MATAYO 26:31 - PIPÏLIA

³¹ Atolapay kïlenchï Yeso kinetankachi, “Otoyonekwa oghonete löwïr opïstonanïn, ompöwölo kirate ompö Kikirut lö, ‘Pöröy Tororöt mösöwonte, tökïtoyö kechir.’

MATAYO 26:31 ပူးပေါင်းရင်းမြစ်များ

TUMWÖY 38:11

Melö tökïrikanïn kongotichan nko pörörisköchan akwompö moyoköchan kelowit kegh nko ani ompö chini le tïlyayichan.

TUMWÖY 69:20

Kenyar sasata mïkulöwunyan nka nyï ye kowongwan. Koyöran kisyonöt, wölo melö konyorwan. Kayaran soghsoghï, wölo monyorwanye.

TUMWÖY 88:18

Keghanyi kongotichan nko pöröris kïpïstanïn, kalïkwï nyu tuwïn kongenyan onkït. Tum pö Etan, chi pö Esra.

ISAYA 53:10

Wölo ki machata ECHOTYON kuwongwï nyinte. Kïlïkwï meghenyi amöros nyo ipu lastaghpa ngokï. Sïwïyi asïyech piko arenyi akïtöpö osis cho chang, akulïtito machata ECHOTYON ompö ewunyi.

LOK 1:19

“Kyokurön kongot kungarakanïn wölo kilïsanïn chane. Kimeghyö tïsichan nko poy cho ngöghomöch ompö ortïna kanasyan, otini kiyörchinotoy kegh omisyö mömeghö.

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

MATAYO 11:6

Soyönote chi nyo mötïngnye tomtomönöt ompö ani!”

MATAYO 26:24

Wechini kegh nyoman Wero Chi kïrïp kegh nko Kikirut, wölo heywey ompö chichini wïchtoy Wero Chi! Kitö karam ntökimelö kikïyï chichoni!”

MATAYO 26:56

Wölo keghisyö ngalechï le nyete ntökwitïta ngala werkoy cho kikikir ompö Kikirut lö.” Kïpïstö nyu kinetankachi löwïr nyinte akupertoy.

YOANA 16:32

Itu asis akikwitï ye yeteyi, ato otoyokwa löwïr atökïwö chi tïkwïl katanyi, atökepïstanïn onkït. Wölo momitanye onkït, ompöwölo mi Paponyan nko ani.