöt lö, menyarilante kong!”

LUKA 10:25

Kinget asistanka konetinto kirurut kïtyam Yeso ompö teput lö, “Oghan ne nya konetin tosïch söpon pö kokay?”

YOANA 6:26

Kïlenchï Yeso, “Omwowokwa nyoman lö kamaratanïkwa amelö ompöwölo kyasïwekwa töngönchin, wölo ompöwölo kyamakwa makatinechanya ntopïghyö.

IGHISYEWUT 16:17

Kïtas tagh kïrïp Paulö nko acha akuteghonu kïlentöy, “Pipö Tororöt nyo Töror Tya Pïchï. Akwomwokwa ara sörunöt.”

IGHISYEWUT 16:30

Atolapay kumït chane sany akïtep lö, “Echotchï oghan ne, tökesörwon?”

IGHISYEWUT 2:37

Nyini kïlïm ngalechoni, kïtor mïkulöwekwa, kïlenchï Petro nko kiyoktoghï löwïr lö, “Kighecha ne ye nya tupechenicho?”

EPESO 3:14

Okïtïngan nyu osoghöy Papo,

EPRANIA 10:11

Akiwetöy tïsinto pipö Yaudi anka tïkwïl kïsoghöy asis anka tïkwïl akutötoy amörostinechaye kïnyïl cho chang, amörostin cho memuköcha kïmis ngokï.

1 SAMWEL 15:22

Kïlö Samwel, “Kïgh ne nyo mököy ECHOTYON, konyït nya anta kitötogh nko amörostin? Ngwangwa kekonyït nyinte kïtïl ketö amöros pö kech nyo akwagh.