MIKA 5:4 - PIPÏLIA

⁴ Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

MIKA 5:4 ပူးပေါင်းရင်းမြစ်များ

TUMWÖY 145:12

atökunkïtï ptangengmöt, ighisyewutköku cho owesöch nko ororyeto paytaghtangu.

TUMWÖY 22:27

Nonöy puntonï löwïr ECHOTYON akïparta wölo mi nyinte, soghöy nyinte pipö ngwïny löwïr.

TUMWÖY 72:19

Asala kokay kaynatenyi nyo töror. Nya kunkïtï ngwïnya kïmïkul ororyenyi. Amen! Amen!*

TUMWÖY 72:8

Nya kïpayta kïngata nanam ntökwitïta nanamu anka akïngata lalwa Yuparet ntökwitïta sörömu ngwïny.

TUMWÖY 93:1

ECHOTYON kï pöytoghin, kelokyï kegh ororyö nko owesyö. Kegh ECHOTYON ngwïny kïchïchïm amelö timtimo nyonikïny.

TUMWÖY 98:3

Kenan nyinte chomnyenyi nyo pö kokay ompö pipö Israel nko otöptanyi nyo ghanate. Kasïwa ngwïnya kïmïkul, rïntaghpa echotyon Tororötïncha.

WUWÖT 23:21

Orip kegh ompö tawunyi ater cho mwoghöy. Mapeny ngalechi, ompöwölo mölöstewekwanye lelutkökwo, ompöwölo mi kaynenyan orinyi.

ISAYA 45:22

“Omïlonchenö wölo omitan, akwa pipö ngwïny kïmïkul atökesörwok! Ompöwölo ochan Tororöt amöminye anka.

ISAYA 49:5

Kikïlanïn ECHOTYON kïtomö keyiyanïn, akwighanïn alïkwan mötworintenyi nyo yoku pikachi, ataghamïtan pikachi Israel cho kitoyö kïmïlonchö. ECHOTYON nyo konanïn konyït, nyinte nyo le owesyenyan.

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 52:13

Mwoghöy ECHOTYON lö, “Ighöy mötworintenyan ompö ngöghomnyö, kïsyolöy parak akekonyït tya.

ISAYA 8:7

Ani Echotyon nyo omïtu pöytoghinto Asirya nko pikachi kïmïkul pö lïk atökïpka kïporyeghö Yuda. Pokyini chane korononi le puseryon nyo kawir lalwa Yuparet nyo nyïghiti pöghechi akïpa sany wölo low.

MIKA 7:14

Lïkuna mösöwonto piköku, ECHOTYON nko lïkengu piköku kegh cho kikïlanyi cho möngöy opïn surkwen wölo kimi korö wölo akwagh. Nya kïpa chane kïpa chane achey wölino le Pasyan nko Kiliad le atanya le köny.

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

SAKARIA 9:10

Lentöy ECHOTYON, “Owonyan nkarino lïk cho chutöy angoletino Epraim, nko cho pkonöy kanasyanta Yerusalem. Oriyan kïwantis pö poryot. Ipchini nyu nyinte pipö koros kalya, yöstoy paytaghtanyi kïngeta nanam ntökwit nanam. Ngeto lalwa Yuparet ntökwit söremwok pö ngwïny.”

MALAKI 1:5

Pköchinokwa nyu otini kasïwekwa ompö konyikwo kinyaratanoni. Omwoghekwa nyu lö, “Awes ECHOTYON! Kikelïm owesyenyi kurel ompö koros cho lowöch ompö koro Israel.”

MATAYO 16:18

Kïlenyona ye nyu, omwowunyi Petro lö, ichinyi ghat atekan paraku ghatyanï kanisenyan nyo memukönye ompö meghat kïrïntoy.

MATAYO 2:6

‘Akï nyi, Petleem nyo imi koro Yuda, mechinyinye mïnïng tya ompö kintöghoghi Yuda, ompöwölo ngwïnoninyi kintöghoghintö nyo ntöghoghchini piköchan Israel.’ ”

MATAYO 25:31

“Otini kengwïn Wero Chi ompö ororyö kïmi nko malayken löwïr kïtöpö ngacharenyi nyo pö paytagh,

LUKA 1:32

Ororitu nyinte akekuro wero Tororöt nyo Töror Tya. Töni Echotyon Tororöt nyinte ngacharu paytaghpa kukötanyi Daudi

YOANA 10:38

Kwato choni cho oghan akï kïrkegh kömaghananïkwanye, aghan ighisyewutköchan atonkïtunö lö mi Paponyan orinyan, amitan orito Paponyu.”

YOANA 20:17

Kïlenchï Yeso, “Menömanïn, ompöwölo tomönye owan wölo mi Paponyu.” Wölo wïyö wölo mi werköcha aimwochï chane lö, “Owetan yïm wölo mi Paponyu akï Paponkwa, Tororötïnyan akï Tororötïnkwa.”

EPESO 1:3

Nya kïsala Tororöt Papoto Echotyontenyo Yeso Kristo! Nyo kisoyönech kenyorunö kisoyönöt anka tïkwïl nyo pö mïkulögh ompö möngot nyo mi yïm kuweri.

1 PETRO 1:5

Chikwa kisoyönutchoni, akwa chona ripenokwa Tororöt owesyenyi ompö ara kighanat tonyorunö nyo mi kïpsach kengongwï sörunöt asispa söröm.

YUDA 1:1

Ani Yuda palalyantanï, nyay le mötworinto Yeso Kristo* nyo ochï tupchö nko Yakopo nyo kakir palalyantanete. Kakirwokwa chona kikurok Tororöt, cho otïpïsot ompö chomnyo Tororöt Papo akï cho ripokwa Yeso Kristo.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”