MATAYO 6:30 - PIPÏLIA

³⁰ Wölo atö minöy Tororöt sus, cho nyörilöch ye akwasïyech kïyomö akepel, kïmemukönye nyinte tökulokwekwa sïro kïtïl? Heywey akwa cho mïnïng kighanata!

MATAYO 6:30 ပူးပေါင်းရင်းမြစ်များ

TUMWÖY 92:7

Kïrkegh kapit mwokïyis le sus akïnyorï perur pich cho le wökï, wölo kiwongöy chane lömïs,

MATAYO 14:31

Kughïtö Yeso ewunyi lenyini lawel akïnam nyinte, atolapay kïlenchï, “Wechï mïnïng kighanatengu! Kölö ne tetomtomönönyi?”

MATAYO 16:8

Kunkïtï Yeso wölini kimwoghtoy chane, kïtep lö, “Kölö ne tomölekwa kegh lö ompöwölo melö kakipucha makatin? Wechï mïnïng kighanatenkwa!

MATAYO 17:17

Kuyokyï Yeso chane lö, “Ne pïnta nyï mötïng kighanat akïchumpönote nya! Otöponan nko akwa nko oyï? Omïkukönan nko akwa nko oyï? Amïtuna montö yi omitan!”

MATAYO 8:26

Kïlenchï Yeso, “Ompö ne towöghisyenökwa? Akwa pïchï mïnïng kighanatenkwa!” Atolapay kïnget akuteghchï chepkiririnay nko mirtino pögh kïsisyö, kïsï nanamay lasay.

MARKO 4:40

Kïlenchï Yeso chane, “Kölö ne towöghisyenökwa? Motïngökwanye kighanat so?”

MARKO 9:19

Kuyokyï Yeso chane kïlenchï, “Ne pïnta nyï puryö kighanat, otöponan nko akwa nko oyï? Omïkukönan nko akwa nko oyï? Amïtuna nyinte.”

LUKA 12:28

Wölo atö minöy Tororöt sus, cho nyörilöch ye akwasïyech kïyomö akepel, kïmemukönye nyinte tökulokwekwa sïro kïtïl? Heywey akwa cho mïnïng kighanata!

LUKA 9:41

Kuyokyï Yeso chane lö, “Ochech pïnï masteghate mötïng kighanat. Otöponan amïkukön nko akwa nko oyï?” Atolapay kïlenchï chichay, “Mïtune werïngu yi.”

YOANA 20:27

Atolapay kïlenchï Tomas, “Tönö morïku yi airos morichan aighïtö ewungu aitatap karasunyan. Pïstenö tomtomönöt, aighan!”

EPRANIA 3:12

Orip kegh tupchenichu, tömötöp ntökïrumunö chi kwenunkwa nyo tïng mïkulögh nyo gha nyo puryö kighanat nyo ighöy nyinte ntökïpïstö Tororöt nyo söpöy.

1 PETRO 1:24

Kïle wölay mwoghtoy Kikirut lö, “Karkegh ptangengmöt nko suswon, akïkarkegh ororyenyi nko tapïka suswon. Silönöy suswon akïrörochö tapïkokachi.