MATAYO 6:20 - PIPÏLIA

²⁰ Wölo ororchinö kaplawachtinekwo yïm wölo memuköcha rirïm anta köpumpï ntökuwur akïmemuköcha chorï ntökïwir akïchor.

MATAYO 6:20 ပူးပေါင်းရင်းမြစ်များ

ISAYA 33:6

akutö pich chïchïmat. Ghetöy pikachi osis löwïr akutö chane ngöghomnyö nko chïreryö. Kuwagh chane ECHOTYON kï kaplawachtangwa nyo wow.

MATAYO 19:21

Kïlenchï Yeso nyinte, “Ato imököy tetena, iwö iyalta tïkuku cho itïng aitö ropïyeni mey atesïkö kaplawach ompö yïm aingwïn irïpanïn.”

MATAYO 6:19

“Mororchï kegh kaplawachtin ompö ngwïny, wölo omo rirïm nko köpumpï akïwiröy chorï atökïchor.

MARKO 10:21

Kuros Yeso nyinte akïngölonchï nyo karam kïlenchï, “Köngötunyi kïgh akong, wïyö altena tïkuku lapay cho itïng aitö mey tenyorunö sïkönöt ompö yïm, atolapay ingwïn irïpkanïn.”

LUKA 12:33

Altena tïkukwo atotönö mey ropïyeni. Oyörchinö kegh mïlot cho melö wïrsot amörchï kegh kaplawachtin cho mewonyot ompö yïm wölo mönyorucha chorï antewur rirïm.

LUKA 18:22

Kïkany kïlïm Yeso lenyoni, kïlenchï, “Mi kïgh akong nyo mïchini ighanyi. Wïyö altena tïkwïn löwïr cho itïngetö aitö ropïyeni mey, telïkuna sïkön ompö yïm. Atolapay ingwïn irïpanïn.”

1 TIMOTEO 6:17

Mwochinö pich cho le monkor ompö tïpö ngwïnyinï lö momen, amotö kikönötengwo tïkwïn cho tïkon ato kewonyö, wölo kutö wölo mi Tororöt nyini konu tïkwïn lapay ompö chongïn kengörekyeghenö.

1 TIMOTEO 6:19

Ato igh lenyoni rorchini chane kegh kaplawach chïchïmo chane ompö osis cho tökïpkonöy atö kïnyorï söpon pö man.

EPRANIA 10:34

Kyaghamakwa nyarïl nko pich cho kikïrat. Otini kimasenokwa pich tïkukwo, opïstekwa ompö ngörekyö, ompöwölo kyonkïtökwa lö, otïngetekwa tïkwïn cho karamach tya ompö yïm akï tïkwïn cho tïpiyot kokay.

EPRANIA 11:26

Kisïwa lö kaykay tya kuwongwï chi nko Kristo* kïsir kenyorï monkornöno koro Misri kïmïkul ompöwölo kimi kukönöy ropöwon nyo mi tagh.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

1 PETRO 1:4

nka nyoni ye kïmitecha kerosöy tagh tökenyorunö kisoyönut pö Tororöt cho echön cho kirorchï nyinte pikachi. Körorwokwa nyinte tïkuchoni ompö yïm wölo mönïnsocha amöwïryocha anta payta nyonikïny.

1 PETRO 5:4

Akwato itï Mösöwonte nyini Wow, onyorukwa nyu tenta ororyö nyo mepoytonye.

NGONGUT 2:9

Onkïtön nyörilwokökwa nko chopatengu, wölo ichinyi sïkön, ankïtön ngalechoni ghach ngöloneninyi pich cho lentöy kïchï pipö Yaudi amenkacha, pö chane Onyöt!