5 Soyönote pich cho tölose, ompöwölo mïlöy ngwïny.
Syolöy ECHOTYON pich cho kïpïröy, wölo wirchini mwokïyis ngwïny.
Yömöy ECHOTYON pikachi, töni rïntagh pich cho tölose.
Omisïyi meyï akïpïghyö lasiny, pich cho pkonchini ECHOTYON kïsölöy nyinte. Nya kïnyorï chane perur kokay.
Nyoru chichoni perur akïmïlöy monechi kor.
Ntöghoghchini cho tölose kïrïp orenyi akunetöy nyinte chane machatenyi.
Nyoru pich cho tölose kor akïngörökyï pöghisyö.
Mïlöy pich cho kakusoyön ECHOTYON kor, wölo kïpïstoy pich cho kikïchïp nyinte.
Mïlöy pipö man kor akïmang wölini kokay.
Könö ECHOTYON airip kirurutkachi atökïkonyïtïn nyinte akïkonïn kor, atesïwena lö kitulöy mwokïyis.
Kipïstoy mwokïyis, wölo nyoru pich cho könöy ECHOTYON kor.
Nya kïsïwa pich cho kichopöy kong akïngörekyö akukil kegh cho soghöy Tororöt,
wölo rwokyini mey ompö man akïtiwu pich cho memuktocha kegh. Mungöy ngölyontenyi pipö ngwïny otini kangalan, akïpar mwokïyis ngalanatenyi.
Tösöy ngörekyengwa pich cho tölose nko cho le mey nyo töni ECHOTYON Tororöt pö Israel nyo Tïlil.
Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.
Kenyïghitanïn Echotyon TORORÖT Mïkulöwunyi. Kakïlanïn nyinte akïyontanïn opchï mey lökoy cho karamach, asop cho kimeghö mïkulis, amwatïta kityakata pich cho rötote nko kityakat nyo pö pich cho mi chela,
Ayara ECHOTYON wey, akwa cho ochï tölose, akwa cho orïpöy kirurutkachi. Agha man, ap kegh ngwïny. Töptoy ana ochïwïtyonekwa mönyorwok sito ECHOTYON asispa nörekyenyi.
Ki chi Musa nyo kitalas kïtïl pich löwïr cho kimi ngwïny.
Akanagha kat mchokinyan, anetenanïn kegh, ompöwölo ochan talase, apan kegh ngwïny, atosïkö kimïny ompö söponwekwo.
“Lenchinö kanasyanta Sayon,* Anyona pöytoghintengu ngwïnchininyi. Talase akungwïno sïkïryö, nko wawa sïkïryö nyo mïnïng!”
Otini kiyomis Tororöt Apraam nko monechi lö pöyitu chane ngwïnya, kï kigh lenyoni melö pat ompöwölo kikikïrïp nyinte kirurut, wölo ompöwölo kighan nyinte Tororöt. Akwompö kighanatenyi, kuyityï Tororöt nyinte man ompö tawunyi.
ipöto kegh ngwïny nko pïröto kegh. Möminye kirurötö nyo töghöy ngalechoni.
Alïkuna pich cho opöy kegh ngwïny, pö cho tölose, pö cho mïkukönöy. Otighö kegh ompö chomnyogh ompö ara kingarakata kegh.
Ochikwa ye pipö Tororöt, kichamakwa nyinte akïkïlakwa alïkuna pikachi kegh. Kïlenyona, olokyinö kegh tïkuchï: kisyonöt, köromnyö, ipöto kegh ngwïny, tölosyö nko mïkukönöt.
Wölo nyi, chi pö Tororöt malena kegh ngalechoni löwïr airïp ara man aikonyït Tororöt. Nama kighanat nko chomnyogh nko mïkukönöt nko tölosyö.
Mïchini tïkwïl kïlïkwï chi nyo porchini man ompö tölosyö pich töghöy ngalechi, ompöwölo töptoy töni ana Tororöt chane pöroyïn kïlasta ngokikwa akunkïtï man.
Imwochï chane tömöngalana chi anka tïkwïl nyo gha, wölo kilïkwï pipö kalya, cho tölose, cho porchini pich lapay otöp nyo karam.
Kïlenyona nyu, omötenö otöp anka tïkwïl nyo le sïmnyon nko otöptin löwïr cho ghach. Atacha ompö rïngata kegh ngölyontonay kikinetakwa akï nyo muköy kïsöru mïkuliskökwa.
Ekï ngo köny ompö akwa nyo ngöghom akï chïrer? Akanya kuporï nyinte lenyoni ompö otöptanyi nyo karam nko ighisyewutkachi cho ighöy ompö tölosyö nko ngöghomnyö.
Wölo okonyït Kristo* le Echotyon ompö mïkuliskökwo. Otïpï kïpsach kïtenö osis omwochï lasiny chi anka tïkwïl nyo tepokwa ngölyon kïrïp kegh nko kikönöt nyo mi orinkwa.
Wölo nya kïpöyit pïchighyenkwa nyo pö ori, pïchighyö nyo möwïrönye nyo pö mïkulögh nyo talase akï nyo pö kalya akï nyo pö olyot nyo wow ompö tawu Tororöt.
