MATAYO 6:16 - PIPÏLIA

¹⁶ “Ato okïruröy, makany kïsilonchö tökochwekwo le lïsï, ompöwölo lisöy chane tokochwekwa atökïsïwa pich lö mi chane kïkïruröy. Omwowokwa nyoman lö kikïnyorï chane ropöwontengwa.

MATAYO 6:16 ပူးပေါင်းရင်းမြစ်များ

2 SAMWEL 12:16

Kïsagh Daudi Tororöt ompö monïngay akïkïrur, kiwö nangat anka tïkwïl konyi akumelmel kïyech.

2 SAMWEL 12:21

Kïtep yetïntinechi nyinte lö, “Ne kitö nyï keghanyi? Kilokanyi aitagh omisyö ato kisöpöy monïngay, wölo nyini kima montö ingetanyi aiyomisyö.”

1 PÖYTOGHÏ 21:27

Otini kiwany Eliya kïngalan, kïkarer Aap sïrokachi akïngwïs akulach sarankwachtin. Melö kitökwomisyö atoni wölo kisïch nyarïl nyo wow.

NEEMIA 1:4

Otini kyalïman ngalechoni, otöpan ngwïny alok, asönön osis cho te, akïrur asoghöy Tororöt

ESTA 4:16

“Wïyö ghamïta pipö Yaudi löwïr cho mi Susa akïrur asoghwante. Momisyö amegheghsyö nyonikïny osis sömök, pöghet nko nangat. Okïruran tïkwïl nko tipïn cho pöghisyewanïn. Nyini kewonyö osiswechoni, owan nyu wölo mi pöytoghintö, kïrkegh melö köchömu kirurut. Ato kameghan ameghan.”

TUMWÖY 109:24

Porporyot kutïngöyichan ompö kïrurat, kyachankwïlan alïkwï ko kwïle.

TUMWÖY 35:13

Wölo otini kikösisyote chane arwakan möt, achopan kegh kong ompö kïrurat awirchan kegh ngwïny,

TUMWÖY 69:10

Kisasanïn pich, otini kyamïnïngitan kegh akïrur.

DANIEL 9:3

Asaghan nyu Echotyon Tororöt, arirchini nyinte akïruröy, alakan sarankwachtin, atöpan aryon kuporï kötogh.

MALAKI 3:14

Otï kamwaghakwa lö, ‘Kwïle nyoman kepöghisyechï ECHOTYON. Nyiwu ne kegh kïgh kïrïp kegh nko kirurut pö ECHOTYON Kimuktoghin ata kelokyotö kuporï lö kikelelacha ompö tawunyi?

MATAYO 6:1

“Orip kegh moporï ighisyewutkökwo cho karamach cho pö saghat ompö tawu pich lö tökesïwak. Ato aghakwa lenyoni melö tonyorunekwa ropöwon ompö Paponkwa nyo mi yïm.

MATAYO 6:2

“Kïlenyona nyu, ato itö kïgh chi, itötö ompö sison mengalana, tömekarkegh nko pich cho le lïsï cho ighöy lenyoni ompö kori sowut nko ompö ortïna kanastin atökïkwol pich chane. Omwowokwa nyoman lö kikïnyorï chane ropöwontengwa.

MATAYO 6:5

“Akwotini osoghöy, makarkegh nko pich cho le lïsï, cho chömöy kïsoghöy kughyongo kori sowut nko wölo sochegho ortïna atökumï pich kïsïwa chane. Omwowokwa nyoman lö kikïnyorï chane ropöwontengwa.

MARKO 2:18

Kimi ato kikïruröy kinetanpa Yoana Kipatisanin nko cho pö Parisaytin. Kïpa pich wölo mi Yeso akïtep lö, “Ompö ne tökïkïruröy kinetanpa Yoana Kipatisanin nko cho pö Parisaytin melö kïruröy cheku?”

LUKA 18:12

Okïruran kïnyïl odeny ompö wïki, akoninyi kareranpa taman cho pö tïkuchan löwïr cho onyoru.’

LUKA 2:37

akwato mi löt kïlïkwï mïsïk ntökwit könyis 84. Wölo kimöpïstönye Kö pö Tororöt, kisagh nyinte Tororöt pöghet nko nangat, ato kikïruröy nyinte.

IGHISYEWUT 10:30

Kïlö Kornelio, “Kyomitan osoghöy ompö konyu, atotenö ye satïn mut nko angwan. Kughyongö chi tawunyan nyo kiloköy sïro cho kwerkwersot,

IGHISYEWUT 14:23

Akwotini kiwany kwomtoy kïkïlchï poy kanisa anka tïkwïl akïsagh, kïmi nko kïrurat akutö chane mori Echotyon, nyo kökikughan chane.

1 KORINTO 7:5

Matagha kegh mantangwo, kïpoto ato anyaghakwa ochomnyechï agh lenyoni ompö osis cho ngörï atonyorunö pöroyïn nyo osogho. Atolapay otuyö ngat atömopïsyï Onyöt kïtyamak ompö nyörkölelyengwo.

2 KORINTO 11:27

Kyopöghisyan awongwï kïnyïl cho chang. Kyowestan akimonyorwanye rïwön kïnyïl cho chang. Kyamanïn kömöy nko maral, akïruran kïnyïl cho chang, ampur wölo kaghït amotïng sïra.

2 KORINTO 6:5

Kakïmungecha aketorchecha chela, kakïchilecha ompö tawu pich, kakitungenecha ighisyewut kyoghochenö akepa kïpuryö rïwön anta omisyö.