MATAYO 4:23 - PIPÏLIA

²³ Kiwesteghö nyu Yeso koro Kalilaya kïmïkul kunetotoy pich ompö korikwa pö sowut akwomtoy Lökoy cho Karamach cho pö Pöyunöto Tororöt. Kisopö nyinte pich sömewut nko kichïr anka tïkwïl.

MATAYO 4:23 ပူးပေါင်းရင်းမြစ်များ

TUMWÖY 103:3

Löstoghwanïn ngokichu löwïr akusopöy sömewutköchan löwïr.

TUMWÖY 74:8

Kimwa lö wonyecha lömïs akïpel wölo kïsogho Tororöt ompö kor kïmïkul.

MATAYO 11:5

Kerosïta chepkarotonoy akïpesïta pich cho ngwolsot, kakesop pich cho amate psenkwet, kalïm ngal cho le cheminytin, kakigh cho kökimeghö kututï akyomchï mey Lökoy cho Karamach.

MATAYO 12:9

Kïweghö Yeso atoni akïlït kongwa pö saghat.

MATAYO 13:19

Ato lïm chi anka tïkwïl ngala Pöyunöt ameghanye, kïkarkegh nyinte nko kösïghecha kichïnchini arawet. Itu nyu Mwokïyontonay gha kïsara nyinte ngölyontonini kikïlechï mïkulöwunyi.

MATAYO 13:54

akïmïla korenyi kunetisyeghö sinakokin, kïtangany pich cho kilïm ngalechi, kïtepsyö lö, “Kinyorchï onö chichï ngöghomnyonï nko ighisyewutchï pö töngönchin?

MATAYO 14:14

Kïngetunö Yeso meli, otini kisïwa nyinte söpïch nyo mamïnïng, kusyonchï akusop pikökwa cho kikösisyote.

MATAYO 24:14

Wölo kyomchini Lökoy cho Karamach pö Pöyunöto Tororöt ngwïny kïmïkul tökïlïkwï söwintön ompö pipö Punton löwïr kwitï nyu sörömu ngwïny.

MATAYO 3:2

“Okötenö ngokikwo, ompöwölo kirikï Pöyunöto Yïm!”

MATAYO 9:35

Kiwö Yeso kïrutochï kanastin cho echön nko cho mïnkech cho kimi korononi kïmïkul. Kunetisyö ompö korikwa pö sowut akwamta Lökoy cho Karamach cho pö Pöyunöto Yïm, akusopö pich sömew anka tïkwïl nko kosotyö anka tïkwïl.

MARKO 1:14

Otini kikïrat Yoana, kïwö Yeso kutang Kalilaya kwomtotoy Lökoy cho Karamach cho pö Tororöt,

MARKO 1:21

Kïpa kanasyanta Kapernaum, kïlït Yeso kö pö saghat* lenyini ompö asispa Sapato,* akutor kunetisyö.

MARKO 1:39

Kïlenyona, kiwestegho Yeso Kalilaya kïmïkul, kwomchinotoy ompö korikwa pö sowut akutulöy oy.

MARKO 3:10

ompöwölo kisop nyinte pich cho chang nyoman. Kïlenyona kutungï kegh pich cho kichiryote cho kimököy kïswany nyinte.

MARKO 6:2

Kutor kunetisyö asispa Sapato* ompö kö pö saghat:* kitöngönchï pich chang cho kilïm kïlentöy, “Könyorchï onö chichï ngalechï? Akï ngöghomnyö ne nyï kikitö nyinte? Akï ne pöghisyewutchï ighisyegho morichi?

MARKO 6:6

Kïtöngönchï Yeso nyoman ompöwölo kimeghancha. Atolapay kïwesteghö Yeso keston cho kilekïtöch kunetata pich.

LUKA 10:9

asop cho chiryote. Akwotini osopekwa chane olenchï, ‘Kikungwïnchokwa Pöyunöto Tororöt.’

LUKA 13:10

Kimi ato kinetisyegho Yeso asistanka kö pö saghat,* asispa Sapato.

LUKA 16:16

“Kintöghoghwokwa Kirurut pö Musa nko kikirut pö werkoy ntökïtenö osiswo Yoana Kipatisanin. Kïngeta atoni Lökoy cho Karamach cho pö pöyunöto Tororöt, pöyunöt nyo mi chi anka tïkwïl kïporyot kïlït ompö owesyö.

LUKA 20:1

Asistanka ato kimi Yeso kuneto pich Kö pö Tororöt* akwomchini chane Lökoy cho Karamach, kïpkonchï tïsï cho echön nko koneti kirurut nko poy.

LUKA 4:14

Kïmïla nyu Yeso kutöngwï Kalilaya akimi owesyo Mïkulögh nyo Tïlil nko nyinte. Kikïmwatïta lökoyechi kïghömï korononi kïmïkul.

LUKA 5:17

Kinetisyegho asistanka Yeso wölo kimi Parisaytin nko koneti kirurut cho kipkana kanastin löwïr cho pö Kalilaya nko Yudea nko Yerusalem. Kutö Tororöt Yeso owesyö nyo sopo pich cho kichiryote.

LUKA 6:17

Kïrökunö Yeso kutïngay nko chane, akughyongö ato le tömkö kïmi nko kinetankachi cho chang nko söpïch nyo wow nyo pö pich cho kïpkana Yudea kïmïkul nko Yerusalem nko walaka cho kipkana koros cho mi sörömu nanam cho lekïtinö kanastina Tiro nko Sidon. Kïpka chane kïter ngalechi akesopö kichirutkökwa.

LUKA 6:6

Ompö asistanka nyo pö Sapato, kïlït Yeso kö pö saghat* akunetisyö. Kimi chi köyoni nyo kimeyta ewu tagh.

LUKA 7:21

Kïnyini kusop Yeso pich cho chang ompö sömewutkökwa, otini kingölonöy nko chane, akutul kïpegha pich ogh cho ghach, akwigh chepkörotonoy cho chang kurosïta.

LUKA 7:22

Kuyokyï Yeso chane lö, “Omïlonchenö wölo mi Yoana amwochï tïkwïn tïkwïl cho kasïwekwa alïmakwa, kerosïta chepkarotonoy, kapesta pich cho ngwolsot, kaketïlil cho amate psenkwet, kalïm cho mingote, kakututï pich cho kimeghö akyomchï mey Lökoy cho Karamach.

LUKA 8:1

Kiwer osiswö cho te, kïrutö Yeso kuwerata kanastin nko keston, kwomchinotoy pich Lökoy cho Karamach cho pö Pöyunöto Tororöt, kipa tïkwïl kinetanchay le taman nko odeny,

LUKA 9:11

Kikany kïlïm söpïchischay wölo kitany Yeso, kïrïp kïpa nyinte. Kïtak Yeso chane akïngölonchï ngala Pöyunöto Tororöt akusop pich cho kimököy kisopöt.

LUKA 9:60

Kuyokyï Yeso lö, “Nya kïsïnga pich cho kimeghö meghonkökwa. Wïyö nyo le nyi aiyamta lökoyo Pöyunöto Tororöt.”

YOANA 18:20

Kuyokyï Yeso nyinte lö, “Kyongölonchan pich löwïr kïlöpo kïteno osis ato kyonetisïyan ompö kori sowut nko ompö Kö pö Tororöt kituyegho pipö Yaudi kïmïkul akïtomönye amwaghan ngölyon nyonikïny ompö wïngat.

YOANA 6:59

Kimwa Yeso ngalechoni otini kimi kunetisyegho kö pö saghat* ompö Kapernaum.

YOANA 7:1

Otini kiwany ngalechoni, kïwö Yeso kutang Kalilaya. Melö kicham nyinte kuwerata koro Yudea, ompöwölo kimi pipö Yaudi kïmöröy nyinte ompö wöloni atökïpar.

IGHISYEWUT 10:38

Onkïtökwa ngala Yeso nyo pö Nasaret, wölini kitöntö Tororöt nyinte Mïkulögh nyo Tïlil nko owesyö. Kiwestö wop lapay, akwighchï pich nyo karam, akusop pich lapay cho kökikïrïnta Onyötö, ompöwölo kimi Tororöt nko nyinte.

IGHISYEWUT 18:4

Kïtep kegh ompö asispa Sapato* anka tïkwïl nko chane ompö kö pö saghat* kumukyini kïngwïsu pipö Yaudi nko Krik kïcham kughan ngalechini kyomtoy nyinte.

IGHISYEWUT 20:25

“Kowesteghan kwenunkwa lapay, amtotoy Pöyunöto Tororöt. Ankïtön ye nyu lö mökïmïnye chi akong ompö akwa nyo tökïsïwïyanïn ngat kokay.

IGHISYEWUT 28:31

Kyamta ngala Pöyunöto Tororöt, akunet ngala Echotyon Yeso Kristo,* kïngölonöy ompö nyakanat, akimökïminye chi nyo kitagha nyinte kwomchï pich ngala Tororöt.

RUMI 10:15

Akumuköy pich kwomtoy lö, ne ato mökiyoktö? Kïle wölo mwoytoy Kikirut lö, “Pïchighöch kïtya kelyo pich cho omtoy Lökoy cho Karamach!”