MIKA 6:5 - PIPÏLIA

⁵ We pikachu anane ngalechay kimököy Palak pöytoghinto Moap kwighwekwa, nko ngal cho kiyokyï Palaam wero Peor nyinte. Anana tïkwïl tïkwïn cho kighisyö ompö or, kwenu Syitim nko Kilkal, ankïtï wölo kyangaraktekwa asörwokwa.”

MIKA 6:5 ပူးပေါင်းရင်းမြစ်များ

TUMWÖY 111:4

Ighöy ighisyewutkachi cho pö töngönchin kenan, karam ECHOTYON akïtïng kisyonöt.

TUMWÖY 143:11

Sörwante, we ECHOTYON, akwompö töroryeto kaynatengu. Ngwïsunenante nyörilwoköchan ompö mantangu.

TUMWÖY 36:10

Itas tagh nko chomnyengu nyo pö kokay ompö chane cho nkïtinyi aisörï pich cho tenote.

TUMWÖY 71:19

Itïtoy mantangu wölini le yïmwöy, we Tororöt, keghanyi tïkwïn cho echön tya. Möminye chi nyo kikongityot nko nyi.

ISAYA 1:27

Söru ECHOTYON Sayon* nko chi anka tïkwïl nyo kötoy ngokichi, ompöwölo pö man nyinte.

KIYITUT 22:41

Kumït Palak Palaam asis nyo kïrïpöy ntökwit Pamot Paal ato kimuköy kisïwïyi pipö Israel.

KIYITUT 23:27

Kïlenchï Palak Palaam, “Nyonö kepe amïtïn woptö anka, töptoy chömunyi Tororöt chïpkaninyi chane ompö wölini.”

KIYITUT 25:1

Otini kimi pipö Israel kïmöngöy Syitim, kutor pich kwigh cheporesnan nko tipö pipö Moap.

KIYITUT 25:2

Kitach chane koruchoni ompö ichontino amörostin, ompöwölo kikïsogho tororötino pipö Moap, kyam pïchoni omisye akïkïtïngchï tororötïnekwa.

KIYITUT 31:16

Akwanyï onkïtökwa lö chane chay kirïp ngala Palaam akwigh pich ompö Peor kïtagh ECHOTYON, kïnam sömewö pich.

KIYITUT 31:8

kïpar chane pöytoghi Midyan mut: Epi nko Rekem nko Sur nko Ur nko Repa. Kipar tïkwïl Palaam wero Peor.

EPESO 2:11

Kyochikwa ato le tagh, pipö punton cho kïkurenok, “Sompen,” kïkurö kegh pipö Yaudi, “Sorngony” (poru ngalechoni tïkwïn cho kighchini chane porwöyikwa). Anane wölo kyalatekwa ato le tagh.

KINONO KIRURUT 16:3

Akwotini omenyi omisyononi, meam nko makatin cho kakitö mumar, omenyi osis mut nko odeny makatinechoni, choni kï makatina kichopat, ompöwölo kirïpuneninyi koro Misri. Atenana ompö osisweku löwïr asisoni kiwuwunenyi koro kichopat.

KINONO KIRURUT 23:6

Kïlenyona, motöp lö kingöroköy puntonichoni kïsïch kalya anta sïkönöt kokay.

KINONO KIRURUT 8:18

Wölo anan ECHOTYON Tororötïngwo ompöwölo nyinte nyo konokwa owesyö nyo inyoruno sïkönöt, atökuchïchim muma* nyo kyam nko papotïnekwa atökïripöy nko nyete le ye.

KINONO KIRURUT 8:2

Anan arananye kïmïkul kimïtunenokwa ECHOTYON Tororötïnkwa ompö könyis tömönut angwan ompö surkwen, atökwighekwa opö kegh ngwïny. Akïtyamakwa, atökunkïtï wölo lata mïkulöwekwa lö ochömekwa orïpe kirurutkachi nya anta ewo.

KINONO KIRURUT 9:7

“Mowutyeghö wölanye kyadekwa ECHOTYON Tororötïnkwa kïnarek ompö surkwen, kïngata asisanye kyapkanekwa koro Misri ntökïtenö atunakwa wölete wölï, ompöwölo kyalïkukwa pich cho kyapeny ECHOTYON.

YOSWÖ 2:1

Atolapay kiyonta Yoswö pich odeny sison cho le ghotï ompö Syitim, kïlenchï, “Ape aghota kore, mïr tya kanasyanta Yeriko.” Kïpa nyu pïchay ntökwit kö pö cheporesyan nyo kïkuro Raap akïruyö atoni.

YOSWÖ 3:1

Nyini le tökwoghö kïnget Yoswö nko pipö Israel löwïr, ompö Syitim akïpa ntökwit Yordan, wölo kïmang kïtömö kwoghyö antakwagh.

YOSWÖ 4:19

Kipkana pich nyu Yordan asispa taman nyo pö arawa tagh akïtek möngot ompö Kilkal, sörömu Yeriko wölo le kongasis.

2 PETRO 2:15

Köpïstö chane ara man, akïpa or nyo kirïp Palaam wero Peor nyo kicham ropïyen cho kinyorï ompö or nyo gha,

1 YOANA 1:9

Wölo ato kïngangacha akelasta ngokicho, ghanate Tororöt akwighöy man. Löstewecha nyinte ngokicho akïmwatecha ompö ghöyityenyo anka tïkwïl.

YUDA 1:11

Ochech pïchoni! Nkarïp chane ara Kain. Akwompö pïrchin pö ropïyen, köyörchï kegh chane ara kipotöt le Palaam. Kapeny chane le nya kipeny Kora, akewuröy chane le wölo kikiwurta nyinte.

NGONGUT 2:14

Wölo mi ngala tïkwïte cho otïngetan ompö nyi mi pich kwenunkwa cho rïpöy kinetut pö Palaam nyo kinet Palak kïkïnkïn pipö Israel kwigh ngokï kwam omisyewut cho kikïropchï körkeyïntin, akunet chane kwigh cheporesnan.

KIRWOKÏ 11:25

Ilentenyi so ochï karam kïtïl Palak wero Sipor pöytoghinto Moap? Melö kisyal nyinte anta poryö nko acha.

KIRWOKÏ 5:11

Kïtum tumï kughum kïmwotïtoy ighisyewut pö man cho pö ECHOTYON, ompö rïntagh pö pipö Israel, kïtïl pölö ompö kori pöghon. Kïpkana pipö ECHOTYON kukoti kanastinekwa.

1 SAMWEL 12:7

Oghyongenö nyu atoni torwokwok ompö tawu ECHOTYON. Achï ngal cho nömokwa: anane töngönchin cho kigh ECHOTYON atökïsörwokwa nko papotïnekwa.