MATAYO 5:18 - PIPÏLIA

¹⁸ Ompöwölo omwowokwa nyoman lö, weröy yïmö nko ngwïny nyo mötïny, wölo mewerönye ompö kemeryanta kite nyo pö kirurut ntökïtenö kïpïntö tïkwïn löwïr.

MATAYO 5:18 ပူးပေါင်းရင်းမြစ်များ

TUMWÖY 102:26

Weröy choni, wölo ingötunyi, wïryot chane le sïro aiwirtonenyi chane le sïrochoni akupotyö chane lö weng.

TUMWÖY 111:8

akï pö kokay nko kokay akikïkonï ompö man nko kitenat.

TUMWÖY 119:152

Kegh ato kyanetan kegh kirwokutköku, lö kighanyi kïtïpïyö kokay.

ISAYA 40:8

Silonchot suswö nyoman, poto ngölyonto Tororöt nyo ngötu kokay.”

ISAYA 44:26

Wölo atongor kïgh mötworintenyan, ato kayontan chi kïnganyta tötutköchan, oghan ngalechoni nko tötutkö kïpïntö nyo mötïny. Omwochinan ante Yerusalem lö, ‘Möngöy pich ngat oringu,’ amwochan kanastina Yuda lö, ‘Kïtekokwa ngat kïrkegh kö kyowïryekwa.’

ISAYA 51:6

Otopöne köny wölnö le yïm, aros ngwïny, weröy yïmö le kapuret, kuwer ngwïnya le sïra nyo kawïr, akuwonyot pikachi lömïs le kolyong. Wölo töpo sörunötö nyo opunan kokay, amöngötönye ghetunötö nyo opunan.

MATAYO 10:15

Omwowokwa nyoman lö, syonchini Tororöt asispa kirwok tya pipö Sodoma nko cho pö Komora, kïsir piko kanasyantanoni!

MATAYO 10:23

Kïkany kunyarilakwa pich kong ompö kanasyan akonga, oryöghchï kanasyante anka. Omwowokwa nyoman lö mowongekwanye ighisyewutkökwo löwïr ompö kanastina Israel kïmïkul kïtomö kïmïla Wero Chi.

MATAYO 10:42

Akwanka tïkwïl nyo töni kikompo pögh cho köghïte akonga ompö rïpankachan chete mïnkech, ompöwölo rïpanïn nyinte, kïnyoru ropöwontenyi nyo mötïny.”

MATAYO 11:11

Amwowokwa nyoman lö, möminye chi nyo kikïpusï ompö monïng cho kiyï korï nyo wow kïtïl Yoana Kipatisanin, wölo chi anka tïkwïl nyo kiyitöy lö mïnïng tya ompö Pöyunöto Yïm, kï wow kïtïl nyinte.

MATAYO 13:17

Omwowokwa nyoman lö kimököy werkoy cho chang nko pipö man lö tökïsïwa tïkuchï osïwïyekwa, wölo melö kïsïwa chane akïlö tökïlïm ngalechï olïmekwa, wölo melö kilïm chane.

MATAYO 16:28

Omwowokwa nyoman lö mi pich yeteyi cho melö sïwïyi meghat ntökïtenö kïsïwa Wero Chi kungwïnöy ompö Pöyunötenyi.”

MATAYO 17:20

Kuyokyï Yeso chane lö, “Ompöwölo mïnïng kighanatenkwa. Omwowokwa nyoman lö ntökotïngetekwa kighanat nyo tenö kösïghyonto ket pö aradali kötomukekwa olenchinö kutïngï, ‘Ngetena yi aiwö atara,’ kötöngetöy akömökïminye kïgh nyo memukonye ompö akwa. [

MATAYO 18:18

“Omwowokwa nyoman lö kïgh anka tïkwïl nyo orötokwa ngwïny, keröto yïm akï kïgh anka tïkwïl nyo otyokokwa ngwïny, ketyoko yïm.

MATAYO 18:3

atolapay kïlö, “Omwowokwa nyoman lö ato mowöghökisyekwanye akarkegh nko monïng cho mïnkech, kïmolïtekwanye Pöyunöto Yïm nyonikïny.

MATAYO 19:23

Kïlenchï Yeso kinetankachi, “Omwowokwa nyoman lö aghïgh tya ompö sïkön kïlït Pöyunöto Yïm.

MATAYO 19:28

Kïlenchï Yeso chane, “Omwowokwa nyoman lö ato ngwïn Wero Chi kïtöpö ngacharunyi pö paytagh ompö ororyenyi ompö kor nyo rel, apkanakwa nyu cho orïpanïn kï taman nko odeny ompur tïkwïl ngöcherwo paytagh arwokyï ortïna pipö Israel kïtaman nko odeny.

MATAYO 21:21

Kuyokyï Yeso chane lö, “Omwowokwa nyoman lö ntökotïngetekwa kighanat nyo möminye tomtomönötö, kötomukekwa oghe le nyete kaghan akïmönyoninye onkït, kötomukekwa ompö ntölenchï kutïngï, ‘Ngeta aiwirchï kegh nanam,’ kötö igho lenyoni.

MATAYO 21:31

Ngo nyu nya werchï kwodeny nyo kigh machata kwanta?” Kuyokyï lö, “Nyay pö tagh.” Kïlenchï Yeso, “Omwowokwa nyoman lö nyoghöy kïlïtöy kwöghi surï nko cheporestin Pöyunöto Tororöt kïtïlekwa.

MATAYO 23:36

Nyo omwowokwa nyoman lö nyoru sitöt pïnete ompö ngalechoni löwïr!

MATAYO 24:2

Kuyokyï Yeso lö, “Osïwïyekwa teksyonete kïmïkul nya? Omwowokwa nyoman lö möminye kagh ompö akonga nyo kïpïsyini kughyongo parakuto kada anka, kïwirchini ngwïny löwïr.”

MATAYO 24:47

Omwowokwa nyoman lö töni echotyontenyi mötworintononi kughyongchï tïkuchi löwïr.

MATAYO 25:12

Kuyokyï chichay pö kensyö lö, ‘Omwowokwa nyoman melö onkïtokwa.’ ”

MATAYO 25:40

Yokyini nyu pöytoghintonay chane lö, ‘Omwowokwa nyoman lö kïgh anka tïkwïl nyo kyoghchikwa akonga ompö werköcha chï mïnkech, kï kyaghwanïkwa!’

MATAYO 25:45

Yokyini nyu pöytoghinto chane lö, ‘Omwowokwa nyoman lö, le wölini kyataghakwa oghchinö ngalechoni akonga ompö monechï mïnkech, kï kyataghakwa oghwanïn.’

MATAYO 5:26

Omwowunyi nyoman lö mengetunonyinye wöloni ntökïtenö ghaktenanyi ompö nyo le sentöyon.

MATAYO 6:16

“Ato okïruröy, makany kïsilonchö tökochwekwo le lïsï, ompöwölo lisöy chane tokochwekwa atökïsïwa pich lö mi chane kïkïruröy. Omwowokwa nyoman lö kikïnyorï chane ropöwontengwa.

MATAYO 6:2

“Kïlenyona nyu, ato itö kïgh chi, itötö ompö sison mengalana, tömekarkegh nko pich cho le lïsï cho ighöy lenyoni ompö kori sowut nko ompö ortïna kanastin atökïkwol pich chane. Omwowokwa nyoman lö kikïnyorï chane ropöwontengwa.

MATAYO 8:10

Otini kilïm Yeso lenyoni, kïtöngönchï nyoman akïlenchï pïchoni kirïpöy nyinte, “Omwowokwa nyoman lö, tomönye osöchan chi koro Israel nyo tïng kighanat nyo lata nyï.

MARKO 10:15

Omwowokwa nyoman, lö chi anka tïkwïl nyo mötochönye Pöyunöto Tororöt le monïng kïmölïtönye wöloni nyonikïny.”

MARKO 10:29

Kïlenchï Yeso, “Nyoman wölo mwowokwa lö chi anka tïkwïl nyo köpïstö konyi, anta werkökwa, anta tipikwa, anta kwanta, anta kame, anta monechi anta parenichi kïpïsteghenanïn nko Lökoyechï Karamach,

MARKO 11:23

Omwowokwa nyoman lö, ato lenchï chi kutïngï, ‘Ngöwunö kegh aichoghchï kegh nanam.’ Amötomtomönönye ompö mïkulöwunyi, aghan lö, igho kïyoni lenyini, keghchini nyinte.

MARKO 12:43

Kïkur kinetankachi akïlenchï, “Omwowokwa nyoman lö, ketö kokonï le mïsïk cho chang kïtïl pïchï lapay ketö kerpes santuku ropïyen,

MARKO 13:30

Amwowokwa nyoman lö, mewerönye pïnete kïtomö kwitïta ngalechï löwïr.

MARKO 14:18

Akwotini kimi chane kwomisïyi, kïlö Yeso, “Omwowokwa nyo pö nyoman lö, wïchtonanïn chi akong ompö akwa, lïku nyinte nyo omisïyi nko ani.”

MARKO 14:25

Amwowokwa nyoman lö, “Mogheghanye ngat dipay* ntökwitïta asisoni ogheghan dipay cho relach ompö Pöyunöto Tororöt.”

MARKO 14:30

Kïlenchï Yeso Petro, “Omwowunyi nyoman lö, kïtomö kïwach kïrpö kokoroch kïnyïl odeny itiyonaninyi kïnyïl sömök.”

MARKO 14:9

Omwowokwa nyoman lö, kinonöy kïyï, kegh kokonï ompö ngwïny kïmïkul ato kyomtoy Lökoyechï Karamach kenono nyinte.”

MARKO 3:28

“Omwowokwa nyoman lö, kïlöstoghchini pich ngokï löwïr nko kimwaghat anka tïkwïl nyo mwoghsïyi.

MARKO 6:11

Kaw anka tïkwïl nyo machamakwanye pich anta ter ngalekwa, apegha atoni aparta terïtyon ompö kelyekwo, kïlïku söwintön ompö chane!”

MARKO 8:12

Kïsönön Yeso ompö ngwonïn akïlö, “Ompö ne tökïmöröy pïchï pö osiswechï kiporunöt? Omwowokwa nyo pö nyoman lö möminye kiporunötö nyonikïny nyo pïchete.”

MARKO 9:1

Atolapay kïlenchï Yeso chane, “Omwowokwa nyo pö nyoman lö mi yeteyi pich cho te cho mömeghsotcha kïtomö kïsïwa Pöyunöto Tororöt kungwïnöy ompö owesyö.”

MARKO 9:41

Omwowokwa nyoman lö chichona konokwa pögh ompöwölo opoyekwa Kristo.* Kïnyoru ropöwontenyi nyo mötïny.

LUKA 11:51

kïngeta kepar Apel ntökïtenö kepar Sakaria nyo kikïpörchï kwenu Kö pö Tororöt* nko ato kïpelo köröstin. Omwowokwa nyoman lö, kitöko pïnete pïchoni.

LUKA 12:37

Ngörechot mötworichoni otini ketï echotyontengwa, kupenï chïkonchot. Nyo pö nyoman ngetöy, echotyon nyo lata nyoni akulach sïrochay pö akuporchï chane wölo kumpuröy atolapay kïpagh chane.

LUKA 13:35

Kïlenyona, kökïpïstö kanasyantengu nko kö pö saghat kïlïkwï kïratyan. Amosïwïyanïkwanye ngat ntökïtenö olekwa, ‘Nya kusoyön Tororöt nyinte nyini ngwïnöy ompö kaynata Echotyon.’ ”

LUKA 16:17

Wölo kwïskwïs tya kuwer yïmö nko ngwïny, kïtïl kengongoghta kemeryan nyo le kite nyo pö kirurut.

LUKA 18:17

Omwowokwa nyoman lö, chi anka tïkwïl nyo mötochönye Pöyunöto Tororöt le monïng nyo mïnïng, kïmölïtönye wölini.”

LUKA 18:29

Kuyokyï Yeso lö, “Nyoman omwowokwa lö, chi anka tïkwïl nyo pïstoy katanyi anta korkenyi anta werkökwa anta yiyichi anta monechi ompö Pöyunöto Tororöt,

LUKA 23:43

Kïlenchï Yeso, “Omwowunyi nyoman lö, ingwïnenyi nko ani asisete paradiso.”

LUKA 4:24

Kïlenchï Yeso omwowokwa nyoman lö, “Möminye werkoyontö nyo kïchömuno kanasyanteto katanyi.

YOANA 1:51

Atolapay kïlenchï pïchay, “Omwowokwa nyoman lö, osïwïyekwa kïyoto yïmö akïpusöy malaykeni Tororöt akïrökyini Wero Chi.”

YOANA 10:1

“Omwowokwa nyoman lö chi anka tïkwïl nyo mölïtönye kwegho kechir kuweröy kukat, wölo longöy are anka kï chorin chichoni akï mosin.

YOANA 10:7

Kïlenyona kïmwochï Yeso chane ngat lö, “Omwowokwa nyoman lö ochan kuka kechir.

YOANA 12:24

Omwowokwa nyoman lö, ato möchïnchïnye kösïghyonto nkanun nyïngwïtyan akïma, kïtökï nyinte onkït, wölo ato ma, kuyinu pakan cho chang.

YOANA 13:16

Omwowokwa nyoman lö, möminye sekeyontö nyo wow kïsir echotyontenyi, amöwownye nyo kïyontoy kïsir chichini kayonta nyinte.

YOANA 13:38

Kïlenchï Yeso Petro, “Omwowunyi nyoman lö itiyonaninyi kïnyïl sömök kïtomö kïwach kïrpö kokoroch.”

YOANA 14:12

Omwowokwa nyoman lö chi nyo ghönanïn, kwighöy ighisyewutchï oghan, akwighöy ompö cho echön kïsir choni, ompöwölo owetan wölo mi Paponyu.

YOANA 16:20

Omwowokwa ngölyonto man lö, oloksokwa ariryö, wölo ngörököy ngwïnya. Onöreksokwa, wölo wöghöko nörekyenkwa kïlïku ngörekyö.

YOANA 16:23

Otini ketï asisoni, kïmöminye nyu kïgh nyo otepanïkwa. Amwowokwa nyoman lö, konokwa Paponyan tïkwïn löwïr cho osomekwa nyinte ompö kaynenyan.

YOANA 21:18

Omwowunyi nyoman lö, otini kitechinyi mïnïng, kiterötenyi kegh aiwö wölo kimököy wete, wölo otini keyositunyi, ighïtenyi nyu ewuneku akïrat morichoni chitö anka akumïtinyi wölo kömemökenyinye wete.”

YOANA 3:11

Omwowunyi nyoman lö kïmwoghecha kïgh nyo kinkïtöcha akesöwintönchini kïgh nyo kakesïwecha akï möminye chi nyo chömöy söwintönencha.

YOANA 3:3

Kuyokyï Yeso lö, “Omwowunyi nyoman lö möminye chi nyo muköy kïsïwa Pöyunöto Tororöt kïpoto ato kïyï nyinte ngat.”

YOANA 3:5

Kuyokyï Yeso chichay lö, “Omwowunyi nyoman lö möminye chi nyo muköy kïlïtöy Pöyunöto Tororöt kïpoto ato kïyï nyinte ompö pögh nko Mïkulögh.

YOANA 5:19

Kuyokyï Yeso chane lö, “Omwowokwa nyoman lö meghönye Weri kïgh onkït, poto nyo sïwïyi kwighöy Kwanta. Kïgh nyo ighöy Kwanta, kwighöy Weri tïkwïl.

YOANA 6:26

Kïlenchï Yeso, “Omwowokwa nyoman lö kamaratanïkwa amelö ompöwölo kyasïwekwa töngönchin, wölo ompöwölo kyamakwa makatinechanya ntopïghyö.

YOANA 6:32

Kïlenchï Yeso, “Omwowokwa nyoman lö melö Musa nyo kikonokwa makatyan nyo kingwïna yïm. Paponyan nyo konokwa makatyan nyo pö man nyo ngwïno yïm.

YOANA 6:47

Omwowokwa nyoman lö anka tïkwïl nyo ghönanïn, kïtïng söpon pö kokay.

YOANA 6:53

Kïlenchï Yeso pïchay, “Omwowokwa nyoman lö ato mamakwanye por pö Wero Chi, aghegh kisönkachi, kïmosïkekwanye söpon ompö oringwo.

YOANA 8:34

Kuyokyï Yeso chane lö, “Omwowokwa nyoman lö, chi anka tïkwïl nyo ighöy ngokï, kï sekeyonto ngokï.

YOANA 8:51

Omwowokwa ngala man lö melö meghöy kokay chi anka tïkwïl nyo terwanïn ngölyontenyu.”

YOANA 8:58

Kuyokyï Yeso chane lö, “Omwowokwa nyoman lö, kïtomö keyï Apraam, ‘Omitan.’ ”

1 PETRO 1:25

Wölo töpo ngölyonto Echotyon kokay.” Ngölyontononi kï Lökoy cho Karamach cho kikyomwokwa.

NGONGUT 20:11

Atolapay asïwan Tororöt ngacharu kïtöpo paytagh ngachar nyo wow akï rel kïpa lö weng ompö tawunyi ngwïnya nko yïm amelö kitökesïwa chane ngat.