36 atolapay kumpur ngwïny kïrïp nyinte ompö otini.
Kukir ngal cho kikirwokyineghö nyinte akutö mötïnyi parak. Kikikir lö, “Nyï kï Yeso, Pöytoghinto pipö Yaudi.”
Otini kisïwa wowïn pö askarin nko pich cho kimi nko nyinte kïripöy Yeso wölo kirïngringtö ngwïnya nko ngalechini kighisyö, kuwöghisyö nyoman akïlö, “Kïlechï Wero Tororöt chichï nyoman!”
Nyini kïsïwa wowïn pö asikarin nyo kighyongo tawu kimurtöwontonay wölo kiteghta Yeso atolapay kïma, kïlö, “Nyoman, Wero Tororöt chichï!”
Kïtangany Pilato otini kilïm lö, kima Yeso. Kïkur wowïn pö asikarin nyo kighyongchini askarin akïtep tökunkïtï lö, tenö oyï otini kima Yeso.
