MATAYO 6:5 - PIPÏLIA

⁵ “Akwotini osoghöy, makarkegh nko pich cho le lïsï, cho chömöy kïsoghöy kughyongo kori sowut nko wölo sochegho ortïna atökumï pich kïsïwa chane. Omwowokwa nyoman lö kikïnyorï chane ropöwontengwa.

MATAYO 6:5 ပူးပေါင်းရင်းမြစ်များ

TUMWÖY 5:2

Iter kutito riratenyan, nyi pöytoghintenyan aichï Tororötïnyan, ompöwölo nyi nyini osoghan.

TUMWÖY 55:17

Petöy lokechan nko rirutköchan wölo mi nyinte, tökwoghö nko pöghet nko nangat akïlïmöy nyinte kutinyan.

NGÖTÏNYÖ 15:8

Ghöchini ECHOTYON amöros pö mwokïyon wölo ngörökyini saghata pich cho tïlilöch.

NGÖTÏNYÖ 16:5

Ghöchini ECHOTYON chi nyo le menotyon, onkïtï nyo pö nyoman lö möchïwïtonye chichoni mungöt.

ISAYA 1:15

“Kïrkegh kosyolökwa ewunekwo parak ompö saghat, kïmelö orosokwa, kïrkegh kamwaghakwa sowut cho tya, kïmelö olïman, ompöwölo nyïghitate kisön ewunekwa.

YEREMIA 29:12

Okuranïkwa nyu atoni asaghanïn aterwokwa.

DANIEL 6:10

Nyini kilïm Daniel lö kikekir ngalechoni, kïwö konyi nyo pö parak akïyat tïrisyen cho kipörtoy Yerusalem, kïkïtïng akïsoghsyö kïnyïl sömök ompö asis akonga akïmwoghöy sörö ompö Tororötïnyi le ato keghöy su.

MATAYO 21:22

Akwoto oghönekwa, osïkekwa kïgh anka tïkwïl nyo osomekwa ompö saghat.”

MATAYO 23:13

“Heywey akwa koneti kirurut nko Parisaytin! Lïsï! Kakarekwa pich kuka Pöyunöto Yïm, amolïtekwanye akwane amopïsini ompö pikö walaka cho kömököy kïlïtöy. [

MATAYO 23:5

Ighöy ighisyewutkökwa löwïr lö tökïsïwa pich. Röto mötöwekwa nko ewunekwa angwoy cho kikikirchï Kirurut pö Tororöt akulach sïro cho koghöch akukarkar sïrokö lasiny!

MATAYO 23:6

Chömöy nyoman kumpuröy ngöcher cho pö konyït ompö wölo omisyegho pich cho echön akïchömöy ngöcherwo tagh ompö sinakokin

MATAYO 6:1

“Orip kegh moporï ighisyewutkökwo cho karamach cho pö saghat ompö tawu pich lö tökesïwak. Ato aghakwa lenyoni melö tonyorunekwa ropöwon ompö Paponkwa nyo mi yïm.

MATAYO 6:16

“Ato okïruröy, makany kïsilonchö tökochwekwo le lïsï, ompöwölo lisöy chane tokochwekwa atökïsïwa pich lö mi chane kïkïruröy. Omwowokwa nyoman lö kikïnyorï chane ropöwontengwa.

MATAYO 6:2

“Kïlenyona nyu, ato itö kïgh chi, itötö ompö sison mengalana, tömekarkegh nko pich cho le lïsï cho ighöy lenyoni ompö kori sowut nko ompö ortïna kanastin atökïkwol pich chane. Omwowokwa nyoman lö kikïnyorï chane ropöwontengwa.

MATAYO 9:38

Kïlenyona nyu, asagha Echotyonto ilö kïyonta pich kïpa kwilisyö.”

MARKO 11:25

Akwatoni koghyongökwa asagh, olöstoghchï chi anka tïkwïl nyo kölelwok, atökumï kïlöstowok Papongwo nyo mi yïm lelutkökwo. [

MARKO 12:38

Kunet chane ompö kinetutkachi lö, “Orip kegh koneti kirurut cho, chömöy kunisonchegho sïro cho koghöch, atökutakwesata pich chane, ompö donyö,

LUKA 11:43

“Ochech akwa Parisaytin! Omörokwa kong ngöcher cho töroröch ompö kori sowut acham ketakwesak ompö konyït ompö donyö.

LUKA 18:1

Kïmwochï Yeso asistanka kinetankachi körkeyïn nyo kinetöy lö, mïchini kïsagh osis löwïr, amömeghö mutïnö.

LUKA 18:13

Wölo kughyongö kwöghintonay pö surï otinöna, akimemïnye ntökïsyol tokochunyi kuros yïm. Atolapay kïwira morichi takat kosyochï kegh akïlö, ‘Syonchante Tororöt, ochan mwokïyon.’ ”

LUKA 20:47

Söro chane mïsïktin tïkukwa ompö lïs, atolapay kïsagh sowut cho koghöch tökelentöy karamach. Nyoru chane kirwok nyo wow tya.”

LUKA 6:24

Wölo ochech akwa cho ochï monkor otï le ye, ompöwölo konyorukwa ropöwontengwo.

YOANA 16:24

Tomönye osomökwa kïgh ompö kaynenyan nko nyete le ye, osomö atosïkö atökwitïta ngörekyenkwa.

EPESO 6:18

Asagha kïnomnyö ompö owesyo Mïkulögh nyo Tïlil. Osomö Tororöt kingarakat. Osyepisyenö moghochö, osoghchinö pipö Tororöt löwïr kïtenö osis

1 TESALONIKE 5:17

asagh Tororöt kïtenö osis,

YAKOPO 4:6

Wölo wow tya pöropchö nyo konu Tororöt, kïle wölay mwoghöy Kikirut lö, “Reyöy Tororöt pich cho le menot, wölo töni pöropchö pich cho tölose.”