11 Chi nyo wow ompö akwa, kïmïchini kïlïkwï mötworintekwa.
Amakany kekurenok, ‘Echotyon,’ ompöwölo akonga Echotyontenkwa onkït nyoni kï Kristo.*
Kumpur Yeso ngwïny akïkur pïchay le taman nko odeny akïlenchï, “Chi anka tïkwïl ompö akwa nyo mököy kïlïku nyo pö tagh kwip kegh ngwïny kïtïl pikö walaka akïlïkwï mötworinto pich lapay.”
Kïlenyona nyu, kïrkegh kö mochanye sekeyonto chi wölo kaghan kegh alïkwï sekeyonto pich löwïr, atömanyïl onyorï pich cho chang cho rïpöy Kristo ato muko.
Mötwori Kristo so chane? Ochan tïkwïl, angölonan lenyoni le chepoyï, lö ochan mötworinto Kristo kïtïl chane! Kaghan ighisyö nyo aghïgh tya, kikïtorchanïn chela kïnyïl cho chang tya akemungenanïn syaritin kïnyïl cho chang tya. Kyachïwïtan meghat kïnyïl cho chang.
Melö kyomtocha kegh achane, wölo kyomtocha Yeso Kristo nyo le Echotyon, kïchicha achane mötworikwa ompö Yeso.
Wölo cho le akwa, werköcho, kikïkurokwa otyokisyenö ompö pïrchintino ngwïny, wölo makany kwighakwa kityakatengwo opöghisyechinö möchut pö por, nyinö kötölïku nyoni, opöghisyechï kegh ompö chomnyogh.
