MATAYO 5:28 - PIPÏLIA

²⁸ Wölo omwowokwa ye nyu lö chi anka tïkwïl nyo rosöy korka ompö pïrchin, kï kikwigh cheporesnan tïkwïl.

MATAYO 5:28 ပူးပေါင်းရင်းမြစ်များ

TOWUNÖT 34:2

Nyini kisïwa Syekem wero Amor nyo kile chi pö Ipiti, aki nyinte nyo kirwokyini korononi, kïnam chepay akïpatal nyinte ompö owesyö. Kïlenyona, kutö arasï nyinte.

2 SAMWEL 11:2

Kïngeta Daudi kö nyo kimungo ato kile mönon akïwesteghö konyi wölo le parak, kïsïwa korka nyo pïchigh nyo kiwunöy kegh.

AYUPU 31:1

“Kyaman muma nko konyichan, kyamwaghan lö mopïrchinanye työ.

AYUPU 31:9

“Ato kipïrchï mïkulöwunyan koko chi arïmuman ompö kiror osyep kuketo pöröryenyu,

TUMWÖY 119:96

Kosöwan lö tïng kïgh anka tïkwïl rotyenyi, poto kinetutköku cho puryö rotyot.

WUWÖT 20:17

“Mepïrchï koto pöröryengu anta korkenyi anta mötworintenyi anta edanyi anta kyakichi anta kïgh anka tïkwïl nyo tïng nyinte.”

NGÖTÏNYÖ 6:25

Mekany kïmïl mïkulöwungu pïchighïntanyi anta ikany kïwalenin konyichi.

ESEKEL 23:16

Nyini kisïwa pich kwïle, kïcham nyoman, kïyonta kut wölo mi chane ompö Papilonia.

LAWIN 18:20

Amerï nko korketo pöröryengu isïmnyon kegh nko nyinte.

MATAYO 15:19

Ompöwölo pkono mïkulöwu chi kinonut cho ghach cho lata pörchö nko cheporesnan nko chorsyö nko söwintöno putintön nko semsem.

MATAYO 5:22

Wölo omwowokwa nyu ye lö, chi anka tïkwïl nyo nörekyini werïngwa, kepöy kokwö,* akwanka tïkwïl nyo kuro werïngwa sölwö, kuroko kewirchï mapa kokay.

MATAYO 5:39

Wölo omwowokwa ye nyu lö, metak ato iwun chi nyo gha. Ato rapakïn chi lalapka okumpö tagh, iwöghökyï okumpö löt.

RUMI 7:14

Kinkïtöcha lö, Kirurut pö Tororöt kï pö mïkulögh, wölo ochan ptangengmöt nyo kikyelta kïlïkwï sekeyonto ngokï.

KINONO KIRURUT 22:22

“Ato kïnyorï chi nyo rïwöy nko koko chi ketïghöy chane kwodeny. Aranoni nyo omukekwa onoteghone ghöyityö ompö kwenunkwa.

2 PETRO 2:14

Möminye kïgh anka nyo mököy chane kurosöy kïpoto kor cho le cheporestin tïng maral nyo pö ngokï nyo mewonyotnye. Kïnkïnöy chane pich cho nyörkölöl ompö kighanat ntökïlïtöy ngöghöpu ngokï. Kikïnagh mïkuliskökwa kïpïrchï mökosyö. Chïpöte pïchoni.

1 YOANA 2:16

Tïpö ngwïnyinï lapay cho lata pïrchintino por cho ghach nko tïkwïn cho sururchini konyi pich akïpïrchï nko kïgh anka tïkwïl nyo mi ngwïnyinï nyo kwolo kegh pich tya, kïmengwïnonye nyo le ompö akonga ompö choni wölo mi Papo. Pö tïkuchoni löwïr ngwïnyinï.