MATAYO 8:26 - PIPÏLIA

²⁶ Kïlenchï Yeso, “Ompö ne towöghisyenökwa? Akwa pïchï mïnïng kighanatenkwa!” Atolapay kïnget akuteghchï chepkiririnay nko mirtino pögh kïsisyö, kïsï nanamay lasay.

MATAYO 8:26 ပူးပေါင်းရင်းမြစ်များ

TUMWÖY 65:7

Ighöy Tororöt nanam nyo tïlöy kïsï nko mirtino pögh akwighöy pich cho tïlyot kïsisyö.

TUMWÖY 89:9

Ipöytonyi mirtino nanam cho owesöch aighanyi kïsisyö ato wasawas kegh.

ISAYA 63:12

nyanya kintöghoghchï ompö ewunyi nyo awes akwigh tïkwïn cho echön kuwerï Musa?

NAUM 1:4

Ngölonchini ECHOTYON nanam kïteny akïtenyöy lenyini! Akwompö ngölyontenyi tenyot lalwatïna löwïr, akïyam suswon ompö koro Pasyan, kïyomö ketï cho mi kutïng pö Karmel, akïsilonchö tapïk cho mi Lepanon.

APAKUK 3:8

Kichö so lalwatïn, ECHOTYON cho kighinyi nareka anta ighinyi sïngirenö? Anta nanam nyo kinörekyinyi, atanye kighanyi piköku kïrïnta pungkökwa.

MATAYO 16:8

Kunkïtï Yeso wölini kimwoghtoy chane, kïtep lö, “Kölö ne tomölekwa kegh lö ompöwölo melö kakipucha makatin? Wechï mïnïng kighanatenkwa!

MATAYO 17:20

Kuyokyï Yeso chane lö, “Ompöwölo mïnïng kighanatenkwa. Omwowokwa nyoman lö ntökotïngetekwa kighanat nyo tenö kösïghyonto ket pö aradali kötomukekwa olenchinö kutïngï, ‘Ngetena yi aiwö atara,’ kötöngetöy akömökïminye kïgh nyo memukonye ompö akwa. [

MATAYO 6:30

Wölo atö minöy Tororöt sus, cho nyörilöch ye akwasïyech kïyomö akepel, kïmemukönye nyinte tökulokwekwa sïro kïtïl? Heywey akwa cho mïnïng kighanata!

MATAYO 8:27

Kïtöngönchï pïchay akïlö, “Ne chitö nyï nya terchini ompö yomöt nko mirtino pögh?”

LUKA 4:35

Kuteghchï Yeso nyinte lö, “Sisa aingetunö chichï!” Kïwirta oyichay chichay ompö tawuto pïchoni, akïngetunö nyinte wölo kimedanye kïgh nyinte.

RUMI 4:20

Melö kipïstö nyinte kighanatenyi akimötomtomönnye nyinte ompö kiyomisöto Tororöt. Kiyetï kighanatenyi nyo kikil nyinte, akïsal Tororöt.

NGONGUT 10:2

Kitïng ompö ewunyi kitapï nyo mïnïng nyo yatate. Kikanagh keltanyi nyo pö tagh nanam, kukanagh keltö nyo pö löt kor wölo tïyame