MIKA 5:2 - PIPÏLIA

² Ngwïnoninyi we Petleem nyo ipo Eprata nyo ichï mïnïng ompö ortïna pipö Yuda pöytoghintö ompö ani nyo lïku pöytoghin ompö Israel pöytoghin kïpö könyisyok.

MIKA 5:2 ပူးပေါင်းရင်းမြစ်များ

TOWUNÖT 35:16

Kulet tagh Kïpa rutoghtöngwa Yakopo nko pikachi kïngeta atoni le Petel, akwotini kitomöcha kwitïta Eprat, kuchir Rael tya ompö kichïr pö lusyogh.

TOWUNÖT 35:19

Kïrapas Rael, ketïpchï arawet nyo wetöy kutöngöy Eprat, nyoni kï Petleem.

TOWUNÖT 48:7

Otini kyomitan ongwïno Padan kïrapas Rael ompö koro Kanan ompö or ato lekïto Eprat, ororchan nyinte or wölini lekïto Eprat.” (Petleem atoni.)

TOWUNÖT 49:10

Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.

1 OTÖPTINO OSIS 2:54

Pipö Salma nyo kitek Petleem kï: pipö ara Netopat nko Atrot Pet Yoap nko Sori, cho kile or akonga ompö pipö Manaat.

1 OTÖPTINO OSIS 4:4

Kiyï Penuel Kedor, kiyï Eser Usya. Chete kï monïngo Ur poretya Eprata papoto Petleem.

1 OTÖPTINO OSIS 5:2

Kïrökegh kyowesitu ara Yuda akungwïna pöytoghintö ompö ortïnechoni löwïr, kï kikitö Yosep manpa poretnan.

TUMWÖY 132:6

Kikïlïmacha ngala Santuku Muma* ompö Eprata kenyorchicha wuw pö Yearim.

TUMWÖY 90:2

Ichinyi Tororöt kokay nko kokay nyo kimito kïtomö kïpitï kutïngkotï akitomö ighanyi ngwïny.

WUWÖT 18:21

Kïla pich cho ngöghomöch ompö pïchï lapay, cho konyïtöy Tororöt akï cho kighönöy melö chengöy asoya, tönö chane kïlïkwï yetïntino pich 1,000 nko 100 nko 50 nko taman.

WUWÖT 18:25

Kïkïl pich cho ngöghomöch ompö Israel akutö kïlïkwï kintöghoghi pich 1,000 nko 100 nko 50 nko taman.

ISAYA 11:1

Kïlenyona, pituno sanakana ghït pö Yese, akuyinu akwa morïna nyo ngwïno ighinkachi.

ISAYA 53:2

Ompöwölo kiyetï le ket nyo kapit, le ket nyo tortoy ighinkachi kïpa ngwïny ompö kor nyo tïyame. Kimötïngnye ororyö nyo kitökïsorecha, akimötïngnye pïchighyö nyo kimïlecha.

ISAYA 55:4

Kyaghan nyinte kïlïkwï kintöghoghin, akïlïkwï yetïn pö pipö punton, atökunkïtwanïn chane lö ochan ngo.

ISAYA 7:14

Kïlenyona nyu konokwa Echotyon nyinte kiporunöt. Arosa lö sïkisïyi mïrar akïyï worö nyo kuro kaynenyi Imanuel.

YEREMIA 30:21

Ngwïno pöytoghintengwa kwenungwa akungwïno kintöghoghintengwa kwenungwa. Muköy pöytoghintengwa nyoni kïrikanïn otini kokurön lö nyonö ompöwölo ngo chi nyo lentöy orikanïn ompö owesyenyi kegh?” Mwoghöy ECHOTYON.

OSEA 6:3

Nya kenkïtunö ECHOTYON akelet tagh kenkïtï nyinte lasiny. Ngwïnchinecha nyo mötïny le yekon akungwïnöy le ila sarngatat nyo nuröy ngwïny.

AMOS 9:11

Lentöy ECHOTYON, “Itu asis nyo ongetan paytaghpa ara Daudi nyo kirul, atek ngat nïyetkö cho kirulyö le otini kimi tagh.

MIKA 4:10

Ochïtö ompö ngwonïn akwa pipö Sayon, le korka nyo kïghöy. Ompöwölo opeghenekwa kanasyantanï apa amang wuw. Opetekwa Papilon alïkwï pïnot. Kisörwokwa nyu ompö wölini, sörwokwa ECHOTYON, ompö mori pungkökwa.

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!

MATAYO 2:1

Otini kikïyï Yeso ompö kanasyanta Petleem nyo mi koro Yudea, kï ki pöytoghin Erode osiswechoni. Kïpkana pich kongasis kutöngu Yerusalem cho kinkït ngala kokel,

MATAYO 2:6

‘Akï nyi, Petleem nyo imi koro Yuda, mechinyinye mïnïng tya ompö kintöghoghi Yuda, ompöwölo ngwïnoninyi kintöghoghintö nyo ntöghoghchini piköchan Israel.’ ”

MATAYO 28:18

Kïrich Yeso chane akïlenchï, “Kakekonanïn paytagh kïmïkul ompö yïm nko ngwïny.

LUKA 23:2

Atolapay kutor kurwokyï nyinte lö, “Kakïnamacha chichï kunetöy piköcha or nyo gha. Kilenchini pich mokwöghchini surï Kaisari akwigh kegh nyinte Kristo* nyo le pöytoghin.”

LUKA 23:38

Kikikir mötïnyi parak ngalechï, “Nyï kï pöytoghinto pipö Yaudi.”

YOANA 7:42

Mwoghöy Kikirut lö, ngwïno Masiya* ara Daudi, akeyichini nyinte Petleem, kanasyanta Daudi.”

KINONO KIRURUT 1:15

Kïlenyona achengan kintöghoghi piko ortïnekwa cho ngöghomöch cho kinkït aghan chane kurwokwokwa, kïlïkwï kintöghoghi pich 1,000 nko walaka cho ntöghoghchini pich 100 nko walaka cho ntöghoghchini 50 nko cho ntöghoghchini taman nko cho pöytoy pich kïrïp kegh nko piko ortïnekwa.

KOLOSAY 1:17

Kimito Kristo kïtomö tïkwïn löwïr akwompö owesyenyi mi kïgh anka tïkwïl kïtöpo lenyini kïmökyini.

EPRANIA 13:8

Karkegh Yeso Kristo* omötu nko ye nko kokay.

EPRANIA 7:14

Nkïtote lasiny lö kiyiyï nyinte pipö lilo Yuda akimöngalananye Musa lilononi otini kingölono pich cho le tïsï.

1 YOANA 1:1

Kakikirucha akwa paraku ngölyonto söpon, nyo kimito kïngeta otini le towunöt. Ngölyonto söpon nyo kikïlïmacha akesïwegha konyicho, nyo kikirosöcha, aketatapa moricho.

NGONGUT 19:16

Kikikir sïrenyi nko kelytanyi kaynanï, “Pöytoghinto pöytoghï akï Echotyonto echot.”

NGONGUT 2:8

“Kirchinö malaykayanta kanisa Smurna lö, ‘Anyï ngölyon nyo ngwïno nyinte nyo pö tagh akï pö löt, Alpa nko Omeka nyo kima akïsöpöy ngat.

NGONGUT 21:6

Akïlenchanïn, “Kikwighisyö! Ochan Alpa nko Omeka towunöt nko söröm. Otöninan chi anka tïkwïl nyo amate maral kïgheghöy pögh kwïle cho pkono kongpa pögho söpon.

KIRWOKÏ 17:7

Kimi nyu atoni chi nyo le chumwak nyo pö Petleem koro Yuda nyo kile chi pö Lawi nyo kiwuchï korononi.

RUS 1:1

Kingwïn pekat kor, ompö osis cho kipöytoy kirwokï koro Israel. Kïwö chi nyo kingwïna Petleem ompö koro Yuda, kïmang koro Moap kikïkuro nyinte Elimelek kekurö korkenyi Naomi nko werkachi odeny Malon nko Kilyon. Kipö chane ara Eprati cho pö Petleem koro Yuda. Kiwï chane koro Moap akïmang wölini.

RUS 4:11

Kughan pïchay nko poyi lö, “Owöy, kïchicha söwi, kanya kwigh ECHOTYON kokononi ngwïnöy katangu kïtöpö le Lea nko Rael cho kitek kwodeny ka Israel. Imakositï ompö ara Eprata airumunö Petleem.

1 SAMWEL 10:19

Wölo kataghakwa ye Tororötïnkwa nyo sörwokwa ompö nyörilwok nko ompö kömpölelutkökwo löwïr alekwa, kïmököy pöytoghin. Apkana nyu löwïr wölo mi ECHOTYON kïrïp kegh nko ortïnekwo nko kaporkökwo.”

1 SAMWEL 17:12

Daudi kï wero Yese nyo pö pipö Eprati nyo ngwïno Petleem nyo pö Yuda. Kitïng Yese werkachi mut nko sömök, akökikïyosit nyinte otini kipöytoy Saulö.

1 SAMWEL 17:18

Ipchinö tïkwïl mwoghwöyichï pö chö le taman yetïntino pich 1,000. Atolapay itepunö werkökwa pöghisyö.

1 SAMWEL 23:23

Omörörunö nyu lasiny wölo westegho nko wölo wïngo kegh, apkan nyu omwowanïn ngala man. Atowan nyu nko akwa, atomito kïnye kore, oyöran kïghömu koro Yuda kïmïkul.”

1 SAMWEL 8:12

Kïlöy walaka kïlïkwï yetïntino pich 1,000 nko yetïntino pich tömönut mut nko walaka cho ngorsïyi nko cho le ilï nko cho tongöy kari poryot nko kari nkarinechi.