MIKA 5:6 - PIPÏLIA

⁶ Pöytoy koro Asirya ompö chok akïpayta koro Nimrod ompö chok nyo mi kisach kisörwecha nyu chane ompö mori pipö Asirya otini kapka chane korencha akïlïtu rotyotïnecha.

MIKA 5:6 ပူးပေါင်းရင်းမြစ်များ

2 PÖYTOGHÏ 15:29

Kungwïn Tikla Pileser pöytoghinto Asirya osiswechoni kipöytoy Peka akïnam kanastina Iyon nko Apel Pet Maaka nko Yanoa nko Kedes nko Asor nko Kiliad nko Kalilaya nko Naptali akïrang pikö kïlïkwï ratanpa Asirya.

1 OTÖPTINO OSIS 1:10

Kitïng Kus werïnyi nyo kikïkuro Nimrod, nyo kilïkwï chi nyo awes ompö ngwïny.

2 OTÖPTINO OSIS 33:11

Kïpïsï ECHOTYON chane kighyongtoghi lïko pöytoghinto Asirya kïpka kukoda Manase kömöyi karïn akïrat kïrata sïrïmtino taghoy akuretö kutang Papilon.

AYUPU 29:22

Nyini kyangalanan kumuchö, mökïngalannye ngat, kirök chane ngalechan le kanïsan.

TUMWÖY 110:3

Konu kegh piköku chane kïchömöy asis nyo kesetanyi lïkengu. Pkonchininyi mïrönköku cho mïnkech kïpusu paraku kutïngkot cho tïlilöch le röyönto miröy.

TUMWÖY 72:6

Nya kïkarkegh nyinte nko rop nyo ropönchini paren le pkopïs ompö ngwïny.

ISAYA 14:2

Ngöroköy puntonï pipö Israel kïmïlisyö korengwa nyo kitö ECHOTYON. Pöghisyechini nyu puntonï Israel le sekeyikwa. Nömöy Israel pich cho kinam chane ato le tagh, akïpayta pich cho kichopöy kong chane atö kile tagh.

ISAYA 14:25

Owuran pipö Asirya ompö koreto piköchan Israel, atïkatïkan chane kutïngkotichan cho mi korononi. Otyokan pikachu cho kirat pipö Asirya, atyaka chane nïkisïntin cho kikitö kïkasan.

ISAYA 33:1

Heywey, ochech pich cho le mosï, akï puryö chi nyo kamas chane anta wïchtö! Wölo itïtoy söröm masatengwa nko wïchtoghtöngwa, chane kegh cho wonyegho masat nko wïchtogh.

ISAYA 37:36

Kïwö oghononi malaykayanta ECHOTYON wölo kimöngöy pipö Asirya akïpar pipö lïk 185,000. Nyini kiyech atole asïyech, kelö kïtopön kimeghö chane löwïr!

ISAYA 37:37

Kïchïchïka nyu pöytoghintö Senakerip akïmïla kutang Ninawi.

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

YEREMIA 14:22

Ayo, muköy tororötino putintön chay soghöy pipö punton kïkonï rop nya? Akumuköy yïmö onkït kïkonï pkopïson? Mönyinye onkït nya we ECHOTYON Tororötïncha nyo ighöy choni löwïr kumukisyö? Kïlenyona kiketönöcha kikönötencha moriku.

NAUM 2:11

Kunko ye nyu kanasyanta Ninawi nyay kilata köpöno ngötuny, wölo kipöy ngotïny panyechi, akïwïnchï warechï tömam kïgh?

SEPANIA 2:13

Nyoröy ompö owesyenyi koro Asirya nyo mi okumpö löt. Ighöy nyinte kanasyanta Ninawi kïlïkwï kïratyan, lïku surkwen nyo puryö pögh,

SEPANIA 3:12

Otukyinan Yerusalem pich cho tölose, pich chi rïngöy kegh, pich cho sorwanïn tökïnyorï kalya.

LUKA 1:71

lö, sörunenecha pungköcho nko owesyo pich löwïr cho reyecha,

LUKA 1:74

nyo kiyomis lö, osörunenecha pungköcho, atökepöghisyechinöcha nyinte kïpuryö kiwaghat,

LUKA 24:27

Atolapay kutor kuporchï chane ngal cho kikïmwa ompö parakunyi ompö Kikirut löwïr, kïngetunö kitapuna Musa ntökwit cho pö werkoy löwïr.

KINONO KIRURUT 32:2

Röröku kinetutköchan le rop, le röyön ompö sökö. Pïspisu ngalechan le pkopïs cho ropönchini sus cho ngwïrngwïröch akïkarkegh nko pögh cho rörökyini sikoryon.