MATAYO 26:26 - PIPÏLIA

²⁶ Nyini kitökwomisïyi, kïcheng Yeso makatyan kusoyön akïmïnchïran akutö kinetankachi kïlenchï, “Achenga am, portönyan nyete.”

MATAYO 26:26 ပူးပေါင်းရင်းမြစ်များ

MATAYO 14:19

Kimwochï pich kumpur ngwïny, atolapay kïcheng makatinechay le mut nko kaghaghe kwodeny akuros yïm akusoyön Tororöt. Kïmïnchïran makatinechay akutö kinetankachi kutö pich.

MATAYO 26:27

Atolapay kïcheng kikompa akusoyön Tororöt akutö chane akïlenchï, “Agheghena akwane tïkwïl kikomponï.

MARKO 6:41

Atolapay kïcheng Yeso makatinechay le mut nko kaghaghechay le odeny akuros yïm kuyokyï sörö Tororöt. Kïmïnchïran makatinechay akutö kinetankachi kutö pïchay. Kichöghchinotö kaghaghechay le odeny pïchay löwïr.

LUKA 22:17

Atolapay kïcheng Yeso kikompo dipay* akuyokyï Tororöt sörö akïlö, “Achï, omosotenö.

LUKA 24:30

Kïkany kïtöpö ngwïny tökwomisyö nko chane, kïcheng makatyan, akuyokyï Tororöt sörö. Atolapay kïmïnchïr akutö chane.

IGHISYEWUT 2:46

Kulet tagh osis löwïr kwam tuyot ompö Kö pö Tororöt* nko ompö kestonikwa, kumoröy omisyö ompö ngörekyö nko ompö mïkulis cho karamach,

IGHISYEWUT 20:7

Ato mi nangatuto asispa Sapato,* ketuyecha akemïnchïr makatyanta mesa Echotyon. Kwamta Paulö nyo kogh ntökwit oghö kwen ompöwölo kirutoy ato le asïyech.

1 KORINTO 10:4

akïgha chane löwïr pöghechoni pö mïkulögh, ompöwölo kighegha ghatyanoni pö mïkulögh kirïpöy chane aki Kristo* nyinte ghatyanoni.