MATAYO 5:7 - PIPÏLIA

⁷ Soyönote pich cho syonchini pich, ompöwölo syonchini Tororöt chane!

MATAYO 5:7 ပူးပေါင်းရင်းမြစ်များ

2 SAMWEL 17:28

Akwipchï pöröyon nko otupöy nko tören nko nkanun nko matay nko pïsya nko pagh cho kakïkel nko kunten nko denkun

2 SAMWEL 22:26

Iporchinenyi pich cho ghönote ichinyi ghanate, iporchinyi kitenat chane cho tenote.

TUMWÖY 112:4

Löpochini pich cho tenote ompö tuwïn le kitömöwon, tïng ECHOTYON kisyonöt nko pöropchö nko man.

TUMWÖY 112:9

Korkoröy ewunyi kïpögho tïkuchi mey, töpo mantanyi lenyoni kokay, kïsyolo owesyenyi konyït kokay.

TUMWÖY 18:25

Iporchinenyi pich cho ghönote ichinyi ghanate. Iporchinyi kitenat chane cho tenote.

TUMWÖY 37:26

Pöghöy pich kïnomnyö akïpösöntoy tïkuchi, ipu monechi kisoyönöt.

NGÖTÏNYÖ 11:17

Ipchini kegh tösunöt chi nyo talase, wölo nyörilöy portanyi nyo kolkol.

NGÖTÏNYÖ 11:25

Sïkönonöy chi nyo le pöropchon akï chi nyo töni chi pögh, ketöni nyinte tïkwïl.

NGÖTÏNYÖ 14:21

Mwokïyon chi nyo sösöy pöröryenyi wölo soyönote chi nyo syonchini mey.

NGÖTÏNYÖ 19:17

Pösönchini ECHOTYON chi nyo syonchini mey, akïghokchini ECHOTYON nyinte ompö ighisyenyi.

ISAYA 57:1

Meghsot pich cho karamach akï möminye chi nyo nkïtu anta sïnga nyonikïny. Wölo otini kömeghö chane, kïmelö mito kiwurata nyo ngwonchini chane.

DANIEL 4:27

Kïlenyona, we pöytoghin, rïpa kirurutyenyan. Pïstenö ngokï aigh man aisyonchï pich kikïpïr. Töptoy ana ketösunyi osiswo pöghisyö.”

OSEA 1:6

Kïsïkisyö Komer ngat akïyï cheptö, kïlenchï ECHOTYON Osea, “Kurenö kaynenyi, ‘Nyo Mökisyonchï,’ ompöwölo melö tosyonchinan ngat pipö Israel, anta olöstoghchï chane.

OSEA 2:1

Kïlenyona, okurenö nyu werkökwo pipö Israel, “Pipö Tororöt,” akurö, “Chamanpa ECHOTYON.”

OSEA 2:23

Oghan pikachu kïmang korononi, akïtösisyö. Osyonchinan chane cho “Melö kisyonchini,” aghan chichan cho kikiyitöy lö, “Melö piköchan.” Yoku nyu chane kïlentöy, “Ichinyi Tororötïncha.”

MIKA 6:8

Ewo, melö lenye nyoni we ptangengmöt. Kïgh nyo mökenecha ECHOTYON kï nyï: kegh man akeparta chomnyogh nyo mamïnïng, akemïnïngityï kegh Tororötïnyo.

MARKO 11:25

Akwatoni koghyongökwa asagh, olöstoghchï chi anka tïkwïl nyo kölelwok, atökumï kïlöstowok Papongwo nyo mi yïm lelutkökwo. [

LUKA 6:35

Wölo achama punkökwo aghchï chane nyo karam, opösöntenö amokön kïgh. Ato aghakwa lenyoni, kïwow ropöwontenkwa alïkunekwa nyu monïngo Tororöt nyo Töror Tya. Ompöwölo ighchini nyinte nyo karam pich cho meyoktoy sörö nko mwokïyis.

RUMI 11:30

Kïkany akwa pipö punton cho kyotighintönchikwa Tororöt osiswechanya pö tagh wölo kyonyorukwa ye nyu kisyonöto Tororöt ompöwölo kïlïkwï pipö Yaudi tighï.

1 KORINTO 7:25

Motïngetanye ye nyu kichiköt nyo ngwïno wölo mi Echotyon ompö kor cho kïltït nko mïsïktin, wölo okonunan kinonutyenyu ante nyo kakusyonchï Echotyon alïkwï chi nyo kighönöy.

2 KORINTO 4:1

Kïlenyona nyu, ompöwölo kakusyonchecha Tororöt akïkonecha ighisyonï, kemitecha kekilöy kegh.

EPESO 4:32

Osyonchinö kegh, alöstoghchï kegh lelutkökwo le wölo kilöstowekwa Tororöt ompö Kristo.

KOLOSAY 3:12

Ochikwa ye pipö Tororöt, kichamakwa nyinte akïkïlakwa alïkuna pikachi kegh. Kïlenyona, olokyinö kegh tïkuchï: kisyonöt, köromnyö, ipöto kegh ngwïny, tölosyö nko mïkukönöt.

1 TIMOTEO 1:13

kïrkegh ato le tagh kyochïpön nyinte achop kong amwagh. Wölo kisyonchanïn Tororöt ompöwölo kitomönye osïkön kighanat, nyo kimonkïtönye kïgh nyo kyoghöy.

1 TIMOTEO 1:16

Wölo kisyonchanïn Tororöt atökuporï Kristo Yeso mïkukönötenyi nyo wow ompö ani, nyo ochï mwokïyon nyo gha kïsir. Lïku nyoni körkeyïn nyo pö pich lapay cho ghönöy nyinte ato le asïyech atökïtach söpon pö kokay.

EPRANIA 4:16

Kerikyinö nyu ngacharu Tororöt nyo pö ororyö ompö nyakanat, atökenyorunö pöropchö. Kïsïkonecha nyinte kisyonöt nko pöropchö nyo ngörokecha ompö asispa machat.

EPRANIA 6:10

Pö man Tororöt nyo möwutyeghonye ighisyenkwa nyo pö chomnyogh nyo kyaghakwa ompö kaynenyi, ompö kingarakat nyo kyoghchikwa pipö Kristo akïtomitenökwa oghchine chane.

YAKOPO 2:13

Ompöwölo ato rwokyini Tororöt pich mesyonchininye chi nyo mötïngnye kisyonöt. Wölo rïntoy kisyonötö kirwok.

YAKOPO 3:17

Wölo nyo pö tagh, ngöghomnyö nyo ngwïno yïm kï tïlil, tïng kalya. Talase, teröy ngal akïyongöy pich. Tïngeto kisyonöt nyo wow akuyinu akwa cho pö ighisyewut cho karamach. Mötïngnye kïltagh anta lïs.

1 PETRO 2:10

Kimi ato kimochikwanye pich, wölo kalïkukwa ye pipö Tororöt, akimi ato kimonkïtökwanye lö ne kisyonöto Tororöt, wölo katakakwa ye kisyonötenyi.