MIKA 1:7 - PIPÏLIA

⁷ Kitïghotïghöy körkeyïntinechi löwïr kïlïkwï mïnchïran, akepel tïkwïn cho kitöni chepkarteni kö pö tororötïngwa. Kirïruköy körkeyïntinechi löwïr kïlïkwï samï. Kinyorchï Samaria tïkuchï ara cheporesnan, petöy nyu lenyoni ompö ara cheporesnan.

MIKA 1:7 ပူးပေါင်းရင်းမြစ်များ

2 OTÖPTINO OSIS 31:1

Nyini kimuchö ngalechoni löwïr, kïpa pipö Israel löwïr cho kimi atoni kïtoyechï kanastina Yuda akusyewsyew pchörin cho kikigha köghïn akïtörotör körkeyïn pö Asyera* tororöt nyo le korka akïngany wölo kïsogho körkeyïntin akïngany ato kïpelo amöros ompö koro Yuda kïmïkul nko Penchamen nko ompö Epraim nko Manase tïkwïl, kïngany tökïtenö kïsïwa lö, kewonyö lökïr. Atolapay kïmïlisyö pipö Israel kanastinekwa kïwö chi anka tïkwïl kutang möngenyi.

ISAYA 2:18

kiwongöy saghata körkeyïntin asisoni kokay.

ISAYA 23:17

Kïkany kuwonyö könyiswechoni le 70, kuyokyï ECHOTYON Tiro mïnchïrïsnön nyo kipö tagh atökwolchï kegh paytaghtina ngwïny.

ISAYA 27:9

Wölo kïlöstoghchini pipö Israel ngokikwa otini kewany chane kïngagh koghi tïsöwo pipö punton kïkarkegh nko pïsya amelö tökïmi ngat koghïn cho ngötu cho kïpelo tïsöw anta körkeyïntin cho pö tororötnay le karka kïkuro Asyera.*

ESEKEL 6:6

Lïku kanastinekwa löwïr ompö wölini omöngekwa kïratis nko wölo osoghokwa körkeyïntin akerultö ato kïpelo amöros nko körkeyïntine aketoytoyö ato kïpelo tïkwïn cho ngutoy cho onyïn akenyarnyar pöghisyewutkökwa löwïr.

OSEA 2:12

Onyoran akweko sapipunechi nko keti cho kimwa nyinte lö, “Achï ropöwechan cho kökonanïn chamankachu,” ompöwölo kapaghan chane, owöghökan nyu kïlïkwï wuw atökwam tïpö wudïn.

OSEA 2:14

Kilenyona nyu, owetan olïsolïsöy nyinte, amït kïwö surkwen, angölonchï nyinte ompö tölosyö.

OSEA 2:5

Ompöwölo kegh yongwa cheporesnan, kökonï arasï yongwa nyo kimir chane. Ompöwölo kilenchï kegh, “Orïpotonan chamankachu cho pöghanïn akïkonanïn puto kech nko sïro pö katani nko mwagh nko dipay.”*

OSEA 8:5

Lilanïn kïgh körkeyïntöngu nyo pö mogh we Samaria konörekyokwa nyoman. Olelekwa nko oyï nya?

OSEA 8:6

Alatekwa choni nyu pipö Israel nko körkeyïntöngu nyo kïgh puntïyonta melö Tororöt nyonikïny nyona kïtïghotïghöy körkeyïn pö Samaria nyay le mogh.

YOEL 3:3

Akwam mogh kïchagh piköchan, akutötö worö tökïwala chepkartayan, akwalta työ tökïnyorï dipay* cho gheghöy.

LAWIN 26:30

Onyornyoran ato osoghokwa körkeyïntin atörotörön ato opelokwa tïkwïn cho ngutoy cho onyïn, awirchan mïntïruchkökwa wölo köchïnchï körkeyïntinekwa akïwöchokwa mïkulöwunyan.

KINONO KIRURUT 23:18

Amopï Kö pö ECHOTYON Tororötïngwo ropïyen cho kakïnyorï ompö or nyo lata nyoni ataghakteghena kiwalwalatengwo, ompöwölo ghöchini ECHOTYON Tororötïnkwa ngalechoni.

KINONO KIRURUT 9:21

Atolapay achengan kïyoni pö ngokï le mogh kyaghakwa apel atïghotïgh angagh ntökïnyöryö le terïtyon. Alösyan terïtyechoni champilwa nyo kirökuno kutïngoni.

NGONGUT 18:3

Ompöwölo kikigh pipö punton löwïr kitömesyeghö kumi pïrchin pö cheporesnanenyi. Akikwigh pöytoghi ngwïny cheporesnan nko nyinte, kïmökosöchitunö mïnchïrïs pö ngwïny pïrchinoghtanyi nyo kingwïna mïrö.”

NGONGUT 18:9

Rirchini akïlokyï kanasyantanoni pö Papilon pöytoghi ngwïny cho kigh cheporesnan akïlït lö tïrpïl ngala pïrchin anka tïkwïl nko nyinte ato sïwa ighot kanasyantanoni kïnöghöy.

1 SAMWEL 5:4

Wölo nyini kinget asisto odeny ngat, kïlö kiros kichïnta Dakon kïköpïghtö mu ompö tawu Santuku Muma ECHOTYON akïmïtïkö möt nko ewunechi kïchïnchï ket pö kukat, kïngötï portö onkït kïchïrmet.