MATAYO 8:12 - PIPÏLIA

¹² Wölo kïwirchini wölo tuw pïchini kötöpöyitu Pöyunötö yïm, riryegho nyu chane wöloni akïnyagh kelat.”

MATAYO 8:12 ပူးပေါင်းရင်းမြစ်များ

TUMWÖY 112:10

Nyini kasïwa mwokïyon kïnarek, sïröy morïn ompö kilïl akupot sïrmoy, wonyot machatenyi kokay.

ISAYA 65:14

Tumöy chane ompö ngörekyö, wölo orirsokwa ompö nyarïl.

MATAYO 13:38

pare kï ngwïny, kösïghechay karamach kï pich cho le nyingwa Pöyunöto Tororöt, wölo sekut kï pich cho pöyitu Onyöt

MATAYO 13:42

akïwirchï ma nyo monïng, riryegho chane wölini akïnyagha kelat.

MATAYO 13:50

akïwirchï chinö ghach ma nyo wow. Riryegho wölini, akïnyagh kelat.”

MATAYO 21:43

Kïtas Yeso kïlenchï, “Kïlenyona, omwowokwa ye lö, kïchengenokwa Pöyunöto Tororöt aketö punton walaka cho yinöy akwechi. [

MATAYO 24:51

Tïghöy mötworintononi nyoman le wölo kïtïghtoy chepölköstin, akutö wölo riryegho pich akïnyagh kelat ompö kichïr.

MATAYO 25:30

Owirchï sany wölo tuw mötworintonï mötïnye kinyiwut. Riryegho pich wölini akïnyöghöy kelat ompö nyarïl.’

LUKA 13:28

Wechï Lïku rira nko nyaghata kelat ompö akwa atoni, ato osïwïyekwa Apraam nko Isak nko Yakopo nko werkoy löwïr kïmï Pöyunöto Tororöt akewirchokwa sany!

IGHISYEWUT 3:25

Ochikwa monïngo werkoy apoyekwa muma* nyo kyam Tororöt nko papotïnekwa. Le ato kimwochï Apraam lö, ‘Osoyönan pipö ngwïny kïmïkul kuwerï yiyengu.’

RUMI 9:4

Pipö Israel chane, cho kikïl Tororöt kïlïkwï monechi akïngongchï ororyenyi akwam nyinte mumen nko chane akutö Kirurutkachi. Kikunkïtï chane saghata man akï chane cho kitach kiyomisut pö Tororöt.

2 PETRO 2:17

Karkegh pïchoni nko kori pöghon cho kitenyö akïkarkegh nko poltoy cho kutöy chepkïrïri. Kikïngotyï Tororöt möngengwa wölo tuw lö yïk.

2 PETRO 2:4

Kimesyonchïnye Tororöt malayken cho kigh ngokï, wölo kïtorchï chane ngwen wölo tuw kïrötot kïköngöy kirwok.

YUDA 1:13

Karkegh chane nko mïrtino pögho nanam, cho mïlu pïchan nyo pö pöghisyewutkökwa cho pö arasï. Karkegh chane nko kokel cho pestotoy akï cho wetöy Tororöt kïkörchini wölo tuw lömïs kokay.

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.

1 SAMWEL 2:9

“Ripöy pich cho ghönöy nyinte, wölo wonyechini cho ghach tuwïn. Ompöwölo möminye chi nyo muktoy ompö owesyenyi kegh.