MATAYO 7:15 - PIPÏLIA

¹⁵ “Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.

MATAYO 7:15 ပူးပေါင်းရင်းမြစ်များ

1 PÖYTOGHÏ 13:18

Kïlenchï werkyontonay pö Petel nyinte, “Ochan tïkwïl werkyon le nyi, kömwowanïn malaykayanta ECHOTYON lö, wïyö mïtuna nyi kïmïla aitö omisyö.” Wölo ki putin werkoyontononi le poyon.

YEREMIA 29:21

“Lentöy ECHOTYON Kimuktoghin, Tororöt pö Israel ompö paraku Aap wero Kolaya nko Sedekia wero Maaseya, ‘Kömïrchokwa pïchoni putintön ompö kaynenyan. Arose! Otöninan chane mori. Nepukadnesa, pöytoghinto Papilon nyo wetöy kïpöröy chane orosunekwa!

ESEKEL 13:16

nko werkoychay kingor akïsïwa sïwïyaghtin lö mi kalya Yerusalem akwanyï melö mi kalya nyonikïny. Mwoghöy Echotyon TORORÖT.

ESEKEL 13:22

“Kïle wölo kyaghakwa chi pö man kïma mu kïrkegh tomönye aghan nyinte kïma mu, arompörökwa chemwokïyon kïtas tagh nko ortïnechi cho ghach tömösörï kegh.

ESEKEL 22:25

Lata kintöghoghichï ngotïny nyo pororöy ompö tyony nyo kapar, kikïpar chane pich akïcheng kaplawachtin nko tïkwïn, kikipar pich kudong mïsïk cho möngörï ompö kor.

ESEKEL 22:27

Lata kintöghoghichï cho kapar tyony, mïltoy kisön tökïnyorï sïkönöt ompö or nyo gha.

DANIEL 11:34

Otini nyu kimi kepöröy pipö Tororöt, kïnyorï kingörokut kite, kïpka cho chang kïrïp chane ompö lïs.

MIKA 3:11

Rwoko pöytoghichï kanasyanta asoya, netisïyi tïsï töketö ropïyen. Akingorsyö werkoyikwa tökïnyorï ropïyen akwanyï mwoghöy lö kitwoytoy kegh ECHOTYON kïlentöy “Melö mi so ECHOTYON nko acha? Nyo melö mi ghöyityö nyo nyorwecha.”

SAKARIA 13:4

Nömöy arasï osiswechoni werkoyon ompö sïwïyaghtinechi otini mwochini pich. Melokönye sampu werkoyon atökïlïs pich lö ochï werkoyon.

MATAYO 10:17

Orip kegh, ompöwölo pkonöy pich cho nömokwa akumïtyokwa ka kirwok, mungokwa chane ompö korikwa pö sowut.

MATAYO 16:11

Kwompö ne tömöpköchokwa lö melö kongölononan ngala makatin? Oripenö kegh mumara Parisaytin nko Sadukaytin!”

MATAYO 16:6

Kïlenchï Yeso chane, “Orip kegh mumara Parisaytin nko Sadukaytin.”

MATAYO 24:11

Atolapay kuchumï werkoyi putintön cho möngörï kïlïsöy pich cho chang.

MATAYO 7:14

Wölo marich kukat akwaghïgh or nyo ipöy pich wölo mi söpon akï pich cho ngörï cho nyoru.

LUKA 12:15

Atolapay kïlenchï pïchay löwïr, “Wechara! Oripö kegh pïrchinogh pö tïkwïn. Ompöwölo molenchï kegh lö köromitu tya söpon pö chi ato tïng tïkwïn cho chang.”

LUKA 6:26

Ochech akwa ato kusokwa pich, ompöwölo kikus lenyoni papotïnekwa werkoyi putintön.

YOANA 10:12

Ato sïwa chi suyon kungwïnöy nyo melö mösöwon amelö chechi kyaki, kïpïstoy kechiryechoni akuperta. Kungwïn nyu suyontononi kïnam akutoyö kechirye.

IGHISYEWUT 13:40

Okïr kegh nyu tömönyorwok ngala cho kimwa werkoy lö,

IGHISYEWUT 13:6

Akwotini kiwerata kore kïmïkul nyo kikwen pögh ntökwit Papos, kïnyorchï wöloni ponin, nyo kïkuro Paryeso nyo kile chi pö Yaudi aki werkoyonto putintön.

KALATIA 2:4

kïrkegh kimito pikö walaka cho kigh kegh lö, kïchï kighonï akwanyï kichö ghotï chane. Kipka pïchoni kunkïtï kityakat nyo kikïtïngetecha ompö nyoryencha nko Kristo* Yeso kïmach chane kwighecha sekey,

EPESO 4:14

Melö nyu tolïkunekwa ngat monïng cho kutöy yomöt anka tïkwïl kughegh wölnö nko wölnö nyo pö kinetut pö pich cho pöghisyegho kinetutkökwa ompö lïs atökwigh pikö walaka kupotyö.

EPESO 5:6

Makany kïlïsenak chi ngal cho pö kwïle, ompöwölo nyoru pich cho le penyï nörekyo Tororöt ompö ngal cho lata choni. Kïlenyona

PILIPI 3:2

Oripenö kegh kukïdin pich cho ighöy ngal cho ghach, pich cho nömchini lat ngala mutata por.

KOLOSAY 2:8

Orip nyu kegh tömetönok chi ngöghöp ompö ngöghomnyenyi nyo le kwïle akï pö lïs akï, nyo ngwïno asïl pö ptangengmöt nko mïkulis cho pöytoy wölnö le mïröt melö ngwïno Kristo.

2 TIMOTEO 3:13

Tösöy tagh kïghochitu tya pich cho ghach cho le lïsï cho lïsöy pikö walaka akelïs kegh chane tïkwïl.

2 TIMOTEO 4:3

Pkonöy osiswö cho mökïteröcha pich kinetut cho pö man, akïrïp pïrchintinekwa, akïghömïtï kegh konetï cho chang tya cho mwochini chane ngal cho chömöy yitikwa kïlïmöy.

2 PETRO 3:17

Wölo akwa, tupchenichu kikyonkïtukwa ngölyontononi. Orip kegh nyu tömemïtak pich cho le penyi ara kipotöt ompö kinetutkakwa cho pö putintön akwighak ochïntenö ompö kighyongötengwo nyo chïchïmate.

1 YOANA 4:1

Chamankachu, maghan ngala chi kïtïkon nyo lentöy otïngetö Mïkulöwu Tororöt, wölo arosa lasiny tasïwena lö mïkulis ntöghoghchini chane kïpo man anta ewo. Ompöwölo chang werkoyi putintön cho kipestata kïlïtöy wop tïkwïl.

YUDA 1:4

Ompöwölo mi pich cho kilepï kegh kïlïtu kwenuncha cho mewöghöcha Tororöt, akïkwanykwany pich tömökïpköchïnye lasiny ngala pöropcho Tororötïncha akï töghöy pöytoghintenyo nyo le nyinte onkït akï Echotyontenyo Yeso Kristo. Ighöy chane lenyoni atökïnyorï ortïn cho igho ngalekwa cho ghach. Wölo kikikïngor Kikirut otini le könyisyok kirwok nyo nyoru pïchoni.

NGONGUT 16:13

Atolapay asïwan mïkulis sömök cho ghach cho kilata mnyakaway cho kipkono kuti ntaranay nko kutito tyonyoni nko kutito werkoyontononi pö putintön.

NGONGUT 17:6

Atolapay asïwan lö kitamasa kokononi kisön pö pipö Tororöt nko kisön pö pich cho kikïpar ompöwölo kimöpïstönye kïrïp Yeso. Otini kyasïwan kokononi, atanganyan nyoman.

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.

NGONGUT 20:10

Atolapay kewirchï Onyöt nyo kilïs pich nanampa ma nyo ngwan lakat, mapa koghïn cho nöghsot. Kikïwirchï wöloni tïkwïl tyonyay nko werkoyontonay pö putintön. Nyörïlyegho chane wöloni pöghet nko nangat, kokay nko kokay.