MATAYO 23:2 - PIPÏLIA

² “Tïngeto man koneti kirurut nko Parisaytin* kïmwowï kïgh nyo mwoghöy Kirurut pö Musa.

MATAYO 23:2 ပူးပေါင်းရင်းမြစ်များ

ESRA 7:25

“Akï nyi Esra, ompöwölo kikoninyi Tororötïngu ngöghomnyö, kïla muti ngal nko kirwokï cho muköy kïpayta pich löwïr ompö lalwa Yuparet okumpö ta cho nkït kirurut pö Tororöt, ato cho menkïtcha inet.

ESRA 7:6

Ki kikirin Esra nyo ngöghom ompö kirurut pö Musa cho kikonï ECHOTYON Tororöt nyo pö Israel. Kighchï pöytoghintö nyinte kïgh anka tïkwïl nyo kisom, ompöwölo ki mi ECHOTYON Tororötïnyi nko nyinte.

MALAKI 2:7

Mïchini tïsï kunet pich kunkïtï man pö Tororöt akï mïchini kïpechï pich tïsï atö kenet kirurutköchan, ompöwölo tïsï kï kiyoktoghi ECHOTYON Kimuktoghin.

MATAYO 23:3

Kïlenyona ater arïp kïgh anka tïkwïl nyo mwowokwa chane lö kighöy, wölo marïp ighisyewutkökwa, ompöwölo mwoghöy chane ngal amörïpöcha.

MARKO 12:38

Kunet chane ompö kinetutkachi lö, “Orip kegh koneti kirurut cho, chömöy kunisonchegho sïro cho koghöch, atökutakwesata pich chane, ompö donyö,

LUKA 20:46

“Orip kegh koneti kirurut cho chömöy kunisonchegho sïrokökwa cho koghöch atökutakwes pich ompö konyït ompö donyö. Kïlöy chane ngöcher cho mi tagh ompö kori sowut akwighöy lenyoni nko ompö wölo kyomisyegho.

KINONO KIRURUT 33:3

Chömöy ECHOTYON pikachi, akï ghetöy kïlankachi. Kïlenyona kïrïpecha ngalechi aketerchï nyinte kirurutkachi.