MATAYO 9:36 - PIPÏLIA

³⁶ Kikany kisïwa nyinte söpïchis, kusyonchï nyinte chane nyoman, ompöwölo kyoghochö akïtoytoyö le kechir cho kipuryö mösöwon.

MATAYO 9:36 ပူးပေါင်းရင်းမြစ်များ

1 PÖYTOGHÏ 22:17

Kuyokyï Mikaya lö, “Kasïwan pipö Israel cho pö lïk kitoytoyö ompö kutïngkot le kechir cho puryö mösöwon. Atolapay kïlö ECHOTYON, ‘Mötïngcha pïchï kintöghoghin, nya kïmïlonchö chane kestonikwa ompö kalya.’ ”

2 OTÖPTINO OSIS 18:16

Kuyokyï Mikaya lö, “Kyasïwan pipö Israel löwïr kitoytoyö ompö kutïngkot le kechir cho mötïnye mösöwon. Kïmwa ECHOTYON lö, ‘Mötïngcha pïchï kintöghoghin, nya kïmïlisyö kestonikwa ompö kalya.’ ”

ISAYA 13:14

“Pertoy pich atoni cho le pïnot cho möngöy Papilon kutöngöy wölini kipkana. Toytoyot chane le cheptirkich nyo kïyonöy ato kïsökosöy, akïlata kechir cho puryö mösöwon.

YEREMIA 50:6

“Karkegh piköchan nko kechir cho kimötö mösöwekwa kupotyechï komos akïtompöroryö kïpusata kutïngkot ntökïwutyeghö kaw.

SAKARIA 10:2

Sölwontön kwïle nyo mwowu körkeyïntin, mwoghöy chepsoköytin putintön, ngoröy chemöwostinekwa lïs akïkonekwa kikönöt nyo möminye. Nka nyay kimperölyotö pich le kechir, omöy nyarïl ompöwölo mötïngcha mösöwon.

SAKARIA 11:16

Ompöwölo oyokunan mösöwon nyo möyongönye kechir cho ketongu nko cho kepotyö nko cho ngwolsot. Meyokwïyönye ompö chini karamach putö, wölo ngetöy kwomöy kechirye cho okwoghöch ametukönye ompö putïlöyi!

KIYITUT 27:17

nyo ntöghoghchini chane kipa poryot akuyokwï, atömölïkwï piköku kechir cho mötïnye mösöwön.”

MATAYO 10:6

Wölo kaykay ape wölo mi pipö Israel cho kakupotyö le kechir.

MATAYO 14:14

Kïngetunö Yeso meli, otini kisïwa nyinte söpïch nyo mamïnïng, kusyonchï akusop pikökwa cho kikösisyote.

MATAYO 15:24

Kïlenchï Yeso kokonay, “Kikïyonwanïn angwïn wölo mi kechir cho kipotyö cho pö pipö Israel kïpoto!”

MATAYO 15:32

Kïkur nyu Yeso kinetankachi akïlenchï, “Osyonchinan pïchï, ompöwölo kötïpïyö chane nko ani osis sömök akïtomöcha kwam kïgh amochömanye oyontoy chane kïtomö kwomisyö, tömam kömöy chane kïpetöy kestonikwa.”

MARKO 6:34

Otini kingetunö Yeso melinay kïsïwa tuyot nyo wow, kusyon nyinte, ompöwölo kikarkegh tuyononi nko kechir puryö mösöwon. Kutor kunet chane ngal cho chang.

MARKO 8:2

“Kesyonanïn pïchï kakïtïpïyö nko ani osis sömök, akwanyï mötïngcha kïgh nyo omöy.

EPRANIA 4:15

Ompöwölo kïtïngetecha Tïsin nyo Wow nyo muköy ntökungarakecha ompö nyörkölelyenyo, nka nyoni kikïtyam nyinte ompö or anka tïkwïl le acha, akimeghnye ngokï.

EPRANIA 5:2

Akwompöwölo nyarkalal nyinte ompö ortïn cho chang, kumuköy kusyonchï pich cho mötïngcha sïkunöt nko cho lelöy.