MATAYO 24:14 - PIPÏLIA

¹⁴ Wölo kyomchini Lökoy cho Karamach pö Pöyunöto Tororöt ngwïny kïmïkul tökïlïkwï söwintön ompö pipö Punton löwïr kwitï nyu sörömu ngwïny.

MATAYO 24:14 ပူးပေါင်းရင်းမြစ်များ

ESEKEL 7:10

“Arose kikutomï kiwonyoghtönkwa, kiyetï rïmö nko menotön.

MATAYO 10:7

Ape amtena lö, ‘Kikïrikï Pöyunöto Yïm.’

MATAYO 18:19

“Omwowokwa ngat lö ato chomnyechï pich odeny ompö akwa kïgh anka tïkwïl nyo somöy ompö ngwïny, kwighchini Paponyan nyo mi yïm.

MATAYO 24:3

Akwotini kimpuröy Yeso kutïng pö Arol, kïpkonchï kinetankachi akïtep ompö sison lö, “Mwowecha köny lö oyï ato ighisyot ngalechï akï ne nyo poru lö ketïta ato ingwïnenyi nko ato lïku sörömu ngwïny?”

MATAYO 24:6

Olïmekwa ngala poryotïn nko putintöno poryotïn. Orip kegh motyö, ompöwölo itu ngalechoni nyo mötïny, wölo meporucha ngalechoni lö kikwitïta sörömu ngwïny.

MATAYO 4:23

Kiwesteghö nyu Yeso koro Kalilaya kïmïkul kunetotoy pich ompö korikwa pö sowut akwomtoy Lökoy cho Karamach cho pö Pöyunöto Tororöt. Kisopö nyinte pich sömewut nko kichïr anka tïkwïl.

MATAYO 9:35

Kiwö Yeso kïrutochï kanastin cho echön nko cho mïnkech cho kimi korononi kïmïkul. Kunetisyö ompö korikwa pö sowut akwamta Lökoy cho Karamach cho pö Pöyunöto Yïm, akusopö pich sömew anka tïkwïl nko kosotyö anka tïkwïl.

MARKO 13:10

Kïnyoghöy kyomchini koros löwïr Lökoy cho Karamach.

LUKA 2:1

Kichikyï osiswechoni Kaisari Aukusto lö, kïmököy kekiröy kaynötut pö pich ompö kor kïmïkul atökeyit.

LUKA 24:47

Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr.

LUKA 4:5

Atolapay kumït Onyötö kïpusta wölo töror akuporchï pöyunötin cho pö ngwïny kïmïkul ompö pöroyin nyo tangogh.

IGHISYEWUT 1:2

ntökïtenö asisini kikimït kïwö yïm. Akwotini kitomö kïwö yïm, kurur ompö ara Mïkulögh nyo Tïlil pich cho kikikïlöwön kïlïkwï cho kiyoktoy.

IGHISYEWUT 11:28

Kughyö akong ompö chane nyo kikuro Akapus ompö owesyo Mïkulögh nyo Tïlil akïngor lö itu kömöy nyo wow ngwïny kïmïkul. (Kipïnö ngalechoni ato kipöytoghin, Klaudio.)

IGHISYEWUT 17:31

Ompöwölo kikïror asis akonga nyo rwokinegho ngwïny ompö man ompö chichoni kikïl nyinte. Akakuporchï nyoman pich lapay ngalechoni tömömi chi nyo tomtomönöy ompöwölo kigh nyinte kututï ompö meghat.”

IGHISYEWUT 17:6

Akwotini kïmökïnyorcha, kuchut Yason nko kighöni walaka kïpa tawu kirwok ompö kanasyantanay akuteghyö lö, “Ketï wölete ngat pïchay kiwaghach ngwïny kïmïkul achï kapka kutöngwï kanasyantencha,

IGHISYEWUT 19:27

Mi nyu tapan pöghisyonï le nyinyo, akïmönyoninye onkït, mi tapan anka nyo mökïkonyïtönye chi kokay kö pö tororöt Artemi, akewuröy ororyenyi ompö Esya nko ngwïny kïmïkul.”

IGHISYEWUT 20:25

“Kowesteghan kwenunkwa lapay, amtotoy Pöyunöto Tororöt. Ankïtön ye nyu lö mökïmïnye chi akong ompö akwa nyo tökïsïwïyanïn ngat kokay.

RUMI 10:18

Wölo nya tepan lö, kitomöcha so kïlïm chane ngölyontononi? Kikïlïm lö chïs! Ompöwölo mwoghöy Kikirut lö, “Kighömï kutïwekwa koros lapay akwitïta ngalekwa söremwok pö ngwïny.”

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

KOLOSAY 1:6

Kitas tagh Lökoyechoni Karamach kuyinï akwa akulet tagh kïghömï ngwïny kïmïkul, le wölo kilïkwï ompö kwenunkwa kïngeta asisanya kyalïmakwa akïpköchokwa lö nen pöropcho Tororöt,

EPRANIA 1:6

Kïkany otini kiyonï Tororöt Werïnyi nyo le poret kungwïn ngwïny, kïlö, “Akanya kïsagh malaykeni Tororöt tïkwïl nyinte.”

EPRANIA 2:5

Metönye Tororöt malayken kïpayta ngwïny nyo ngwïnöy, ngwïnyinete kïmitecha ye kengölono ngalechi.

NGONGUT 14:6

Atolapay asïwan malaykayante anka nyo kipilöy kïmïröy poltoy akitïng Lökoy cho Karamach atökwomchï pipö ngwïny, punton löwïr nko pich lapay, kutïw löwïr nko pipö koros lapay!

NGONGUT 16:14

Mïkulis pö oy chane cho ighöy töngönchin. Petöy mïkulischoni kïsömök wölo mi pöytoghi ngwïny kïmïkul atökutuyö chane löwïr ompö poryot ompö Asis nyo wow nyo pö Kimuktoghin Tororöt.

NGONGUT 3:10

Akwompöwölo keripönyi ngölyontenyan aimïkukön, oripinyi nyu tïkwïl ompö asispa työmut nyo ityini pipö ngwïny kïmïkul atöketyam chane löwïr.