MIKA 2:1 - PIPÏLIA

¹ Heywey chane cho ighöy ngokï akïtat wölo idoy ghöyityö nangat ato ruyot pöröyonikwa. Tökwigh asïyech otini kayech ompöwölo mi owesye morikwa.

MIKA 2:1 ပူးပေါင်းရင်းမြစ်များ

TOWUNÖT 31:29

Komukan onyorinyi, wölo ketwanïn Tororöt pö papongu amïna ompö kirwotïtogh akïlenchanïn, ‘Irip kegh, memwochï Yakopo ngölyon nyo karam anta nyo gha.’

1 PÖYTOGHÏ 21:7

Kïlenchï Yesepel, “Melö ichinyi so pöytoghinto Israel? Ngeta aingwïn iyomisyö aingarak, ompöwölo okoninyi paranoni pö Napot pö sapipun mi Yesrel.”

ESTA 3:8

Kïlenyona kïmwochï Aman pöytoghin lö, “Mito pikö walaka cho kimöngisyö kïghömï koros löwïr ompö pöyunötengu kïmïkul. Rïpöy chane otöptin cho sisinchö nko cho pö pich walaka. Amelö choni opïn, melö tïngö chane kïgh kirurut pö paytaghtangu, nyo melö mïchini emïkukönchinenyi chane.

ESTA 5:14

Kïlenyona kïlenchï korkenyi nko kongotichi löwïr, “Kanya kegh ket nyo kiketïtoy nyo ngata koghïntanyi miten 22 atemwochinö pöytoghin asïyech kuwusö Mordekay ketoni atape nyu nko pöytoghin ama omisyö ompö ngörekyö.” Kïsïwa Aman lö, kinonut nyoni nyo karam, kïlenyona kïmwatïta kegh ketay kiketo pich.

ESTA 9:25

Wölo otini kinkïtï pöytoghintö ngaleko wökononi, kukirta palalyan nyo kikar rïmononi gha ompö pipö Yaudi kimwowï Aman akïmwatïta kewudochï Aman ket nko werkachi.

AYUPU 15:35

Miröy chane ghöyityö akïyï ngokï tötöy mïkuliskökwa lïs.”

AYUPU 24:14

Ngetöy pörin kïtökïtuw atökïpar mey nko cho le chopot akïchorsyö ato le oghö.

TUMWÖY 36:4

Nonöy ghöyityö otini rïwöy, möminye kïgh nyo karam nyo ighöy, amötöghonye kïgh nyo gha.

TUMWÖY 36:5

Itöy chomnyengu nyo pö kokay yïm, we ECHOTYON, aketwoytoninyi kegh ntökwit poltoy.

TUMWÖY 58:3

Kitosonchö pich cho ghach kïngata otini kikïsïch akïputï kïngeta otini kikïyï.

NGÖTÏNYÖ 12:2

Nyoru chi nyo karam chömchin ompö ECHOTYON, wölo rwokyini nyinte chi nyo tötut cho ghach.

NGÖTÏNYÖ 14:22

Potyot nyo pö nyoman pich cho tötoy ngala ghöyityö? Wölo nyoru chomnyogh nko man pich cho tötoy köromnyö.

NGÖTÏNYÖ 3:27

Metagha kingörokut chane cho mïchini kengarak, ato itïng owesyö nyo igho.

NGÖTÏNYÖ 4:16

Ompöwölo mörusocha, ato tomöcha kwïgh kïgh nyo gha, amelö ngwïnchini rïwonto, ato tomöcha kïmïghit chi.

ISAYA 29:20

Lïku nyu atoni kiwonyö ompö pich cho wököy pikö walaka akïsas Tororöt. Kiwuröy mwokïyon anka tïkwïl.

ISAYA 3:14

Ipchini ECHOTYON kirwok poy nko kintöghoghiko pikachi. Rwokyini chane atoni lö, “Akwa cho kyam parenyan nyo pö sapipun, kakïnyorchï tïpö mey korikwa cho kyoritökwa.

ISAYA 32:7

Gha chi nyo le sölwö akwighöy tïkwïn cho pö sölwontön, mïröy putintön atökuwany pich cho mötïng owesyö akïtagha chane kïnyorï mantangwa.

ISAYA 5:8

Heywey, ochech pich cho tusot korïn nko paren kïnapasa ntömelö tökïmi pöroyïn ngat, ntökïlïkwï akwane opïn cho omöngöy kore!

ISAYA 59:3

Ompöwölo kakesïmnyon ewunekwa ompö kisön akesïmnyon morikwa ompö ghöyityö. Kangalanekwa kutïwekwo putintön akïchamcham ngölyepkökwa ghöyityö.

YEREMIA 18:18

Atolapay kïlö pïchay, “Apkana kechama wölo kïtïghtoy Yeremia! Mömicha so tïsï cho netecha anta pich cho ngöghomöch cho muköy kururecha anta werkoy cho mwowecha ngölyonto Tororöt? Keyara ngal cho kirwokyinegho Yeremia amaketera ngat ngalechi cho mwoghöy.”

ESEKEL 11:2

Kïlenchanïn Tororöt, “Wero chi pïchï chay ighöy tötut cho ghach akurwokyï pich kïrïp or nyo gha ompö kanasyantanï.

ESEKEL 33:26

Omontokwa kegh chokon, oghekwa ngal cho kïkïröy akïwetöy chi korketo pöröryenyi, onyorukwa nyu kor lö ne?

ESEKEL 38:10

Lentöy Echotyon TORORÖT, “Pkonchininyi kinonut asisoni cho itötenyi ghöyityö kwïle.

ESEKEL 46:18

Melö söro pich pöytoghintö mïlutkökwa akïyonchï sany chane. Töni werkachi mïlatenyi nyini le parenyi, tömömi ompö piköchan chi nyo kïsöro parenyi.”

MIKA 6:12

Köpïr pikökwa cho le sïkön mey, akï mïröy putï chane pikö löwïr.

NAUM 1:11

Ayo, melö so kingwïna kwenungu, we Ninawi, chi nyo kitötöy ghöyïn ompö ECHOTYON, akurur pich kwigh cho merokonye?

SAKARIA 7:10

Mopïr mïsïktin nko pönon nko to nko mey ompö kwenunkwa. Orip kegh motötyï kegh akwane ghöyïn ompö mïkuliskökwo.

MARKO 15:1

Nyini kiwas kuryam Tïsï cho echön nko poy nko koneti kirurut nko Kokwö* kïmïkul, kïrat Yeso akumïtyï Pilato.

LUKA 20:19

Kimukyï koneti kirurut nko tïsï cho echön kïnam Yeso ompö atoni, ompöwölo kisöwï lö, kingölono körkeyïnoni chane. Wölo kimemïcha kïnam ompöwölo kuwagh pich.

YOANA 19:11

Kuyokyï Yeso lö, “Melö kötetïngetenyi paytagh nyonikïny ompö ani ntömökikoninyi Tororöt. Kïlenyona, tïng ngokï cho chang tya chichoni kemïtwanïn wölo imitenyi.”

IGHISYEWUT 23:12

Kïtuyö pipö Yaudi walaka ompö asis nyo kirïptoy akuwalwal kegh ompö tawu Tororöt lö, “Mökyomisïyechanye anta kïgheghsyö tökïtenö ketïghöcha Paulö.”

IGHISYEWUT 23:15

Kïlenyona ye mwochinö nyo le nyi nko pipö Kokwö atetepa yetïnay kumïtï kungwïn wölo omitekwa aghakwa kegh le ato oyörekwa okïte lasiny ngale walaka ompö nyinte. Wölo kïmicha nyu atoni kïpsach keköngöy nyinte atökepara kïtomö kïrikï wölo omitekwa.”

RUMI 1:30

Pich chane cho ngölono kegh ompö or nyo gha akï töghöy Tororöt, cho kölköl akï cho mwoghöy kegh, cho kwolöy akïsyolöy kegh. Pich cho nonöy kïnomnyö ortïne walaka cho igho tïkwïn cho ghach akï cho möterchinicha yiyikwa.

KINONO KIRURUT 28:32

Kitöni monekwa cho le wor nko tipïn piko puntoni walaka osïwïyekwa, omchinokwa emö monekwo kïtenö osis wölo motïngetekwanye owesyö nyo oyokuno chane.