MIKA 1:16 - PIPÏLIA

¹⁶ Angwïla kegh mötöwöy, amut putekwo ompö monïng cho ichömonyi kegh. Angwïla kegh le sichtin ompöwölo peghonekwa chane kïpetöy pïnotön.

MIKA 1:16 ပူးပေါင်းရင်းမြစ်များ

2 PÖYTOGHÏ 17:6

Kïnam pöytoghinto Asirya kanasyanta Samaria ompö könyi mut nko angwan nyo pö paytaghpa Osyea akïrang pipö Israel kïpa chela ompö koro Asirya akïpïsyï walaka kïmang kanasyanta Ala, kïmang walaka atolekïtö lalwa Apor nyo mi koro Kosan, kutö walaka kïmang kanastina pipö Mede.

AYUPU 1:20

Kïnget nyu Ayupu akïkarer sïrokachi ompö nkwonïn akïrwach mötïnyi, atolapay kupïtyï ngwïny

ISAYA 15:2

Kïpusta pipö Dipon wölo kïsogho körkeyïntin akïriryö. Kiriryö pipö Moap, kïrirchï kanastina Nepo nko Medepa ompö nyarïl, kirwach mötöwekwa nko tamughayikwa ompö nyarïl.

ISAYA 22:12

Kimi Echotyon, TORORÖT Kimuktoghin kïkurokwa asisoni lö oriryenö ateghyö ompö nyarïl, angwïl mötöwekwo alak sarankwachtin.

YEREMIA 16:6

Meghsot pich cho echön nko cho mïnkech ompö koronete akïpuryö nyo tïpöy chane. Puryö ompö nyo wötöy kegh anto nyo rwoköy kegh möt ompöwölo kama chi.

YEREMIA 4:8

Kïlenyona, alaka sarankwachtin asönön ariryö, ompöwölo tomönye kïpïstecha nörekyo ECHOTYON nyo ngwan lakat.”

YEREMIA 47:5

Karwak pipö Kasa mötöwöy akwompö sönönöt kewonyö kïlïkwï kïratyan kanasyanta Askelon Ayo akwa pipö Anakim cho köngötï, owötowötekwa kegh porwöy ompö sönönöt nko oyï nya?

YEREMIA 6:26

Lentöy ECHOTYON, “Akwa pikachu, alaka nyu sarankwachtin, amelmel aryon. Oriryenö le chi nyo riröy megha werïnyi nyo le akonga kïpoto, ompöwölo chumwokwa lawel kiwurintö!

YEREMIA 7:29

“ ‘Akwa pipö Yerusalem! Arwaka mötöw asönön! Oriryeghenö kutïngkot parak le ato kama chi, ompöwölo kataghakwa ECHOTYON, akwa pïnï kotyorï nörekyenyi!’

LOK 2:19

Ngeta airir ainget airir kïyech mwochinö Echotyon kisusut löwïr cho mi mïkulöwungu mwochinö kusyonchï moneku cho kenkïyuy ompö kömöy ompö ortïna kanasyan löwïr.

AMOS 7:11

Lentöy Amos meghöy Yeropoam nyo mötïny akïpetöy pipö Israel pïnotön ompö koronï.”

AMOS 7:17

Kïlenyona lentöy ECHOTYON lïku korkengu chepkartayan ompö kanasyan akepöröy moneku lömïs werko nko tipi. Akechaghachagh korengu kïpöyit pich walaka. Imeghonyi nyinte kor nyo le sïmnyon, petöy nyu pipö Israel pïnotön ompö koronï nyo mötïny.”

AMOS 8:10

Oghan ichontinekwa kïlïkwï rira, kïlïkwï tumwöyikwa löwïr lok. Oghokwa alaka sarankwachtin, angwïl mötöw, le pich cho lokyini megha monïng le akonga kïpoto, akï ngwonitu nyarïl asisoni lakat.

KINONO KIRURUT 28:41

Oyiyekwa monïng cho le wor nko tipïn, wölo melö lïku chikwa, ompöwölo petöy kïlïku naman.