MATAYO 23:34 - PIPÏLIA

³⁴ Kïlenyona omwowokwa lö, oyonwokwa werkoy nko pich cho ngöghomöch nko konetï ataparakwa walaka awudochï walaka kimurtöwon amungö walaka sinakokin, anyaril kong chane ompö kanastinekwo löwïr.

MATAYO 23:34 ပူးပေါင်းရင်းမြစ်များ

2 PÖYTOGHÏ 21:10

Kingalan ECHOTYON kuwerï mötworichi werkoy lö,

2 OTÖPTINO OSIS 24:21

Kïtat pïchay kewir Sakaria ompö kuti pöytoghin, akewira nyinte köghïn kïma ompö kiroryo Kö pö Tororöt.

NGÖTÏNYÖ 11:30

Otöpö chi pö man, kï ket pö söpon, ngöghom chi nyo söru mïkulis pö pich.

YEREMIA 26:8

Otini kyawanyan amwagha ngalechoni kimwowanïn ECHOTYON lö mwochinö pich löwïr, kïpka kïnamanïn tïsï nko werkoy nko pich löwïr akuteghyot kïlentöy, “Imeghenyi ye!

YEREMIA 36:26

Atolapay kïmwa pöytoghintö lö, “Anama Yeremia nko kikirintenyi Paruk.” Kïlenyona kïyonta werïnyi Yeramel nko Seraya wero Asriel nko Syelemia wero Aptel atökïnanamecha wölo kiwïngecha ECHOTYON.

MATAYO 10:23

Kïkany kunyarilakwa pich kong ompö kanasyan akonga, oryöghchï kanasyante anka. Omwowokwa nyoman lö mowongekwanye ighisyewutkökwo löwïr ompö kanastina Israel kïmïkul kïtomö kïmïla Wero Chi.

MATAYO 13:52

Kïlenyona kïlenchï chane, “Poru nyoni lö konetinto kirurut anka tïkwïl nyo lïku kinetana ngala Pöyunöto Yïm, kï karkegh nko chi nyo chenguno konyi tïkwïn cho relach nko cho pö köny kïpkana kaplawachtanyi.”

MATAYO 23:31

Keporï nyoni nyoman lö ochikwa chamate lö ochikwa monïng pïchini kipar werkoy!

LUKA 24:47

Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr.

YOANA 16:2

Yonenokwa chane kori saghat. Atökïpkonöy osiswö cho nonöy chi nyo pörokwa lö pöghisyechini nyinte Tororöt.

YOANA 20:21

Atolapay kïlenchï Yeso chane ngat, “Nya kïtöpö kalya nko akwa. Kïle wölini kiyonwanïn Paponyan, oyontonokwa lenyoni.”

IGHISYEWUT 1:8

Wölo onyorunekwa owesyö otini körökyokwa Mïkulögh nyo Tïlil alïkukwa nyu söwichan ompö Yerusalem nko koro Yudea kïmïkul nko Samaria, ntökwïtïta sörömu ngwïny.”

IGHISYEWUT 11:27

Kipkana werkoy osiswechoni Yerusalem kïpka Antiokia.

IGHISYEWUT 12:2

Kïpar chok ompö Yakopo werto ompö Yoana.

IGHISYEWUT 13:1

Akimito kanisa nyo kimi Antiokia werkoy nko konetï chane kï Parnapa nko Simion (nyo kikuro Lotuw) nko Lukio (nyo kingwïno Kurene) nko Manaen (nyo kinar nko pöytoghin Erode) nko Saulö.

IGHISYEWUT 14:19

Kïpkana pipö Yaudi walaka kanastina Antiokia nko Ikonio, kwigh nyoryonay kïrïp ngalekwa, kïpechï kïwir Paulö akuchut kïngeta kanasyantanay kunonöy lö kima.

IGHISYEWUT 15:32

Kïngölonchï Yudas nko Sila cho kile werkoy, kighönichay kukilöy akuchïchimöy chane.

IGHISYEWUT 5:40

Kïrïp Kokwonay ngalechay, kekur kiyoktoghï akemuny, atolapay kemwochï lö, mangalanena ngat kaynata Yeso, akepïstö chane kïpa.

1 KORINTO 2:6

Kïrkegh kïlenyoni, kepöghisyeghonecha ngala ngöghomnyö ompö pich cho kikilyö ompö kighanat, wölo melö ngöghomnyo ngwïnyinï anta nyo pö pöytoghi ngwïnyinï cho mi owesyengwa kïwonyotoy.

1 KORINTO 3:10

Kyamukan otor teksyo köyoni ompö owesyo Tororöt, nyo kighanïn ompö pöropchenyi alïkwï tekin nyo le tïngan, kïtek chitö anka parakuto kitorutyonini. Wölo nya kuros chi anka tïkwïl wölo tektoy parakunyi.

KOLOSAY 1:28

Nka nyoni kyomchinecha Kristo pich lapay. Kïrirchinecha akenetöy chane ompö ngöghomnyö anka tïkwïl atömanyïl kemïtï ompö tawu Tororöt chi anka tïkwïl nyo kikïkil ompö Kristo.

1 TESALONIKE 2:16

Kimukyï chane kïtaghenecha kyomchinö pipö punton ngal cho ipchini chane sörunöto Tororöt. Kewanya chane aranoni ompö ngokikwa löwïr cho kighöy chane kïnomnyö. Wölo kechumchï ye nörekyo Tororöt chane.

EPRANIA 11:37

Kikïwira chane koghïn akemuta mïsïmenen kïlïkwï odeny, kepara walaka chokon. Kimi kulokotoy sïro pö kechir nko cho pö ngaror, kilïkwï chane mey cho kikichop kong akerey.

NGONGUT 11:10

Ngöreksot pipö ngwïny akïturonchö ompö megha pïchoni kwodeny. Ngörökyini akïropchï kegh ropöw ompöwölo kisus tya werkoyichoni kwodeny pipö ngwïny.