MATAYO 24:24 - PIPÏLIA

²⁴ Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt.

MATAYO 24:24 ပူးပေါင်းရင်းမြစ်များ

ISAYA 9:15

Lïku poyï nko pich cho konyïtote mötöwe, kïlïkwï töronkwöyi werkoy cho netöy pich putintön!

MATAYO 22:14

Kuwany Yeso nyu kïmwa lö, “Chang cho kïkukuröy, wölo ngörï cho kïkïlöy.”

MATAYO 24:11

Atolapay kuchumï werkoyi putintön cho möngörï kïlïsöy pich cho chang.

MATAYO 24:22

Wölo ntökimelö kikingörïngit osiswechoni, kitömöminye chi nyo kïsöru nyonikïny. Wölo kingörïngitöy osiswechoni ompö kïlanpa Tororöt.

MATAYO 24:25

Alïma nyu, komwowokwa kïtomö kwitï ngalechï.

MATAYO 24:31

Yontoy nyinte malaykenichi nko kontï nyo chöghöy tya kïghamïtyï kïlankachi kïngetunö wop anka tïkwïl ompö ngwïny, kïngetunö yïm söröm nko söröm.

MATAYO 24:5

Ompöwölo pkonöy pich ompö kaynenyan cho lentöy, ‘Ochan Kristo,’* akïlïs pich cho chang.

MATAYO 7:15

“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.

MARKO 13:22

ompöwölo relu Kristotino putintön nko werkoyi putintön. Poru chane tïkwïn cho pö töngönchin cho lïso pich, lïsöy ompö chini le kïlan pö Tororöt ato muko.

LUKA 18:7

Aki yeo, olontekwa möporyechininye Tororöt kïlankachi cho rirchini nyinte pöghet nko nangat kïnyorï man? Alentekwa meghönye lawel?

YOANA 4:48

Kïlenchï Yeso chichay, “Ato masïwekwanye kiporut nko töngönchin, kïmoghönekwanye.”

YOANA 6:37

Chi anka tïkwïl nyo konanïn Paponyan, kungwïnöy wölo omitan, amoyonchinanye sany chi anka tïkwïl nyo ngwïnchinanïn.

YOANA 6:39

Nyinte nyini kiyokwanïn nyo mököy lö tömopïstan ompö nyo le akonga ompö pïchoni kakïkonanïn nyinte, wölo taghan chane kututu lapay asispa söröm.

IGHISYEWUT 20:16

Ompöwölo kimököy Paulö kïweghö meli ntökwit Epeso, atömeropunö nyinte nyo kogh koro Esya. Kikuskus lenyoni atökumï kwitï Yerusalem, asispa Pentekoste,* ato töp ntökumuka.

RUMI 12:18

Igha kïgh anka tïkwïl ompö okuntöngu nyo muko ate töpenö nko pich lapay ompö kalya.

KALATIA 4:15

Kyochikwa ngörechote kuchumï ne ye nyu? Ompöwölo osöwintönwokwa lö, tökile nyo kimuko, kitö oködötunekwa konyikwa, akonanïn.

KINONO KIRURUT 13:1

“Ato ngwïna werkoyonta kwenunkwa anta kirwotïtoghin akuporwokwa kiporunöt anta töngönchin,

2 TIMOTEO 2:19

Wölo metimtimonye kokay kitorötö nyo kitek nyinte Tororöt, akï nyo kikikirchï ngalechï lentöy, “Nkït Echotyon cho le chechi,” akïlö ngat, “Ato mi chi nyo lentöy ochï chi pö Echotyon, kuroko kïpïstö ighisyewut cho ghach.”

1 PETRO 1:5

Chikwa kisoyönutchoni, akwa chona ripenokwa Tororöt owesyenyi ompö ara kighanat tonyorunö nyo mi kïpsach kengongwï sörunöt asispa söröm.

2 PETRO 3:17

Wölo akwa, tupchenichu kikyonkïtukwa ngölyontononi. Orip kegh nyu tömemïtak pich cho le penyi ara kipotöt ompö kinetutkakwa cho pö putintön akwighak ochïntenö ompö kighyongötengwo nyo chïchïmate.

1 YOANA 2:18

Monechu, kikïrikwï osiswo söröm! Kikikemwowokwa lö itu Punyonto Kristo, akï nyete le ye kikwitï pung pö Kristo cho chang nyo kikenkïtucha ye lö kikïlekïtitu osiswo söröm.

1 YOANA 2:22

Ngo nyo le putin? Putin chi anka tïkwïl nyo töghöy lö, Yeso kï melö Kristo. Punyonto Kristo chi nyo lata nyoni, nyinte nyo töghöy Papo nko Weri.

1 YOANA 5:18

Kinkïtöcha lö möminye mompö Tororöt nyo letöy tagh kwighöy ngokï, ompöwölo mi Wero Tororöt nyo komönöy nyinte, akïmemukönye Mwokïyontonay tökïswany nyinte.

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.