MATAYO 7:14 - PIPÏLIA

¹⁴ Wölo marich kukat akwaghïgh or nyo ipöy pich wölo mi söpon akï pich cho ngörï cho nyoru.

MATAYO 7:14 ပူးပေါင်းရင်းမြစ်များ

TUMWÖY 16:11

Iporwaninyi or nyo wetöy söpon, inyïghitaninyi ngörekyö otini ichinyi lekït, konanïn ewungu nyo pö tagh turönöt kokay. Saghata Daudi.

NGÖTÏNYÖ 8:20

Owestoghenan ara tïlilïn, ompö kwenu ortïna man,

ISAYA 30:21

Ato imastenyi or iwö ewu tagh anta nyo pö löt, ilïmenyi kut nyo mi lötungu nyo lentöy, “Anyï ore. Rïpa.”

ISAYA 35:8

Akïrumuno atoni or nyo wow, or nyo kïkuro, “Ara Tïlilyö.” Mewerönye chi nyo le sïmnyon aranoni, amepotyeghocha sölwöy aranoni.

ISAYA 57:14

Mwoghöy ECHOTYON lö, “Akanya kïmïlonchö piköchan wölo omïtan. Anateghena kïgh anka tïkwïl nyo kortoy chane.

YEREMIA 6:16

Lentöy ECHOTYON, “Oghyongenö ato keryama ortïna, atopöntö, atepa keporwok ara könyisyok nyo karam. Arïpakwa nyu aranoni topöghisyenö ompö kalya. Wölo kölö chane, ‘Ewo, mökïrïpechanye aranoni.’

MATAYO 20:16

Kuwany nyu Yeso kïmwa lö, “Kïlenyona, lïku pich cho pö lötï cho pö tagh, kïlïkwï cho pö tagh cho pö löt.”

MATAYO 22:14

Kuwany Yeso nyu kïmwa lö, “Chang cho kïkukuröy, wölo ngörï cho kïkïlöy.”

MATAYO 7:13

“Olïtö kukat nyo marich ompöwölo pöro kukat akï tapes or nyo itöy ngwen akï chang pich cho petöy aranoni.

MATAYO 7:15

“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.

MARKO 8:34

Atolapay kïkur Yeso tuyonay, kïmi nko kinetankachi akïlenchï, “Ato mököy chi anka tïkwïl kïrïpkanïn kïmïchini kïpïstö kegh akïkasan kimurtöwontenyi akïrïpanïn.

LUKA 12:32

“Amowöghisyö, okwotnï mïnïng, ompöwölo kacham Paponkwa nyo mi yïm kïkonokwa Pöyunötenyi.

YOANA 16:2

Yonenokwa chane kori saghat. Atökïpkonöy osiswö cho nonöy chi nyo pörokwa lö pöghisyechini nyinte Tororöt.

YOANA 16:33

Kanyaghan omwowokwa ngalechete atamukakwa osïkenö orinyan kalya. Onyorunekwa nyarïl ompö ngwïny. Wölo onyökönitu! Karïntan ngwïny!”

IGHISYEWUT 14:22

Kuchïchim kighönï cho kökikughan Yeso kughyö lasiny, akukil chane kïnam kighanatengwa. Kunet chane lö, “Weröy pich lapay cho ghönöy Yeso nyörilwok cho chang otete tökïsöpchot atökumï nyu kïlïtöy Pöyunöto Tororöt ompö osis cho pkonöy.”

RUMI 12:2

Marïp otöptino pipö ngwïnyinï, wölo nya kïwaghach Tororöt kinonutkökwo. Pköchokwa nyu atoni lö ne machata Tororöt, ankïtukwa kïgh nyo karam nyo ngörokini nyinte akï kïltït.

RUMI 9:32

Ekwompö ne köny tömönyorï? Ompöwölo kitwayta kegh chane ighisyewutkökwa nyo kötetwochto kegh kighanat. Kupïtyeghö nyu chane koghay pïtyegho pich,