MATAYO 8:6 - PIPÏLIA

⁶ nyo kisagh nyinte lö, “Echotyon, chirate mötworintenyan nyo mi kaw, rïwöy kimeyta por, akïmemukonye ntökïnget, chirate nyoman.”

MATAYO 8:6 ပူးပေါင်းရင်းမြစ်များ

MATAYO 4:24

Kïyasta ngalechi kïghömï koro Sirya kïmïkul. Kemïtyï nyinte pich löwïr cho kinam sömewut cho sisinchö nko cho kitïng nyörilwok cho sisinchö nko pich cho kipote oy cho ghach nko cho ki lïwöy kïgh nko cho kiyuyisyö porwöy, kusop Yeso pïchoni löwïr.

MATAYO 8:7

Kuyokyï Yeso lö, “Ongwïnan osopöy nyinte.”

MATAYO 9:2

Kumïtyï pich nyinte chi nyo kisipö por nyo kirïwöy pöröy. Kïsïwa Yeso wowïnto kighanatengwa, kïlenchï chichay kisipö por, “Inyakanitï, werïnyu, kakelöstowunyi ngokiku.”

IGHISYEWUT 10:7

Otini kökikïwö malaykayantanay köngölonchini nyinte, kïkur Kornelio pikachi odeny cho pö pöghisyö nko askaryan akonga nyo le konyïtin akïpöghisyechini Kornelio nyo karam.

IGHISYEWUT 8:7

Ompöwölo kingeta oy pich cho chang cho kipote oy, kuteghyot, akesop pich cho chang cho kimeytoy porwöy nko cho kingwolsot.

IGHISYEWUT 9:33

Kïnyorchï wöloni chi nyo kikuro Aynea, nyo kimeyta por, amangetanye pöröy könyis mut nko sömök.

KOLOSAY 3:11

Melö tökïmi nyu sisïn nyo pö pipö punton nko pipö Yaudi, anta nyo pö chi nyo kiwö tum nko nyo le somchon, anta nyo pö chi nyo kisomön nko nyo melö kisomön, anta nyo le sekeyon nko nyo melö sekeyon, wölo kïgh nyo wow tya ompö choni kï Kristo, akï nyinte nyo mi orito choni löwïr.

KOLOSAY 4:1

Akwa echot, oghchinö man sekeykökwo amowutyeghö lö otïngetekwa tïkwïl Echotyontengwo nyo mi yïm.

1 TIMOTEO 6:2

Akwato mi sekey cho tïng yetïntinekwa cho kikughan Kristo,* kïmömïchininye kuparta konyït nyo mïnïng lö ompöwölo tupchö ompö Kristo. Nyo köteghöy lenyoni mïchini kïpöghisyechï chane nyo karam tya, ompöwölo pich cho nyoru tösunöto pöghisyengwa, kï chaman cho kikughan Kristo. Inet ngalechï aimwochï pich lapay kïrïp.

PILEMON 1:16

Akï ye meyit Onesimo lö sekeyon pat, wölö tïlöy sekeyon ompöwölo werïnyo nyinte nyo chamate ompö Kristo. Pö kinyiwut nyinte nyo wow ompö ani, wölo wow tya kinyiwutyenyi ompö nyi, le sekeyon akïle nyo otupchö ompö Echotyon.