MATAYO 4:24 - PIPÏLIA

²⁴ Kïyasta ngalechi kïghömï koro Sirya kïmïkul. Kemïtyï nyinte pich löwïr cho kinam sömewut cho sisinchö nko cho kitïng nyörilwok cho sisinchö nko pich cho kipote oy cho ghach nko cho ki lïwöy kïgh nko cho kiyuyisyö porwöy, kusop Yeso pïchoni löwïr.

MATAYO 4:24 ပူးပေါင်းရင်းမြစ်များ

2 SAMWEL 8:6

Kïtek Daudi möngenyi pö lïk Sirya nyo pö Damaska, kïlïkwï pipö Sirya mötwori Daudi akï kwöghchï nyinte surï. Kutö ECHOTYON Daudi rïntagh ompö wop anka tïkwïl wölo kiwö poryot.

1 PÖYTOGHÏ 10:1

Otini kilïm pöytoghintö Syepa nyo kile korka wölo kikïsalta Solomon ompö kaynata ECHOTYON, kïnap kegh akïwö kutang Yerusalem atökïtyama nyinte teput cho owesöch.

1 PÖYTOGHÏ 4:31

Ki ngöghom nyinte kïsir chi anka tïkwï, kïtïl Etan, nyo pö pipö Esrati nko Eman nko Kalkol nko Darda werpö Maol. Kwororit nyinte ompö pipö punton löwïr cho kile pöröriskökwa.

1 OTÖPTINO OSIS 14:17

Kïrumtö ororyo Daudi ompö wop tïkwïl, akwigh ECHOTYON punton walaka kuwagh Daudi.

1 OTÖPTINO OSIS 29:2

Kyonoghyan nyoman ayar tïkuchï kïtektoy: Koltin nko silpa nko taghoy nko karïn nko ket nko koghïn cho pïchighöch nko koghïn cho walaka cho sisinchö nko koghïn walaka cho karamach nko senkwet cho chang.

WUWÖT 15:26

Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”

MATAYO 12:22

Atolapay kumïtyï pikö walaka Yeso chepkarot akimemukönye kïngalan ompöwölo kipote oy. Kusop Yeso chichay, ntökumï kïngalan akurosïta ngat.

MATAYO 14:1

Kilïm osiswechoni Erode ngala Yeso nyo kile pöytoghinto Kalilaya.

MATAYO 15:22

Kungwïnchï korka nyo pö Kanan nyo kimöngöy wölini akïrirchï nyinte lö, “Syonchante, Echotyon, Wero Daudi! Kep oy cheptönyan mi ye ato gha nyoman.”

MATAYO 17:15

akïlö, “Echotyon karam syonchinö werïnyan nyo ipote oy akïmi nko nyarïl nyo wow nyoman, ompöwölo wirchini kïgh ma kïnomnyö akïwirchini pögh kïnyïl cho chang.

MATAYO 17:18

Kuteghchï Yeso oyichay kïngeta monïngay, kïsöp nyinte lenyini.

MATAYO 4:23

Kiwesteghö nyu Yeso koro Kalilaya kïmïkul kunetotoy pich ompö korikwa pö sowut akwomtoy Lökoy cho Karamach cho pö Pöyunöto Tororöt. Kisopö nyinte pich sömewut nko kichïr anka tïkwïl.

MATAYO 8:28

Otini kiwö Yeso kwoghyö okumpö Kadaren, nanam antakwagh, kïtuyeghö pich odeny cho kipkono wölo kile parsïkontin. Kipote oy pïchoni akiköromöch chane tya ntökïmelö kitökumuköy chi ntökuwer aranoni.

MATAYO 8:33

Kïryagh mösöwechoni kiyokwïyi nkïrwenichoni kutang kanasyan akïmwochï pich lökoyechoni löwïr nko kïgh nyo kigha ompö pïchoni kipote oy.

MATAYO 8:6

nyo kisagh nyinte lö, “Echotyon, chirate mötworintenyan nyo mi kaw, rïwöy kimeyta por, akïmemukonye ntökïnget, chirate nyoman.”

MATAYO 9:26

Kïyasta ngalechoni kighomï korononi kïmïkul.

MATAYO 9:35

Kiwö Yeso kïrutochï kanastin cho echön nko cho mïnkech cho kimi korononi kïmïkul. Kunetisyö ompö korikwa pö sowut akwamta Lökoy cho Karamach cho pö Pöyunöto Yïm, akusopö pich sömew anka tïkwïl nko kosotyö anka tïkwïl.

MARKO 1:28

Kïyasta lawel lökoyo Yeso kïghömï Kalilaya kïmïkul nko korokwechi.

MARKO 1:32

Otini le mönon kiröytoy asis, kemïtyï Yeso pich cho chiryote nko cho kipote oy.

MARKO 2:3

Kïpka pich angwanï cho kisïtu chi nyo kimeyta por.

MARKO 2:4

Kïkany otinö kimökïnyorïcha or nyo kimïto chichay ntökwit wölo kimi Yeso ompö chongïn pö pich, kïngany pörkö otinö kimito Yeso, kïkany kïyata pörkonay, kureytö chichay nko menyontenyi.

MARKO 2:9

Kwïskwïs kemwochï chichï kimeyta por lö, ‘Kakelöstowunyi ngokiku nya,’ anta kemwochï lö, ‘Ngeta, tagha menyontengu aiwö?’

LUKA 2:2

Kipö kiyitötononi tagh kekir atoni kipöytoy Kurenio koro Sirya.

LUKA 4:14

Kïmïla nyu Yeso kutöngwï Kalilaya akimi owesyo Mïkulögh nyo Tïlil nko nyinte. Kikïmwatïta lökoyechi kïghömï korononi kïmïkul.

LUKA 4:38

Kïngeta Yeso köyay pö saghat akïwö kutang kö pö Simon, kutomtö chirate pokörto Simon nyo kyamate tïnyon, kïmwochï pïchay Yeso ngaleko poroni.

LUKA 5:15

Wölo kitas tagh kïyasta lökoyechi, kïghamïtï kegh pich cho chang kïpka kïlïm ngalechi, akesop cho kichiryote.

LUKA 5:24

Wölo omökan Oporwokwa ye nyu lö tïng Wero Chi owesyö ompö ngwïnyinï nyo löstoghchini pich ngokikwa.” Kïlenchï chichay kimeyta por, “Ngeta aisït menyontengu aiwechï kegh katangu!”

LUKA 7:17

Kiyasta ngalechay pö Yeso kïghömï Yudea kïmïkul nko koros cho kilekïtinö.

YOANA 10:21

Wölo kïlö walaka, “Melö ngala chi nyo ipote oy chï. Muköy lö ne chi nyo ipote oy ntökïyotï chi nyo karote konyïn?”

IGHISYEWUT 10:38

Onkïtökwa ngala Yeso nyo pö Nasaret, wölini kitöntö Tororöt nyinte Mïkulögh nyo Tïlil nko owesyö. Kiwestö wop lapay, akwighchï pich nyo karam, akusop pich lapay cho kökikïrïnta Onyötö, ompöwölo kimi Tororöt nko nyinte.

IGHISYEWUT 15:23

Kutö chane kwip palalyantanï lentöy, “Acha chete kiyoktoghï nko poy akechï kighönï le akwa, kakïkonucha takwes kungwïn wölo omitekwa cho melö ochï pipö Yaudi cho omöngöy kanasyanta Antiokia nko koro Sirya nko Kilikia.

IGHISYEWUT 15:41

Kiwö kuwerata sirya nko Kilikia, kukilotoy kighöni ompö kanisen kïchïchïm ompö kighanatengwa.

IGHISYEWUT 28:9

Kïkany kusop lenyoni, kïpkana pich löwïr koronay cho kichirsot, akesop.

IGHISYEWUT 8:7

Ompöwölo kingeta oy pich cho chang cho kipote oy, kuteghyot, akesop pich cho chang cho kimeytoy porwöy nko cho kingwolsot.

YOSWÖ 6:27

Kïlenyona nyu kimi ECHOTYON nko Yoswö akïrumtö köromnyenyi ompö kore kïmïkul.