MATAYO 22:3 - PIPÏLIA

³ Kiyonta mötworichi kïpa kïkur pich kïpka ichon, wölo kïtagh pich kikïkur kïpka.

MATAYO 22:3 ပူးပေါင်းရင်းမြစ်များ

TUMWÖY 68:11

Mwowu Echotyon ngalechi, kupertoy pöytoghï nko lïkoskökwa. Kïmwatïta korï cho chang lökoyechoni akupar ompö keston pöröw

ISAYA 30:15

Ompöwölo mwoghöy Echotyon TORORÖT Kimuktoghin, Tororöt pö Israel nyo Tïlil nyo pö Israel pich lö, “Kïsörwokwa ato omïlonchekwa, aghananïn. Osïkekwa nyu owesyö atïpï ato tïghume.” Wölo ataghakwa agha lenyoni!

YEREMIA 25:4

Melö kyalïmakwa amaterakwanye nyonikïny kïrkegh kiyokwokwa ECHOTYON mötworichi cho le werkoy kïnomnyö.

YEREMIA 35:15

Kyoyokwokwa mötworichan werkoy kïnyïl cho chang cho kipka kïmwowokwa lö opïstenö ortïnekwo cho ghach atolapay owöghökisyö agh man. Kimwowokwa lö orip kegh masagh amopöghisyechï tororötin walaka. Nyo ntökyarïpakwa ngalechoni kitomöngekwa kokay koronete kokonokwa atö tïkwïl papotïnekwa. Wölo nyu melö kyateranïkwa amelö kyayangakwa kïgh nyo kyamwaghan.

OSEA 11:2

Wölo kïle otini kyokuran chane, kïmi kunokenanïn tya, akitas tagh kïpelchï amöros Paaltin,* akïpelchï tïkwïn cho ngutoy cho onyïn körkeyïntin.

OSEA 11:7

Tökumönöy piköchan kïpïtanïn akïkïrkegh kïkur Tororöt nyo Töror tya kimemukönye kungarak chane.

SEPANIA 1:7

Kirikï asispa ECHOTYON nyo pö kirwok, kïlenyona, isis chi lasay ompö tawu Echotyon TORORÖT. Kikïsat ECHOTYON amöros akïkur toechi cho kikïl.

MATAYO 21:34

Kïkany kwitïta osiswo sapipun, kïyonta sekeykachi kïpa kura pïchay kimönokyï nyinte par atökïsïkö chane kareranpa akwa.

MATAYO 23:37

“Heywey Yerusalem, Yerusalem nyo ipöröy werkoy aiwira koghïn pich cho köyonunyi Tororöt! Kyamachan kïnyïl cho chang omukyï aghamïtï piköku wölo omitan le wölo ghömïtyini kokoroch warechi köpepoy, wölo itaghanyi!

MATAYO 3:2

“Okötenö ngokikwo, ompöwölo kirikï Pöyunöto Yïm!”

MATAYO 9:15

Kuyokyï Yeso chane lö, “Olentekwa so, muköy toyo kensyö kïkïruröy otini tökïmi chi pö koyögh nko chane? Muko nyo mi onö! Wölo pkonöy osiswö ato kïchengo chane chi pö koyögh, kïkïrur nyu chane asisoni.

LUKA 13:34

“Ochech Yerusalem! Nkepar werkoy aiwira koghïn kiyoktoghi Tororöt cho kikïyonunyi. Kyaghamïtan piköku löwïr kïnyïl cho tya le wölo ghömïtïto kokorochö warechi ompö köpepoy, wölo kimepïswanïnyinye.

LUKA 15:28

“Kïnarek weri nyay wow akïtagh kïlït kö. Kungwïn kwanta sany akïsagh nyinte kïlït kö.

LUKA 19:27

Akï yeo, kunko punkachan chanya kimachamnye alïkwan pöytoghintengwa? Amïtuna yi, apara chane tawunyan.’ ”

YOANA 5:40

Akwanyï mochömekwanye opkone wölo omitan atamuka osïkö söpon.

IGHISYEWUT 13:45

Kïkany kïsïwa pipö Yaudi nyoryotïnechay kwipö pïchay sikong. Kïtiyö ngal cho kimwa Paulö akumwoghsyö.

RUMI 10:21

Wölo mwoghöy ompö pipö Israel lö, “Kyoghïtyan ewuno linyogh kwimön pich cho le tighï akï penyi.”

EPRANIA 12:25

Arose kegh nyu tömatagh nyinte nyoni ngölonöy. Ompöwölo ato kimöchïwïtyöcha pich cho kitagh kïlïm ngala chichoni kingwïn ngwïnyinï akuyomisï ngala yïm, ekechïwïtyonecha lö ne nyu ato kïghöpönöcha nyinte nyoni rirwecha ompö yïm?

EPRANIA 9:15

Ompö atoni nyu Kristo nyo le kilinyoghinto muma nyo rel atökumï pich cho kikur Tororöt kïsïch kisoyönöt nyo pö kokay. Nyoru chane kisoyönötononi ompöwölo kima Kristo atökïsörunö pich ngokikwa cho kigh otini kitökïmi chane ngwïnyi mumanay pö köny.

NGONGUT 22:17

Kölenchï Mïkulögh nko Mïrara kensyö Yeso, “Nyonö!” Akï anka tïkwïl nyo kalïm ngölyontonete, kïmwa tïkwïl lö, “Nyonö!” Anka tïkwïl nyo amate maral akömököy, kumuköy tach kungwïn akï pögho söpon, cho pö kwïle.

1 SAMWEL 9:13

Ape nyu lawel onyorukwa nyinte otini kolïtökwa kanasyan, tomökïwö kwomisyö ompö tïkumwok wölo kitötegho amöros, ompöwölo momisïyinye pich kïtomö kungwïn nyinte. Nyoghöy nyinte kusoyönöy amörostö, atolapay kwomisyö nyu pich cho kakïtach.”