MATAYO 24:22 - PIPÏLIA

²² Wölo ntökimelö kikingörïngit osiswechoni, kitömöminye chi nyo kïsöru nyonikïny. Wölo kingörïngitöy osiswechoni ompö kïlanpa Tororöt.

MATAYO 24:22 ပူးပေါင်းရင်းမြစ်များ

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

SAKARIA 13:8

Oghïtenan ewunyan apar piköchan cho nyörkölöl ompö pich sömök, meghsot cho le odeny.

SAKARIA 14:2

Ghomïtu ECHOTYON pipö koros löwïr kïpka kïporyeghö kanasyanta Yerusalem. Kïchengo tïku akelölos koru akerang lö tïch kïpa pïnotön kudong chinö walaka kanasyan.

MATAYO 22:14

Kuwany Yeso nyu kïmwa lö, “Chang cho kïkukuröy, wölo ngörï cho kïkïlöy.”

MATAYO 24:24

Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt.

MATAYO 24:31

Yontoy nyinte malaykenichi nko kontï nyo chöghöy tya kïghamïtyï kïlankachi kïngetunö wop anka tïkwïl ompö ngwïny, kïngetunö yïm söröm nko söröm.

MARKO 13:20

Akï ntökimechïchuk Echotyon osiswechoni, tömöminye chi nyonikïny nyo kïsöru. Kichïchuk nyinte osiswechoni ompö pich cho kikïl kïlïkwï chechi.

LUKA 18:7

Aki yeo, olontekwa möporyechininye Tororöt kïlankachi cho rirchini nyinte pöghet nko nangat kïnyorï man? Alentekwa meghönye lawel?

RUMI 9:11

Wölo tökïrumtö lasiny lö, ki Tororöt nyinte kegh nyo kikïl weri akonga kitomö keyï monechoni le sala, akitomöcha kwigh chane kïgh nyo karam anta nyo gha, atömanyïl kïrumtö lö, Tororöt nyinte kikïl ompö machatenyi nyo amelö ompö ighisyewut pö ptangengmöt,

2 TIMOTEO 2:10

Nka nyoni ye omitan omïkukönöy ompö ngwonïn anka tïkwïl ompö kinyiwutyo pipö Tororöt cho kikïlöwön, atökumï chane tïkwïl kïnyorï sörunöt ompö Kristo Yeso nyo ipu ororyö nyo pö kokay.

1 PETRO 1:1

Kakiran palalyantanï ante Petro le akonga ompö kiyoytoghi Yeso Kristo.* Kakirwakwa cho ochï kïlanpa Tororöt cho omito otïpisot le pïnot cho kayasta oghömï koros pö Ponto nko Kalatia nko Kapadokia nko Esya nko Pitinia.