3 Kilata kïtontanyi kiryal akirelach sïrokachi löpöt.
Kepöghisyeghenyi yomat kïlïkwï piköku cho kiyoktoy aigh kiryalata ilat kïlïkwï mötworiku.
“Otini kitorosan, ketat ngöcherwo paytagh, kïtöpö nyinte nyo kisöpöy kïngata könyisyok ngacharunyi. Kirelach sïrokachi löka, kïrelach putechi löpöt. Ki lyopöt ngacharunyi ki ma nyo kinöghöy kelye.
Atolapay kuwenga Yeso ompö tawungwa. Kulïwï tokochunyi le asis, kïrelachitu sïrokachi löka.
Kïpotonchö ripichay ompö nyökoryö nyo wow ntökïkarkegh nko meghon.
Nyini, kïlït chane pïrïmponay, kïsïwa chumwak nyo kimpuröy ompö ewu tagh loköy ananka nyo rel, kïmïghyö koruchay nyoman.
kukwerkwersyö sïrokachi kïrelachitu löpöt, nyo kimöminye mwötin ngwïny nyo kimuköy kïmwat kïrelachitu le choni.
kïsöchï wöloni malayken odeny cho kiloköy sïro cho relach, kimi kumpuröy atanye kimi por pö Yeso, kimi anka möt kïmi nyo pö kelyön.
Akwotini kitö kïmi chane kurosöy yïm, kïwetöy Yeso, kïnyinini lawel kughyongö pich odeny kamasungwa, cho kiloköy sïro cho relach
Atolapay asïwan malaykayante anka nyo awes nyo kirökuno yïm. Kikilokyï polta nyinte akemirö kïtompïl mötïnyi. Kikarkegh tokochunyi nko asis, akilata kelyechi pchörino ma.
Kïkany asïwan korkonay kitöpo tyonyay pïrir, asïwan malaykayante anka kirökuno yïm. Kitïng owesyö nyo wow, akulïwchï ororyenyi ngwïny kïmïkul.
