MATAYO 5:11 - PIPÏLIA

¹¹ “Ochikwa soyönote ato chïpokwa pich akuchopokwa kong akïngalanenekwa ngal cho ghach ompö putintön, akwompö ani.

MATAYO 5:11 ပူးပေါင်းရင်းမြစ်များ

TUMWÖY 35:11

Söwintönchini pich cho ghach putintön, tepanïn chane ngal cho melö onkïtön.

TUMWÖY 44:22

Wölo kakïparecha kïtenö osis akwompö nyi, kakighecha le kechir cho kïyengöy.

ISAYA 25:8

Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

ISAYA 51:7

“Atera ngalechan pich cho onkït man, cho okomönchini kinetutköchan mïkuliskökwo. Mowöghisyö ato roröchokwa pich akïchïpokwa.

ISAYA 66:5

Atere nyu chona opotonchot, ateköy ECHOTYON, kïgh nyo mwowokwa nyinte lö, “Wöchokwa pikökwa walaka ompöwölo oghönanïkwa amelö tïngenokwa kïgh chane. Ngemokwa chane kïlentöy, ‘Akanya kuporï ECHOTYON töroryenyi kïsörwokwa atökesïwenacha ato oturönchokwa.’ Wölo chane cho sïköy arasï!

YEREMIA 37:14

Olenchan, “Put choni ngale. Melö kasoran lïko Papilonia.” Wölo melö kighan Iriya ngalechan. Kïlenyona kïnamanïn akwipanïn tawu kintöghoghï.

MATAYO 10:18

Mïtyinokwa chane tawu pöytoghï cho mïnkech nko cho echön ompö kaynenyan atomchinö pïchoni Lökoy cho Karamach nko pipö punton tïkwïl.

MATAYO 10:22

Nguyokwa pich tïkwïl akwompö ani. Wölo anka tïkwïl nyo ghyongtoy ntökwit söröm, kesöru.

MATAYO 10:25

Nyo mïchini kinetan kïtöpö le konetintenyi, kïtöpö mötworintö le echotyontenyi. Akwoto kurö chane chito kot, Pelsepul,* kïmïnchini nyu chane, moneko köyoni kaynötut cho ghach tya.

MATAYO 10:39

Ato mököy chi kïnömtoy kegh söpontanyi, kïwirtoy, wölo chi nyo wirtoy söpontanyi ompö ani, kïnyoru.

MATAYO 19:29

Akwanka tïkwïl nyo köpïstö korichi anta werkökwa anta tipikwa anta kwanta anta kame anta monechi anta parenichi ompö ani, kïnyoru walaka kïnyïl 100 akïnyorï söpon pö kokay.

MATAYO 24:9

“Kïnömekwa tökechopekwa kong aketïghokwa. Töghokwa koroswö löwïr ompö ani.

MATAYO 27:39

Kukworyö pich Yeso cho kiweröy otini akupirpiröy mötöwekwa kïlentöy,

MARKO 13:13

Reyokwa pich lapay akwompö kaynenyan, wölo anka tïkwïl nyo kömöghöy ntökwit söröm, kesöru.

MARKO 13:9

“Orip kegh ompöwölo kipokwa ka kirwok, Kïmungonekwa kori sowut. Oghyongonekwa tawu kirwokot nko pöytoghï akwompö ani, atomchinö chane ngalechan.

MARKO 4:17

Akwompöwölo mötïngcha ighin ompö oringwa kïnam nyo tangogh pata, nyini ketï nyarïl anta itï kichopata kong nyo pö ngölyontonay, kupïtyö lawel.

MARKO 8:35

Ompöwölo chi anka tïkwïl nyo lentöy osöru söpontanyi ante kïwirtoy, wölo anka tïkwïl nyo wirtoy söpontanyi ompö ani nko ompö Lökoy cho Karamach, kïsöru.

LUKA 21:12

Wölo kïtömö kwighisyö ngalechoni kïnömokwa akechopokwa kong. Atolapay ketötokwa tökerwokwok ompö kori sowut aketorchok chela. Kimïtinokwa tawu pöytoghï nko yetïntin akwompö kaynenyan.

LUKA 21:17

Reyokwa pich akwompö kaynenyan.

LUKA 6:22

“Ochikwa soyönote chona reyok pich, akeyonchok sany, kechïpok akemïnak akenyarenak kaynötut lö ochï pich cho ghach akwompö paraku Wero Chi!

LUKA 9:24

Ompöwölo chi anka tïkwïl nyo mököy kïsöru söpontanyi kwighöy kupötöy. Wölo anka tïkwïl nyo wirtoy söpontanyi akwompö ani, kïsöru.

YOANA 15:21

Wölo ighwokwa chane ngalechoni löwïr, ompöwölo ochikwa piköchan, ompöwölo menkïtcha chane Tororöt nyini kiyokwanïn.

YOANA 9:28

Kïchïp chane nyinte akïlenchï, “Ichinyi rïpana kïyoni chi kerïpecha cho le acha Musa.

IGHISYEWUT 9:16

Ompöwölo oporchinan nyinte tïkwïn lapay cho mïchini kïsïkö nyinte nyarïl ompö kaynenyan.”

RUMI 8:36

Kïle wölo mwoghöy Kikirut lö, “Kïmitecha körköryo meghat kwimön ompö nyi kikongityonecha nko kechir cho kïpetöy keyengöy.”

1 KORINTO 4:10

Kichicha sölwöy akwompö Kristo, wölo ochikwa ngöghomöch ompö Kristo! Kichicha nyörkölöle, ochikwa owesöch. Ochikwa konyïtote, wölo melö kïtekecha.

2 KORINTO 4:11

Kïmitecha tapanpa meghat ompöwölo kighönecha Yeso kïnomnyö, atökumï söpontanyi tïkwïl kïrumteghö porwöyicha cho wonyot.

PILIPI 1:29

Ompöwölo kakekonokwa pöropchö nyo opöghisyechini Kristo melö ompö kighanat onkït, wölo ompö kiwongunöt tïkwïl nyo owongunonekwa nyinte.

1 PETRO 2:23

Kikimwa nyinte, wölo kimöwöghökyïnye chane ompö kimwoghsyö. Otini kiwongu nyinte, kimelö kyotyeghö pïchoni kichopöy, wölo kitö kikönötenyi wölo mi Tororöt nyo rwokyini pich kong ompö man.

1 PETRO 4:14

Ongörekyenö ato mwaghakwa pich ompöwölo ochikwa pipö Kristo. Poru nyoni mi kïtöpo nko akwa Mïkulöwu ororyö akï nyoni kï Mïkulöwu Tororöt.

NGONGUT 2:3

Onkïtön lö kimïkukönenyi nyoman, aiwongwï ompö ani akïtomönye aghachanyi.