MATAYO 5:16 - PIPÏLIA

¹⁶ Akanya nyu kulïwunö löpoyïntöngwo tawu pich atökïsïwa chane ighisyewutkökwa cho karamach atökïsal Papongwo nyo mi yïm.

MATAYO 5:16 ပူးပေါင်းရင်းမြစ်များ

WUWÖT 34:35

Kïsïwa pipö Israel tokochu Musa lö kilïwï, kuyenö Musa anankanay tokochunyi ntökïtenö kïwö kïngalan nko ECHOTYON ngat.

NGÖTÏNYÖ 4:18

Wölo lata ara pipö man löpoyïn pö yekon nyo lïwu kulïwï kwimön.

ISAYA 58:8

“Atökulïwï nyu löpoyïntönkwa le löpoyïn pö kiwasan, atökesop moyoykökwa lawel. Omitan nko akwa kïtenö osis atosörwokwa. Okörtonokwa ompö ororyenyan.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

MATAYO 23:5

Ighöy ighisyewutkökwa löwïr lö tökïsïwa pich. Röto mötöwekwa nko ewunekwa angwoy cho kikikirchï Kirurut pö Tororöt akulach sïro cho koghöch akukarkar sïrokö lasiny!

MATAYO 23:9

Amokurö chi anka tïkwïl, ‘Papo,’ ompö ngwïny, ompöwölo akonga Paponkwa nyo mi yïm.

MATAYO 5:45

atalïkuna monïngo Paponkwa nyo mi yïm.’ Ompöwölo ighöy nyinte asistanyi kuluchï pich cho le mwokïyis nko cho karamach akïkonu rop kïropönchï pich cho pö man nko cho melö pö man.

MATAYO 6:16

“Ato okïruröy, makany kïsilonchö tökochwekwo le lïsï, ompöwölo lisöy chane tokochwekwa atökïsïwa pich lö mi chane kïkïruröy. Omwowokwa nyoman lö kikïnyorï chane ropöwontengwa.

MATAYO 6:9

Asagha nyu le nyï: ‘Paponyo nyo mi yïm, Nya kïtïlitit kaynengu.

MATAYO 9:8

Otini kisïwa söpïchoni, kuwöghisyö akukus Tororöt nyo kitö pich wowïn nyo lata nyoni.

LUKA 11:2

Kilenchï Yeso chane löwïr, “Ato osoghöy asagh lö, ‘Papo, nya kïtïlilit kaynengu. Nya kungwïn Pöyunötengu.

YOANA 15:8

Kïkonyïtöy Paponyan ato ayinukwa akwa cho chang alïkwï nyu ompö aranoni kinetankachi.

IGHISYEWUT 9:36

Kimito korka akong Yopa nyo kikuro Tapita, nyo kighanate. (Kikuro kaynenyi ompö ngala Krik Dorkas, nyo ato kïwaghach kï chemïl.) Kighchini pich nyo karam akungöroköy mey.

1 KORINTO 14:25

yotisyot kinonutkachi cho wïngote. Kïtïngo nyu nyinte tawu Tororöt akughan lö, “Mito Tororöt nyoman nko akwa.”

2 KORINTO 9:13

Akwompöwölo rumunote kikïniniot nyo pö ighisyenkwa, kïchongitu nyu pich cho sölöy Tororöt ompö kighanatenkwa nyo otïngetekwa ompö Lökoyo Kristo cho Karamach nko tïkwïl ompö tïkwïn cho otöninekwa chane nko pikö walaka.

KALATIA 1:24

Kïsal nyu pïchoni Tororöt ompö ani.

EPESO 2:10

Kïchicha ighanpa Tororöt kighecha nyinte ompö Kristo Yeso, atökegha ighisyewut cho karamach cho kisötwecha nyinte kegha könyisyok.

EPESO 5:8

Kyomitekwa tïkwïl ato le tagh tuwïn, wölo kyalïkukwa ye pipö löpoyïn otini kyolinyekwa nko Echotyon. Otïpinö nyu le monïngo löpoyïn,

1 TESALONIKE 2:12

Kikikilokwa akesaghsaghakwa, totïpinö otöp nyo chömöy Tororöt nyo kikurokwa apara Pöyunötenyi nko öroryenyi.

1 TIMOTEO 2:10

wölo ompö otöptin cho karamach. Mïchini kïtöpï lenyoni kor cho konyïtöy Tororöt.

1 TIMOTEO 5:10

akï nyo kikïlïmchini pöghisyewut cho karamach akï nyo kinam monechi nyo karam akïtach to ompö konyi akuwun kelyo pipö Tororöt akungarak cho kitïng kömpölelyö akukil kegh ompö pöghisyö nyo karam.

1 TIMOTEO 5:25

Kïlenyoni tïkwïl, rumu pöghisyewut cho karamach, latok, amöwïngisyocha kokay ighisyewut cho karamach cho mörumunye latok ye.

1 TIMOTEO 6:18

Mwochinö chane kwigh nyo karam akïlïkwï monkor ompö pöghisyewut cho karamach. Mwochinö tïkwïl kukörkoröy morïn kïcham kutötö tïkukwa akupar nko piko walaka.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

TITO 2:7

akwompö kïgh anka tïkwïl lïkune körkeyïn nyo karam ompö chane. Iparta otöp nyo puryö lïsat ompö kinetatengu.

TITO 3:14

Mïchini kunet kegh piköcho löwïr kwigh pöghisyewut cho karamach, tökïpöghisyeghö kungaraka pich cho tïng möchut ompö lawel. Merokonye kïtïpï chane otöp nyo puryö kinyiwut.

TITO 3:4

Wölo otini kirumï köromnyö nko chomnyo Tororöt Ghetintencha,

EPRANIA 10:24

Kekilö nyu kegh akany kïsïnga chi ngaleko chitö anka ompö kingarakata kegh akeparta chomnyogh akegh nyo karam.

1 PETRO 2:12

Mïchinokwa apartena otöp nyo karam nyoman ompö kwenu pich cho tomönye kughan, nyo kïrkegh kö mököy kïmïrchokwa put lö oghekwa tïkwïn cho ghach, kumuköy kïsïwa ighisyewutkökwa cho karamach akïsal Tororöt Asisto kingwïnatenyi.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

1 PETRO 3:1

Kïlenyoni tïkwïl, mïchinokwa kor oterchinö santokökwa, tötomi walaka cho tomöcha kughan ngölyonto Tororöt, kumuköy ompö otöptönkwa nyoni kumïtu chane kughan kïrkegh möminye ompö ngölyon nyo komwochikwa.

1 PETRO 3:16

Wölo omwochï lenyoni ompö tölosyö nko konyït. Orip lasiny totöpinö ompö choghïn nyo karam, nyo ato mwagha pich, kïlolïyonchö choni ngölono nyo gha otöptönkwa nyo karam le pipö Kristo.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.

1 PETRO 4:14

Ongörekyenö ato mwaghakwa pich ompöwölo ochikwa pipö Kristo. Poru nyoni mi kïtöpo nko akwa Mïkulöwu ororyö akï nyoni kï Mïkulöwu Tororöt.