13 Wölo ato mïkukön chi ntökwït söröm, kesöru.
Nguyokwa pich tïkwïl akwompö ani. Wölo anka tïkwïl nyo ghyongtoy ntökwit söröm, kesöru.
Wïsöy nyu chomnyo pich cho chang ompöwölo töso ghöyityö.
Olïmekwa ngala poryotïn nko putintöno poryotïn. Orip kegh motyö, ompöwölo itu ngalechoni nyo mötïny, wölo meporucha ngalechoni lö kikwitïta sörömu ngwïny.
Reyokwa pich lapay akwompö kaynenyan, wölo anka tïkwïl nyo kömöghöy ntökwit söröm, kesöru.
Achïchïm nyu lasiny tonyorunö söpon.
Kïnyïl kösïghechay kichïnchï nyïngwïtyan nyo akwagh kï pich cho lïmöy ngölyonto Tororöt akïkomönchï mïkulögh nyo ghanat, akï nyo karam, akïmïkukön ntökïyï akwa.
Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.
Komönokwa nyinte ntökwit söröm, atömökïsöchokwa lelut ompö Asisoni pö Echotyontenyo Yeso Kristo.
Wölo melö kichicha pich cho kïmïlisot löt akepotyö, puryö kïtïngetecha kighanat akesörwecha.
Ompöwölo kichicha ghömote nko Kristo ato kïnamacha lasiny kikönötenyo nyo kikïtïngetö otini le tagh ntökwit söröm.
Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.
Meway kïgh nyonikïny nyo mach kwipunyi nyarïl. Rosa! Työmokwa Onyötö akïtorchokwa chela, akechopokwa kong osis taman. Alïkwï cho ghönote ompö ani, kïrkegh meghe, ato konok tenta söpon.
