MIKA 2:12 - PIPÏLIA

¹² Wölo oghömïtokwa löwïr pïchï pö Israel, atuyokwa le kechir ompö akol. Oghömïtokwa, we ngötunön pö Yakopo, le kyak ompö achey, alïkunekwa pich cho möngörï.

MIKA 2:12 ပူးပေါင်းရင်းမြစ်များ

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 27:12

Ghömïtöy ECHOTYON aisoni pikachi kwakonga akonga kïle chi nyo seröy pagh nko morïr, kïngetunö Yuparet ntökwit sörömu Misri.

ISAYA 34:6

Pïriritu chokenyi ompö kisönkökwa akuyila ompö sunetkökwa, le kisön pö kechir nko ngaror nko sunet pö söromoyi mökol cho kighoy amörostin. Ighöy ECHOTYON amöros ompö kanasyanta Posra. Yengöy nyinte kyak cho chang ompö koro Edom.

ISAYA 5:17

Oketïyi nyu ato mi wara kechir le wölo koketïyi kïnomnyö, akwam to lödo kïpïstö.

YEREMIA 23:3

Atolapay aghamïtwan piköchan cho kingötï, kïpkana woptin löwïr wölini kyotoytoychan chane tökïpka korengwa. Pkonöy kïyisot akïchangit.

YEREMIA 3:18

Ryomöy nyu osiswechoni pipö Yuda nko pipö Israel cho pkono koros cho mi okumpö löt akïmïlisyö kor nyo kyotönön köny papotïnekwa.

ESEKEL 34:11

“Kïlenyona lentöy Echotyon TORORÖT, owetan ante oyörotoy kechiryechu, ayakwïy ante.

ESEKEL 34:13

Owetan omïtuno chane punton aghamïtuna koros kïpka korengwa kegh. Oyokwïyan chane kutïngkoti Israel aghegh kori pöghon, akïghömï wölo möngöy pich.

ESEKEL 34:22

Osörunan nyu okwotïnyu, amelö tökïlïku panya tyonkïn arwokyï chane.

ESEKEL 34:31

“Ochikwa kechiryechan, kechiryeko acheytanyan. Ochan nyu Tororötïnkwa.” Mwoghöy Echotyon TORORÖT.

ESEKEL 36:37

Lentöy Echotyon TORORÖT, “Oköngan kïtepanïn pipö Israel aghan chane kïtösisyö mïrönkökwa le okwot pö kechir.

ESEKEL 37:21

Atolapay ilenchï chane lentöy Echotyon TORORÖT, opunan Israel kïpkana punton wölo kipa. Aghamïtwan chane löwïr ompö wölini mi amïtwan kïpka korengwa kegh.

OSEA 1:11

Kituyot nyu atoni pipö Yuda nko cho pö Israel, atolapay kegh chane kïkïlchï kintöghoghintengwa nyo le akonga, yetu chane akwowesöchitu ompö korengwa, ompöwölo lïku asispa Yesrel asis nyo wow!

AMOS 1:12

Kïlenyona oyokyinan ma Teman tökïpel nïyetwo Posra lökïr.” Amon

MIKA 2:13

Yotöy Tororöt nyinte oreto kanasyan akuntöghoghchï chane kïpa. Wiröy chane lö pölölo akïlïtöy kurel sany. Ntöghoghchini chane Tororöt nyo le pöytoghintengwa.

MIKA 4:8

Ngwïnchininyi we mösöwonto pipö Sayon paytagh nyay kipö tagh nko pöyunöto pipö Yerusalem.

MIKA 5:7

Kilïkwï nyu pipö Israel cho pö man kisoyönöt ompö punton le röyon nko rop nyo konu ECHOTYON kingarak kïgh anka tïkwïl cho melö kiköngöy kïkonu pich anta ropï pich.

MIKA 5:8

Mi ngötunön pö Israel kwenu punton lenye ngïtïny ompö wuw pö sakas, lenye wara ngotïny atolïtyï kechir, nyo, otini kasïwa kukomchï lawel akïmutmut lökïr puryö chi nyo söru nyonikïny.

MIKA 7:14

Lïkuna mösöwonto piköku, ECHOTYON nko lïkengu piköku kegh cho kikïlanyi cho möngöy opïn surkwen wölo kimi korö wölo akwagh. Nya kïpa chane kïpa chane achey wölino le Pasyan nko Kiliad le atanya le köny.

MIKA 7:18

Möminye Tororöt anka nyo lata nyi nyo löstoghchini pich ngokï akïpïstö lelut pö pikachi cho pö man amelö roröy nörekyö kokay ompöwölo ichömechanyi nyo möminye söröm.

SEPANIA 3:20

Oghömïtwokwa asisoni apkana kaw, olïkunekwa pich cho ororöch ompö ngwïny kïmïkul, osoyönokwa onyorunö tïkwïn le tagh. Oghan ngalechoni löwïr, asïwïyekwa ompö konyikwo.” Mwoghöy ECHOTYON.