MATAYO 6:24 - PIPÏLIA

²⁴ “Möminye chi nyo pöghisyechini echot odeny, ompöwölo töghöy anka kïcham anka, anta terchï nko anka kïsas anka. Momukekwanye topöghisyechï Tororöt nko mökosyö.

MATAYO 6:24 ပူးပေါင်းရင်းမြစ်များ

TOWUNÖT 47:17

Kïlenyona nyu kulïwchï pich Yosep twakwa, kutö Yosep chane omisyö, kyalta angoletin nko kechir nko tïch nko sïkïröy, kutö nyu chane omisyö könyinini kïtangogh nyo kyaltegha kyakikwa löwïr.

1 PÖYTOGHÏ 18:21

Kïwö Eliya wölini akïlenchï, “Otomtomönekwa nko oyï? Ato ECHOTYON kï Tororöt, asagh nyinte kïnyïl ato kö Paal arïp!” Wölo kïsisyö pïchay lapay.

2 PÖYTOGHÏ 17:41

Kikonyït nyu pïchoni ECHOTYON akïsagh körkeyïntin cho kipötöy, akïtökïmi monekwa kïsoghöy lenyoni nko ye.

ESEKEL 20:39

Kïlenyona lentöy Echotyon TORORÖT, “Ape nyu, we pipö Israel asaghatena körkeyïntinekwo kokay ato moterwanïkwanye. Wölo itïtoy ato melö tosïmnyonekwa kaynenyan ompö ropöwekwa nko körkeyïntin.

SEPANIA 1:5

Onyoran chi anka tïkwïl nyo pusöy pörkö akïsagh asis nko arawa nko kokel. Onyoran tïkwïl pich cho soghanïn akuwolwolsyö ompö kaynenyan, atolapay kuwolwolsyö ngat ompö kayna Molek.

MATAYO 4:10

Kuyokyï Yeso lö, “Wïyö Onyötonï! Ompöwölo kikikir lö, ‘Sagha Echotyon Tororötïngu aipöghisyechï nyinte onkït.’ ”

LUKA 16:11

Kïkany ye ato melö kighönokwa ompö sïkönöto ngwïnyinï, kï ngo nyu nyo ghönokwa ompö sïkönöto man?

LUKA 16:13

“Möminye mötworintö nyo pöghisyechini echot odeny, ompöwölo töghöy anka kïcham anka, anta terchï nko anka kïsas anka. Momukekwanye topöghisyechï Tororöt nko mökosyö.”

LUKA 16:9

Kulet tagh Yeso kïmwa lö, “Nyo omwokwa ye lö, oghchinö kegh kongotnön ompö sïkönöto ngwïny, nyo ato wonyö kïtachekwa Tororöt ompö söpon nyo pö kokay.

KALATIA 1:10

Omökan chömchin pö pich ye nya anta nyo pö Tororöt? Anta omukyinan oghöy pich kïngörekyö nya? Ntökaghan lenyoni kömelö kötolïkunan mötworinto Kristo.

1 TIMOTEO 6:17

Mwochinö pich cho le monkor ompö tïpö ngwïnyinï lö momen, amotö kikönötengwo tïkwïn cho tïkon ato kewonyö, wölo kutö wölo mi Tororöt nyini konu tïkwïn lapay ompö chongïn kengörekyeghenö.

2 TIMOTEO 4:10

Kicham Dema ngala ngwïnyinï akikïpïstanïn kïwö kutang Tesalonike. Kïwö Kreske kutang Kalatia, kïwö Tito kutang Dalmatia.

YAKOPO 4:4

Ne pikö chï meghönote! Monkïtökwanye so lö kenam kongot nko ngwïny, kï kakïlïkwï pung pö Tororöt? Anka tïkwïl nyo mököy kïnömöy kongot nko ngwïny, kï kegh kegh punyonto Tororöt.

YOSWÖ 24:15

Wölo ato mochömekwanye opöghisyechinö ECHOTYON akïl asisete lö ngo opöghisyechini, ato kö tororötinechay kipöghisyechini papotïnekwa ompö koro Mesopotamiya, anta tororötino pipö Amori chï omöngekwa korengwa, wölo ani nko katanyan opöghisyechinan ECHOTYON.”

1 SAMWEL 7:3

Kïlenchï Samwel pipö Israel löwïr, “Ato komïlonchekwa wölo mi ECHOTYON ompö mïkulögh akonga, anategha nyu tororötinechay le to nko Astarot* ompö kwenunkwa atang wölo mi ECHOTYON apöghisyechï nyinte onkït. Atökïsörunenok mori Pilisti.”