MIKA 4:1 - PIPÏLIA

¹ Pkonöy ompö osis cho pkonöy ato kichïchimöy kutïng pö Kö pö Tororöt. Akekany kïkoghit kïtïl kutïngkot löwïr wuwöy chichöntö kïsoröy kutïngoni.

MIKA 4:1 ပူးပေါင်းရင်းမြစ်များ

TOWUNÖT 49:1

Atolapay kïkur Yakopo werkachi akïlenchï, “Aghamïta kegh tomwowok kïgh nyo igho osis cho pkonöy ompö akwa.

TOWUNÖT 49:10

Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.

TUMWÖY 110:3

Konu kegh piköku chane kïchömöy asis nyo kesetanyi lïkengu. Pkonchininyi mïrönköku cho mïnkech kïpusu paraku kutïngkot cho tïlilöch le röyönto miröy.

TUMWÖY 22:27

Nonöy puntonï löwïr ECHOTYON akïparta wölo mi nyinte, soghöy nyinte pipö ngwïny löwïr.

TUMWÖY 48:1

Wow ECHOTYON akïmïchini kesal tya ompö kanasyanta Tororötïncha.

TUMWÖY 86:9

Pkonöy pipö punton löwïr cho kighanyi akïsaghinyi, we Echotyon, töroröy chane kaynatengu.

ISAYA 27:13

Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

ISAYA 43:6

Omwochinan pipö ewu löt kïpïstö chane, amwochan cho pö ewu tagh kutyak chane. Nya kïmïlisyeghö chane koros cho lowöch, nya kïpkana koroswo ngwïny löwïr.

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 54:2

Pöroyitö ema nyo imöngenyi, aikoghit pörköy cho rötöy aiparta wöwe kwongeröchitu!

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

YEREMIA 26:18

“Kimwochï pipö Yuda löwïr Mika chi pö Moresyet ato ki pöytoghin Esekia nyo pö Yuda lö, ‘Lentöy ECHOTYON Kimuktoghin, kïngoröy Sayon* le par, lïku Yerusalem kïratyan nyo kirulyö korïn kutïkumö akïlïkwï wuw Kö pö Tororöt.’

YEREMIA 3:17

Kïkuro osiswechoni Yerusalem, “Ngacharu paytaghpa ECHOTYON,” wölo ghömechini pipö koros löwïr ompö tawunyan kïsaghanïn amelö tökïpïrchini ngat kwighöy möchutko mïkuliskökwa cho ghach.

YEREMIA 31:12

Pkonöy nyu pipö Israel kïtumöy ompö ngörekyö, ompö kutïng pö Sayon. Ngörokyini ropöw cho oropchinan chane Ropöwo pagh nko dipay* nko mwowöy cho pö kechir nko tïch nko kyaki walaka. Körökegh nyu atoni möngengwa nko par nyo mi pögh osis löwïr. Möminye kïgh nyo rörchini chane.

YEREMIA 48:47

Wölo kamwaghan ante ECHOTYON lö ompö osis cho pkonöy, osoyönan Moap kïnyorï tïkwïn ngat le nyo kipö tagh.” Teno choni ngala kirwok nyo nyoru pipö Moap.

ESEKEL 38:16

Ingwïnanyi ipar piköchan Israel le polta nyo kelum ngwïny. Omïtunyi osiswechoni we Kok nyonö pokyinö korenyan tökunkïtwanïn puntonï otini oporuneninyi tïlilyenyan tökïsïwa chane.”

ESEKEL 40:2

nko koro Israel ompö sïwïyaghtina Tororöt, akutönanïn ngwïny kutïng parak nyo kogh nyoman. Kimi kïgh nyo kilata kanasyan kipoyeghenanïn.

ESEKEL 43:12

Anyï kirurut nyo pö Kö pö Tororöt: mïchini kïtïlilit tya kiroryenyi kuwit ompö kutïng parak. Lenye nyu nyoni kirurut nyo pö Kö pö Tororöt.”

DANIEL 10:14

Kangwïnan omwowunyi kïgh nyo igho ompö piköku ompö osis cho pkonöy, ompöwölo pö sïwïyaghta osis cho pkonöy.”

DANIEL 2:28

Wölo mi Tororöt yïm nyo poru wïngut. Keporunyi ye nyu pöytoghin Nepukadnesa kïgh nyo igho ompö osis cho pkonöy. Omwowunyi ye nyu kirwotïtoghtö nko sïwïyaghtö nyo kisïwenyi ompö rïwon.

DANIEL 2:35

Kïpasyangana tïkwïl wölay le karïn nko nyïngwïtyan nko tay nko silpa nko wölay le koltin akïlïkwï le morïr ompö ghatya pagh atay le kömöy, kungwïn yomat kïkutata kupotyö mömi wölo kïsöchini, wölo kïwaghaka koghay kïyetï kïlïkwï kutïng akulum ngwïny kïmïkul.

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

DANIEL 7:14

“Ketö nyinte paytagh nko ororyo nko pöyunöt, atökïpöghisyechï pich nko punton nko kutïw löwïr nyinte. Melö weröy paytaghtanyi nyonikïny, amelö wonyot pöyunötenyi.

DANIEL 7:18

wölo nyoru pipö Tororöt nyo Töror Tya pöyunöte kïlïkwï nyingwa kokay nko kokay.’

DANIEL 7:22

Kungwïn nyinte nyo kisöpöy kïngata könyisyok kurwokyï pipö Tororöt nyo Töror Tya. Kwitïta asis ato kinyoru pipö Tororöt pöyunöt.

DANIEL 7:27

Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

OSEA 3:5

Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.

MIKA 3:12

Kïlenyona kïngoröy Sayon le par akwompö akwa lïku Yerusalem kïratyan nyo kirul kutïkumö, akïpita wuw nyo wow Kö pö Tororöt.

SAKARIA 14:10

Lïku kore kïtangogh mpöghogh kïngeta Kepa, nyo mi Yerusalem kuntoka ntökwit Rimon nyo mi kumporö. Wölo töpo kanasyanta Yerusalem ato syolote kïngeta Kuka Penchamen, kuwer ato kimi asistanka nayatu Ananel nyo kiwo chak ntökwit wölo kïryöko dipay* pö pöytoghin.

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

SAKARIA 8:3

Omïlenan Sayon amang Yerusalem. Kïkuröy Yerusalem asoni lö, ‘Kanasyan nyo ghanate,’ kekurö kutïng pö ECHOTYON Kimuktoghin, ‘Kutïng nyo tïlil!’

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

IGHISYEWUT 2:17

‘Mwoghöy Tororöt ompö osiswo söröm lö, Otöninan pich löwïr Mïkulöwunyu. Ngorsïyi werkökwa nko tipikwa sïwïyi chumwakökwa kiporut rwotïtöy poyikwa tïkwïn.

EPRANIA 1:2

wölo ompö osiswechï pö söröm kïngölonöy nko acha kuwerï Werïnyi nyo kigh ngwïny ompö nyinte akwigh nyinte kïlïkwï mïlinto tïkwïn löwïr.

2 PETRO 3:3

Nyo pö tagh, mïchinokwa onkïtune lö, itu pich osiswo löt cho pöyu möngengwa möchutkökwa cho pö por. Nyernyerenekwa chane,

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

NGONGUT 15:4

Ekï ngo nyo mewöghinyinye köny? Akï ngo nyinte nyo töghöy lö taparta owesyengu? Nyi onkït nyo ichï tïlil. Pkonöy puntonï lapay kïsoghinyi, ompöwölo rumteghote ighisyewutköku cho tenote ompö chane löwïr.”

NGONGUT 20:4

Atolapay asïwan ngöcherwo paytagh nko pich cho kitïpisot ngöcherwechoni. Ketö pïchoni owesyö nyo rwokyini pich. Asïwan ngat mïkulis pö pich cho kikïsil kotwon ompöwölo kisöwintönchï chane man nyo kingongwï Yeso akwamta ngölyonto Tororöt. Kikïsil kotwon lenyoni tïkwïl ompöwölo melö kisagh chane tyonyay anta körkeyïntanyi amelö kicham ketö mötöwekwa anta morikwa macheyu tyonyoni. Kututï Tororöt chane akutö kïpayta nko Kristo* könyis elpu akonga.