MATAYO 9:2 - PIPÏLIA

² Kumïtyï pich nyinte chi nyo kisipö por nyo kirïwöy pöröy. Kïsïwa Yeso wowïnto kighanatengwa, kïlenchï chichay kisipö por, “Inyakanitï, werïnyu, kakelöstowunyi ngokiku.”

MATAYO 9:2 ပူးပေါင်းရင်းမြစ်များ

OMTOGHIN 9:7

Kikïchömunyi Tororöt kïgh nyo keghanyi, kïlenyona wïyö ama omisyengu aiturön ighegh dipayköku* ompö ngörekyö.

ISAYA 44:22

Kamistan ngokiku kïtuyö le polta. Mïlena wölo omitan, ompöwölo ani nyo kosörwokwa.”

MATAYO 14:27

Wölo panini lawel, kïngölonchï Yeso chane kïlenchï, “Onyökonitunö ani nyete, mowöghisyö!”

MATAYO 4:24

Kïyasta ngalechi kïghömï koro Sirya kïmïkul. Kemïtyï nyinte pich löwïr cho kinam sömewut cho sisinchö nko cho kitïng nyörilwok cho sisinchö nko pich cho kipote oy cho ghach nko cho ki lïwöy kïgh nko cho kiyuyisyö porwöy, kusop Yeso pïchoni löwïr.

MATAYO 6:12

Löstewecha lelutköcho cho kakïlel, le wölo kïlöstoghchinecha pich cho lelwecha.

MATAYO 8:10

Otini kilïm Yeso lenyoni, kïtöngönchï nyoman akïlenchï pïchoni kirïpöy nyinte, “Omwowokwa nyoman lö, tomönye osöchan chi koro Israel nyo tïng kighanat nyo lata nyï.

MATAYO 8:16

Otini kimön, kemïtyï Yeso pich cho chang cho kipote oy. Kiyon oyichoni ghach ompö ngölyontenyi akusop pich löwïr cho kichirsot.

MATAYO 9:22

Kiwaghaka Yeso akïsïwa nyinte, kïlenchï, “Inyakanitï, cheptanyu kakusopinyi kighanatengu.” Akïnyini lawel kïsöp kokonay.

MATAYO 9:5

Kwïskwïs kemwa lö, ‘Kakelöstowunyi ngokiku,’ nya anta kemwa lö, ‘Ngeta aiwechï kegh?’

MATAYO 9:6

Oporwokwa ye nyu lö tïng Wero Chi wowïn ompö ngwïny nyo löstoghchini pich ngokï.” Kïlenchï chichay, “Ngeta aicheng menyontengu aiwechï kegh katangu!”

MARKO 1:32

Otini le mönon kiröytoy asis, kemïtyï Yeso pich cho chiryote nko cho kipote oy.

MARKO 10:49

Kughyö Yeso akïlö, “Okurunö nyinte.” Kekurï chepkarotnay akelenchï, “Nyakanituna, ngeta, kurïnyi nyinte.”

MARKO 5:34

Kïlenchï Yeso nyinte, “Cheptanyu, kesopinyi kighanatengu. Rota nyo karam kisöpenyi kichïrtangu.”

MARKO 6:50

Ompöwölo otini kisïwa chane lapay nyinte kuwöghisyö nyoman kïngölonchï Yeso chane lawel lö, “Onyökonitunö, ani nyete mowöghisyö.”

YOANA 16:33

Kanyaghan omwowokwa ngalechete atamukakwa osïkenö orinyan kalya. Onyorunekwa nyarïl ompö ngwïny. Wölo onyökönitu! Karïntan ngwïny!”

YOANA 2:25

Akimötïngnye machat lö tömwowon chi ngaleko pikö walaka, ompöwölo kinkït ngal lapay cho kinonöy pich.

YOANA 21:5

Kïtep nyu Yeso chane lö, “Tomönye so anamakwa koghoghwö wechara?” Kuyokyï chane lö, “Ewo! Tomönye kenamacha kïgh.”

IGHISYEWUT 14:9

Kimi chichoni kïteröy ngala Paulö, kuchirchï kong kïsïwa Paulö lö tïng kighanat nyinte yöröy kisopöt.

IGHISYEWUT 19:12

ntökepchï pich cho kichirsot chini le kitampayen nko anankis cho kökikïswany portanyi, kwigh kitampayenichoni nko anankiska kïsöpchö sömewutkökwa, akïngeta chane oy.

IGHISYEWUT 23:11

Kughyongö Echotyon oghononi ato kilekïto Paulö akïlenchï, “Inyakanitï! Ompöwölo kïle wölo kesöwintönchaninyi ompö yi le Yerusalem, kïmïchini söwintönchaninyi lenyoni ompö Rumi tïkwïl.”

RUMI 5:11

Akïmönyoninye onkït, kïturonchocha ompö kïgh nyo kegh ye Tororöt ompö Echotyontenyo Yeso Kristo nyo keghecha kelinyenö nko nyinte.

YAKOPO 2:18

Wölo muköy chitö anka kïmwa lö, “Itïngetenyi kighanat, otïngetan ighisyewut,” Oyokchinan chi nyo mwoghöy lenyoni lö, “Porwante kighanatengu nyoni puryö ighisyewut, atoporun kighanatenyan ompö ighisyewutköchan.”