MIKA 5:13 - PIPÏLIA

¹³ Anyarnyaran körkeyïntinekwa löwïr nko pchörine cho otïngetekwa tömokïtïngchinekwa ngat tïkwïn cho kaghakwa morikwo.

MIKA 5:13 ပူးပေါင်းရင်းမြစ်များ

ISAYA 2:18

kiwongöy saghata körkeyïntin asisoni kokay.

ISAYA 2:8

Kinyïghï ngat korengwa körkeyïntinö, soghöy chane ighisyewutko ewunekwa, tïkwïn cho kigha chane morikwa.

ISAYA 27:9

Wölo kïlöstoghchini pipö Israel ngokikwa otini kewany chane kïngagh koghi tïsöwo pipö punton kïkarkegh nko pïsya amelö tökïmi ngat koghïn cho ngötu cho kïpelo tïsöw anta körkeyïntin cho pö tororötnay le karka kïkuro Asyera.*

ESEKEL 16:41

Akïpel koriku akurwokyinyi ompö tawu kor cho möngörï. Oghinyi nyu pïstenö cheporesnan amökïminye ropïyen cho tetönenyi chamanköku.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

ESEKEL 37:23

Melö tökusïmnyono kegh körkeyïntinekwa kokay nko tïkukwa cho ghach anta lelutkökwa walaka tïkwïl. Osörunenan chane ngokikwa löwïr cho kigh, otïlilan chane takïlïkwï nyu piköchan, alïkwan Tororötïngwa.

ESEKEL 6:9

Nonanïn nyu chane ompö koro punton wölini kïpa le ratan lö kyomungön chane ompöwölo kiwerwersyö mïkuliskökwa, akïpïstanïn aghan konyikwa kiköryö cho kiyöro kong körkeyïntin, kïnyorï nyu chane arasï ompö tïkwïn cho kigh cho pö arasï.

OSEA 10:2

Kinyïghï mïkuliskökwa putintön Nyo mïchini kuchen kegh ngongöy nyu Tororöt wölay kïpelö amörostin akuwur pchörinekwa.

OSEA 14:3

Melö sörwecha Asirya, amelö tökemontocha kegh angoletin. Melö tökemwochinecha ngat körkeyïntinekwa cho kikighecha morïn lö, ‘Ochika Tororötincha.’ Ompöwölo nyoru panana kisyonchin ompö nyï.”

OSEA 14:8

Ayo Epraim, ne nyo kötedenenyi körkeyïntin nya? Akwani nyo oterunyi sowutköku akomöninyi. Alatan ket nyo iwuronenyi akungwïnonanïn kïgh anka tïkwïl nyo omenyi.

NAUM 1:14

Mwoghöy ECHOTYON paraku pipö Asirya lö, “Mösïköcha monïng cho kinono kaynengwa. Onyoran körkeyïntin cho mi korïn cho sogho chane tororötinekwa. Owösinan chane pïrïm ompöwölo ghach nyo makïmïchininye kïsöpchö!”

SEPANIA 1:4

“Omungan pipö Yerusalem nko Yuda, owongan chi nka tïkwïl nyo soghöy Paal,* angongoghtan kaynötut pö tïsi Paal ompö koronï.

SAKARIA 13:2

Ongongoghtenan asisoni kaynötut pö körkeyïntin cho soghöy pich kewutyeghö. Opuktenan pich cho ighöy kegh lö kïchï werkoy nko cho soghöy körkeyïntin kïpegha kor.

NGONGUT 9:20

Kïkany pich cho kingötï cho kimaparcha nyörilwokchoni, kïmökïpïstöcha pöghisyewutkökwa cho kigh. Kimöpïstöcha kïsagh oy anta körkeyïntino koltin nko silpa nko taghoy koghïn nko ket cho merosïtoy anta lïm kïgh anta pesta.

KIRWOKÏ 18:17

Kïpa pïchay le mut kinya kighot korononi kïpusta wölo toka, akïlïtöy kö akïcheng körkeyïnay kikipat nko epod nko körkeyïn nyo pö silpa nko körkeyïntin walaka, kimi tïsinte nko pïchay le 600 kitïng kari lïk kughyongo atolekïtö or.