MIKA 4:4 - PIPÏLIA

⁴ Töpo chi anka tïkwïl ketïnyi pö sapipun nko moköngwenyi ghït ompö kalya möminye chi nyo otyegho chane. Mwoghöy ECHOTYON Kimuktoghin.

MIKA 4:4 ပူးပေါင်းရင်းမြစ်များ

1 PÖYTOGHÏ 4:25

Kitïpï pipö Yuda nko cho pö Israel ompö kalya kïngeta Dan ntökwit Persyepa otini kitökïsöpöy Solomon. Kitïng pich löwïr keti sapipun nko cho pö makany.

1 PÖYTOGHÏ 5:5

Kïlenyona kamachan ye nyu otekyï ECHOTYON Tororötïnyu Konyi nyo kiyomisyï nyinte paponyan Daudi lö, ‘Werïngu nyo otöninan ngacharu paytagh kïmïlinyi nyo teköy köyoni ompö Kaynatenyan.’

AYUPU 11:19

Irïwenyi amöminye kïgh nyo otyeghoninyi yöröy pich cho chang kingörokutyengu.

TUMWÖY 72:3

Nya kïsïch ngwïnya pöghisyö akïrumtö man ompö kore kïmïkul.

NGÖTÏNYÖ 3:25

Meway otyogh nyo miru anta ato itï kiwurata mwokïyis.

ISAYA 1:20

Wölo ato apenyakwa ngalecha, kewongenokwa chok lökörpïs.” Mwoghöy ECHOTYON.

ISAYA 17:2

Kisuso kanastina Sirya kokay. Petöy kanastinechoni kïlïku wölo le acheyu kechir nko tïch, amelö mito chi nyo tulöy chane.

ISAYA 22:25

Otini kegh ngölyontononi, kutyaka wudöwontonay kikïwudochï ato awes. Kïtöröy akïrul. Chïntoy nyu nïkisïn nyo kikiwusö parakunyi.” Mwoghöy ECHOTYON.

ISAYA 26:16

Kinyarilanyi piköku kong, we ECHOTYON kïsaghinyi chane otini kimi chane kiwongunöt.

ISAYA 32:17

Kïnyorunö korononi kalya nko payasat kokay, ompöwölo ighöy chi anka tïkwïl kïgh nyo pö man.

ISAYA 36:16

Mater ngala Esekia! Kömwowokwa pöytoghinto Asirya lö, ongetunenö kanasyantanï akonï kegh. Pïswokwa nyu nyinte pöroyïn ama sapipuneko ketiko parenikwo nko makany, aghegh dipaykökwo* aghegha kori pöghonikwo,

ISAYA 40:5

Atökeporï nyu ororyo ECHOTYON tökïsïwa pipö ngwïny kïmïkul. Nyinte ECHOTYON nyo keyomisï lenyoni.”

ISAYA 54:14

Ighinyi man chïchïma, ilowitunonyi nyarïl nko otyogh.

ISAYA 58:14

onyorunekwa nyu ngörekyö nyo kïnyoru ato kïpöghisyewanïn. Oghokwa kekonyïtenokwa ngwïny kïmïkul atongörekyenökwa ompö kor nyo kyotönön kukötönkwa Yakopo. Ani ECHOTYON nyo komwowï ngölyontonï.”

YEREMIA 23:4

Atomuchö, otönön chane mösöw cho komönöy chane nyo karam Atoni nyu, melö tökuwöghisïyi anta sïwa arasï piköchan, amökupotönye ompö akong. Mwoghöy ECHOTYON.

YEREMIA 30:10

“Mewöghisyö we Yakopo, amemïgh we Israel. Ompöwölo osörunyi mitenö kor nyo low. Oyokunan moneku kïpkana koro pïnotnön imïlonenyi, aimöngisyö ompö kalya. Amöminye chi nyo muköy kwotyegheninyi.

ESEKEL 34:25

“Oman muma* nko chane nyo pö kalya ayonan tïpö wudïn ompö korengwa. Atökïmang surkwen ompö kalya, akwaketa kechir kïchïpo.

ESEKEL 34:28

Melö tökïlïku chane panya punton, anta am tïpö wuw chane. Möngisïyi ompö kalya, amöminye chi nyo tökwotyegho chane.

ESEKEL 38:11

Ilentenyi nyu, ‘Opokyinan kor nyo melö kikiwach okumpö kiror. Opöran pich cho mi kalya, chane löwïr cho möngöy wölo puryö nïyet okumpö kiror amelö tïng tekech pö karïn anta kukot.

ESEKEL 39:26

Wutyegho arasingwa nko tïkwïn löwïr cho kïkïröy cho kighwanïn otini kimöngisyö ompö kalya ompö korengwa nyo mötïnye kwotyeghö chi.

LAWIN 26:6

“Okonokwa pöghisyö ompö korenkwa atompurö ngwïny aperesan, amökïminye chi nyo otyeghonokwa, anoteghonan tïpö wudïn kïngeta kor amökïminye ngot korenkwa.

MIKA 5:3

Kïlenyona pïsyini ECHOTYON pikachi pungkökwa ntökïtenö kulusyö kama monïng nyo kïghöy worö, tökïsorï werkökwa löwïr kïpka kïsörï pikökwa Israel.

SEPANIA 3:13

Melö nyu tökwighöy cho ghach pipö Israel cho kingötï, pïstoy putintön nko lïs. Pöghisïyi chane nyo karam, karkegh nko kechir cho oketïyi akïrusot wölo tïghume, akï puryö kïgh nyo muköy kwotyeghö chane.”

SAKARIA 3:10

Kuröy chi anka tïkwïl asisoni pöröryenyi kïngörokyï kalya nko payasat ompö rurwo keti sapipun nko mitini ompö parenyi.” Mwoghöy ECHOTYON Kimuktoghin.