MIKA 5:10 - PIPÏLIA

¹⁰ Lentöy nyu ECHOTYON, “Owonyan angoletinekwa lömïs ompö asisoni anyornyoran nkarinekwa tïkwïl.

MIKA 5:10 ပူးပေါင်းရင်းမြစ်များ

ISAYA 2:7

Kinyïghï kari silpa nko koltin korengwa, amöminye ato wonyot kaplawachtangwa. Kinyighï angoletinö korengwa, amöminye sörömu nkarinekwa.

YEREMIA 3:23

Kitö kipotyecha nyoman, atanya kikïpusacha kutïngkot kesagh ompö ortïn cho meroko. Ompö man, ngwïno sörunöto Israel ECHOTYON Tororötïncha.

OSEA 1:7

Wölo osyonchinan pipö Yuda. Ani, ECHOTYON Tororötïngwa, nyo osöru chane, wölo melö ompö kari lïk cho lata chokon anta kotï anta ompö angoletin nko kotikwa.”

OSEA 14:3

Melö sörwecha Asirya, amelö tökemontocha kegh angoletin. Melö tökemwochinecha ngat körkeyïntinekwa cho kikighecha morïn lö, ‘Ochika Tororötincha.’ Ompöwölo nyoru panana kisyonchin ompö nyï.”

AKAY 2:22

Onyoran pöyunötin, awanyan owesyengwa nyo pö poryot. Oryewan nkarinekwa cho pö poryot cho chutöy angoletinö nko ipikwa tïkwïl. Meghot angoletine, kïpara kegh ipikwa chokonikwa kïmeghö.

SAKARIA 9:10

Lentöy ECHOTYON, “Owonyan nkarino lïk cho chutöy angoletino Epraim, nko cho pkonöy kanasyanta Yerusalem. Oriyan kïwantis pö poryot. Ipchini nyu nyinte pipö koros kalya, yöstoy paytaghtanyi kïngeta nanam ntökwit nanam. Ngeto lalwa Yuparet ntökwit söremwok pö ngwïny.”

KINONO KIRURUT 17:16

Merokonye kïtösyï kegh pöytoghintö angoletin anta yonta pich kïpa Misri kïrongwï angoletin atökïtas, ompöwölo kilenchokwa ECHOTYON, ‘Momïlonchenö ngat koronini.’